ମୁମ୍ବାଇ,୧୫/୦୨: ଖୁବଶୀଘ୍ର ରିଲିଜ ହେବାକୁ ଯାଉଛି ସଲମାନ ଖାନଙ୍କ ଆଗାମୀ ଫିଲ୍ମ ସିକନ୍ଦର । ଚଳିତ ବର୍ଷ ଇଦରେ ଏହି ଫିଲ୍ମ ରିଲିଜ ହେବା ନେଇ ସୂଚନା ରହିଛି । ତେବେ ଏହାରି ମଧ୍ୟରେ ଫିଲ୍ମକୁ ନେଇ ସାମ୍ନାକୁ ଆସିଛି ବଡ଼ ଅପଡ଼େଟ୍ । ତେବେ ସିକନ୍ଦର ସେଟ୍କୁ ଫିଲ୍ମର ମୁଖ୍ୟ ଭୂମିକାରେ ଅଭିନୟ କରୁବାକୁ ଥିବା ଅଭିନେତ୍ରୀ ରଶ୍ମିକା ମନ୍ଦାନା ଫେରିଛନ୍ତି । ନିକଟରେ ତାଙ୍କ ଗୋଡ଼ରେ ଆଘାତ ଲାଗିଥିଲା । ଯାହାକୁ ନେଇ ସେ ସୁଟିଂ ପାଇଁ ଯାଇପାରିନଥିଲେ । କିନ୍ତୁ ବର୍ତ୍ତମାନ ପୁଣିଥରେ ରଶ୍ମିକା ଗୋଡ଼ରେ ଆଘାତ ପରେ ସିକନ୍ଦର ସେଟ୍କୁ ଫେରିଛନ୍ତି । ସେ ସୁଟିଂ ଆରମ୍ଭ କରିଥିବା ନେଇ ଏକ ବିଟିଏସ ଫଟୋ ମଧ୍ୟ ସେୟାର କରିଛନ୍ତି ।
ତେବେ ମାର୍ଚ୍ଚ ଶେଷରେ ଅର୍ଥାତ ଇଦରେ ସିକନ୍ଦର ରିଲିଜ ହେବାକୁ ଯାଉଛି । କିନ୍ତୁ ସିକନ୍ଦରର ସୁଟିଂ ବର୍ତ୍ତମାନ ଯାଏଁ ଶେଷ ହୋଇନି । ଯାହାକୁ ଫ୍ୟାନ୍ସ ଚିନ୍ତାରେ ଯେ ଫିଲ୍ମର ଟ୍ରେଲର କେବେ ଆସିବ ଓ ରିଲିଜ କେବେ ହେବ । ତେବେ ଗତକାଲି ଅର୍ଥାତ ୧୪ ଫେବୃଆରୀରେ ରଶ୍ମିକା ନିଜର ଇନଷ୍ଟାଗ୍ରାମ ଆକାଉଣ୍ଟର ଷ୍ଟୋରୀରେ ସିକନ୍ଦର ସେଟରୁ ଏକ ବିଟିଏସ ଫଟୋ ସେୟାର କରିଥିଲେ । ଏହି ଫଟୋ କୋଲାଜ ସେଲ୍ପି ଥିଲା । ଯେଉଁଥିରେ ସେ ନିଜର ହାତରେ କୋରିଆନ ହାର୍ଟ ବନାଇଥିବା ନଜର ଆସିଥିଲେ । ଏଥିସହ ସେ କ୍ୟାପସନରେ ଲେଖିଥିଲେ ଯେ, ପିଏସ-ସିକନ୍ଦର ରାତ୍ର ସୁଟ୍ । ମୋତେ ଲାଗୁଛି ଯେ ଶେଷରେ ପୁଣିଥରେ ମୋ ଅଭିନୟ ଜୀବନକୁ ଫେରିଆସିଛି । ନିର୍ଦ୍ଦେଶକ ସାଜିଦ ନାଡିୟାଡ଼ବାଲାଙ୍କ ପତ୍ନୀ ମଧ୍ୟ ସିକନ୍ଦର ସେଟ୍ରୁ ଏକ ବିଟିଏସ ଫଟୋ ସେୟାର କରିଛନ୍ତି । ତେବେ ଫିଲ୍ମରେ ସଲମାନ ଖାନ ଓ ରଶ୍ମିକା ମନ୍ଦାନାଙ୍କ ସହିତ ସିକନ୍ଦରର ଷ୍ଟାରକାଶ୍ଟରେ ସତ୍ୟରାଜ, ପ୍ରତୀକ ବବ୍ବର, କାଜଲ ଅଗ୍ରଓ୍ବାଲ ଓ ସରମନ ଜୋଶୀଙ୍କ ଭଳି କଳାକାର ଅଛନ୍ତି । ଯେଉଁମାନଙ୍କୁ ଫିଲ୍ମରେ ମୁଖ୍ୟ ଭୂମିକାର ଦେଖିବାକୁ ମିଳିବ ।
