ନୂଆଦିଲ୍ଲୀ,୨୯।୪: ସାଉଦି ଆରବରେ ହଜ୍ ଯାତ୍ରା ଆରମ୍ଭ ହୋଇ ସାରିଛି। ଏହା ଭିତରେ ସାଉଦି ଆରବର ଗୃହମନ୍ତ୍ରଣାଳୟ ଘୋଷଣା କରିଛନ୍ତି ଯେ, ବିନା ପରମିସନ୍ରେ ହଜ୍ ଯାତ୍ରାରେ ଆସୁଥିବା ଲୋକଙ୍କୁ କଠିନ ଦଣ୍ଡ ମିଳିବ। ଏଭଳି ଲୋକଙ୍କୁ ଧରିବା ପାଇଁ ୨୦ ହଜାର ରିୟାଲ ବଲ୍ ଅର୍ଥାତ ୫ ହଜାର ଆମେରିକୀୟ ଡଲାର ଫାଇନ୍ ଦେବାକୁ ହେବ। ଏହାଛଡା ଏଭଳି ଳୋକଙ୍କୁ ସାଉଦି ଆରବରେ ପଶିବାକୁ ସାହାଯ୍ୟ କରୁଥିବା ଲୋକଙ୍କ ଉପରେ ମଧ୍ୟ କଡ଼ା ଆକ୍ସନ ନିଆଯିବ।
ଏହି କଟକଣା ମଙ୍ଗଳବାରୁ ୧୦ ଜୁନ୍ ପର୍ଯ୍ୟନ୍ତ ଲାଗୁ କରାଯିବ। କେବଳ ସେତିକି ନୁହେଁ ଏଭଳି ଭିସାଧାରୀଙ୍କ ଉପରେ ମଧ୍ୟ ଫାଇନ୍ ଲାଗିବ, ଯେଉଁମାନେ ଅନ୍ୟ କୌଣସି କାମରେ ସାଉଦି ଆରବ ଆସିଥିଲେ ଓ ବିନା ଅନୁମତିରେ ମକ୍କା ପହଁଞ୍ଚି ଯାଇଥିଲେ। ସାଉଦି ଆରବ ପ୍ରଶାସନ ସ୍ପଷ୍ଟ କରିଛନ୍ତି ଯେ,ମକ୍କାରେ ସେହି ଲୋକଙ୍କୁ ଏଣ୍ଟ୍ରି ମିଳିବ, ଯାହାଙ୍କ ଭିସାରେ ହଜ ଯାତ୍ରାର ପରମିଶନ୍ ରହିଛି।
କେବଳ ସେତିକି ନୁହେଁ, ଯଦି ନିୟମର ଉଲଘଂନ ବହୁ ଲୋକ କରନ୍ତି ତେବେ ସମସ୍ତଙ୍କ ଉପରେ ଫାଇନ ଲାଗିବ। ଏହାଛଡା ମକ୍କା ସିଟି ପର୍ଯ୍ୟନ୍ତ ପରମିଶନ୍ ନଥିବା ଲୋକଙ୍କୁ ନିଜର ବାହନରେ ନେଇକି ଆସୁଥିବା ଲୋକଙ୍କ ଉପରେ ମଧ୍ୟ ଫାଇନ୍ ଲାଗିବ। ହୋଟେଲ, ଆପାର୍ଟମେଣ୍ଟ, ପ୍ରାଇଭେଟ୍ ହାଉସିଂହ ଭଳି ବ୍ୟବସ୍ଥା କଲେ ମଧ୍ୟ ଫାଇନ୍ ଦେବାକୁ ପଡିବ। ସାଉଦି ଆରବ ପ୍ରଶାସନ ସ୍ପଷ୍ଟ ଭାବରେ କହିଛି ହଜର ବିନା ଅନୁମତି ଥିବା ଲୋକ ମକ୍କା ନଆସନ୍ତୁ। ଏହାଛଡା ଏଭଳି ଲୋକଙ୍କୁ ରହିବା, ଖାଇବା-ପିଇବା ଓ ପରିବହନ ବ୍ୟବସ୍ଥା କରୁଥିବା ବ୍ୟକ୍ତିଙ୍କୁ ମଧ୍ୟ ଦଣ୍ଡିତ କରାଯିବ। ସାଉଦି ଆରବ ପ୍ରଶାସନର କହିବା ଅନୁସାରେ, ମକ୍କାରେ ଭିଡ ନିୟନ୍ତ୍ରଣକୁ ନିୟନ୍ତ୍ରଣ କରିବା ପାଇଁ ଏହି ଉପାୟ ଗ୍ରହଣ କରାଯାଇଛି। ଏହାଛଡା ଭିକାରୀଙ୍କୁ ମଧ୍ୟ ଦୂରେଇ ରହିବାକୁ କୁହାଯାଇଛି।
