କଳାହାଣ୍ଡି,୦୨/୦୧: ଡିସେମ୍ବର ୨୯ ତାରିଖରେ ଟ୍ୟାଙ୍କର ଧକ୍କାରେ ଜଣେ ଯୁବକଙ୍କ ମୃତ୍ୟୁ ପରେ ଶବ ରଖି ରାସ୍ତା ଅବରୋଧ କରିଛନ୍ତି ଲୋକେ । କଳାହାଣ୍ଡି ମୋଟେର ମୁଖିଗୁଡ଼ା ମୁଖ୍ୟ ରାସ୍ତା ବାନେର ଛକରେ ଶବ ରଖି ରାସ୍ତା ଅବରୋଧ କରାଯାଉଥିବାରୁ ଯାତାୟତ ବାଧାପ୍ରାପ୍ତ ହେଉଛି ।
ସୂଚନା ମୁତାବକ, ଡିସେମ୍ବର ୨୯ ତାରିଖ ଅର୍ଥାତ ରବିବାରରେ ବାନେର ଗାଁର ଉଛବ ବାଗ ଏକ ବାଇକ୍ ଯୋଗେ ବିଜମରା ଧନୁଯାତ୍ରା ଦେଖି ଫେରୁଥିବା ବେଳେ କଲୋନୀ ପଡା ବନ୍ଧ ପାର୍ଶ୍ଵରେ ଏକ ଟ୍ୟାଙ୍କର ଗାଡି ଧକ୍କା ଦେଇଥିଲା । ଏଥିରେ ଉଛବ ଗୁରୁତର ଭାବେ ଆହତ ହୋଇଥିଲେ । ତାଙ୍କୁ ପ୍ରଥମେ ଜୟପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ପରେ ଭବାନୀପାଟଣା ସ୍ଥିତ ସ୍ଥାନାନ୍ତରିତ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା । ସେଠାରେ ମଧ୍ୟ ସ୍ୱାସ୍ଥ୍ୟବସ୍ତା ସଙ୍କଟାପର୍ଣ୍ଣ ହେବାରୁ ରାୟପୁରର ଏକ ଘୋରଇ ହସ୍ପିଟାଲରେ ଚିକିତ୍ସା କରାଯାଉଥିଲା । ବର୍ତ୍ତମାନ ଉଛବଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି । ଶବ ଗାଁକୁ ଫେରିଲା ପରେ ପରିବାର ଓ ଗାଁ ଲୋକେ କ୍ଷତିପୂରଣ ଦାବିରେ ରାସ୍ତା ଅବରୋଧ କରିଛନ୍ତି।
