ନୂଆଦିଲ୍ଲୀ,୧୭/୦୫: ତିରୁପତିଙ୍କ ଶରଣରେ ବିଶିଷ୍ଟ ଶିଳ୍ପପତି ସଞ୍ଜୀବ ଗୋଏଙ୍କା । ତିରୁମାଳା ତିରୁପତିଙ୍କୁ ଦର୍ଶନ କରିବା ସହିତ ମନ୍ଦିରକୁ ୫ କେଜିରୁ ଅଧିକ ସୁନା ଅଳଙ୍କାର ଦାନ କରିଛନ୍ତି । କୋଲକାତାର ବିଶିଷ୍ଟ ଶିଳ୍ପପତି ତଥା ଆଇପିଏଲ୍ ଲକ୍ଷ୍ନୌ ସୁପରଜାଏଣ୍ଟସ୍ ଫ୍ରାଞ୍ଚାଇଜ ମାଲିକ ସଞ୍ଜୀବ ଗୋଏଙ୍କା । ଭଗବାନ୍ ଭେଙ୍କଟେଶ୍ୱରଙ୍କୁ ହୀରା ଖଚିତ ସ୍ୱର୍ଣ୍ଣ ନିର୍ମିତ କଟି ଓ ବରଦା ହସ୍ତ ଦାନ କରିଛନ୍ତି । ଯାହାର ମୂଲ୍ୟ ପ୍ରାୟ ୩ କୋଟି ୬୩ ଲକ୍ଷ ଟଙ୍କା ହେବ ।
ପରିବାର ସହ ପ୍ରଥମେ ଭଗବାନ ଭେଙ୍କଟେଶ୍ୱରଙ୍କୁ ଦର୍ଶନ କରିଥିଲେ ସଞ୍ଜୀବ ଗୋଏଙ୍କା । ମନ୍ଦିର ଚତୁଃପାର୍ଶ୍ୱ ବୁଲିବା ସହ ତିରୁପତିଙ୍କ ଆର୍ଶୀବାଦ ନେଇଥିଲେ । ଏହାପରେ ମନ୍ଦିର ଭିତର ରଙ୍ଗନାୟକୁଲା ମଣ୍ଡପମରେ ଆନୁଷ୍ଠାନିକ ଭାବେ ଟିଟିଡି ଅତିରିକ୍ତ କାର୍ଯ୍ୟନିର୍ବାହୀ ଅଧିକାରୀ ଭେଙ୍କେୟା ଚୌଧୁରୀ ଓ ପଜୂକଙ୍କୁ ସୁନା ଅଳଙ୍କାର ଦାନ କରିଥିଲେ । ସୁନାର ଓଜନ ପ୍ରାୟ ୫ କେଜି ୨୬୭ କିଲୋଗ୍ରାମ ହେବ । ସ୍ୱତନ୍ତ୍ର ପୂଜାରେ ଏହି ସମସ୍ତ ଅଳଙ୍କାରରେ ସଜେଇ ହେବେ ଭଗବାନ ତିରୁପତି ।
ଅଧିକ ପଢନ୍ତୁ...ପାକିସ୍ତାନ ଭଳି ‘ଜଳ ସଙ୍କଟ’ର ସମ୍ମୁଖୀନ ହେଉଛି ତୁର୍କୀ, ପାଣି ଉପରେ ଶୁଳ୍କ ବଢ଼ାଇଲେ ସରକାର
କହି ରଖୁଛୁ କି, ଚଳିତ ଆଇପିଏଲ୍ ସିଜନ ୧୮ରେ ସଞ୍ଜୀବ ଗୋଏଙ୍କାଙ୍କ ଦଳ ଲକ୍ଷ୍ନୌ ସୁପରଜାଏଣ୍ଟସ ୧୧ଟା ମ୍ୟାଚ ଖେଳି ୫ଟି ଜିତିଛି । ୬ଟିରେ ପରାସ୍ତ ହୋଇଛି । ପଏଣ୍ଟ ଟେବୁଲ ସପ୍ତମ ସ୍ଥାନରେ ରହିଛି ଋଷବ ପନ୍ତଙ୍କ ନେତୃତ୍ୱାଧୀନ ସୁପରଜାଏଣ୍ଟସ । ପନ୍ତଙ୍କୁ ୨୭ କୋଟି ଟଙ୍କାରେ କିଣିଥିଲା ଲକ୍ଷ୍ନୌ । ଅକ୍ସନରେ ସବୁଠୁ ଦାମୀ ଖେଳାଳି ଥିଲେ । ହେଲେ ତାଙ୍କର ପ୍ରଦର୍ଶନ ନୈରାଶ୍ୟଜନକ ରହିଛି । ଖାଲି ସେତିକି ନୁହେଁ କ୍ୟାପ୍ଟେନ୍ସିଂରେ ବି ବିଫଳ ହୋଇଛନ୍ତି ପନ୍ତ ।
