କୋଣାର୍କ, ୨୨।୩ : କୋଣାର୍କରେ କାଳବୈଶାଖୀ ବର୍ଷା। ଅଦିନିଆ ବର୍ଷାରେ ପର୍ଯ୍ୟଟକ ହନ୍ତସନ୍ତ। ଅଚାନକ ବର୍ଷା ହେବା ଯୋଗୁଁ କୋଣାର୍କ ମନ୍ଦିର ବୁଲିବାକୁ ଆସିଥିବା ପର୍ଯ୍ୟଟକମାନେ ହନ୍ତସନ୍ତ ହୋଇଛନ୍ତି। ଦୂର ଦୂରାନ୍ତରୁ ଆସିଥିବା ପର୍ଯ୍ୟଟକମାନେ ଓଦା ହୋଇ ମନ୍ଦିର ବୁଲିଛନ୍ତି। ସୂର୍ଯ୍ୟ ମନ୍ଦିର ଭିତରେ ଆଶ୍ରୟସ୍ଥଳୀ ନଥିବାରୁ ପର୍ଯ୍ୟଟକମାନେ ନାଟ୍ୟମନ୍ଦିର ନିକଟରେ ଥିବା ବରଗଛ ତଳେ ଆଶ୍ରୟ ନେଇଛନ୍ତି।
ସୂଚନାନୁଯାୟୀ, ଶନିବାର ପୂର୍ବାହ୍ନ ପ୍ରାୟ ୧୧ଟାରେ ହଠାତ୍ କାଳବୈଶାଖୀ ବର୍ଷା ଆରମ୍ଭ ହୋଇଯାଇଥିଲା। ଘଡ଼ଘଡ଼ି ସହ ଦୁଇ ଘଣ୍ଟା ଧରି ବର୍ଷା କାଚିଥିଲା। ଫଳରେ କୋଣାର୍କ ମନ୍ଦିର ରାସ୍ତା ଉପରେ ପାଣି ଜମିଗଲା । ଦୂରଦୂରାନ୍ତରୁ ଆସିଥିବା ପର୍ଯ୍ୟଟକମାନେ ଓଦା ହୋଇ ସୂର୍ଯ୍ୟମନ୍ଦିର ବୁଲିଥିଲେ। କିଏ ଛତା ଧରି ତ ଆଉ କିଏ ମୁଣ୍ଡରେ ରୁମାଲ ଢାଙ୍କି ବୁଲିଥିଲେ। ସୂର୍ଯ୍ୟମନ୍ଦିର ଭିତରେ ଆଶ୍ରୟସ୍ଥଳୀ ନଥିବାରୁ ପର୍ଯ୍ୟଟକମାନେ ନାଟ୍ୟମନ୍ଦିର ନିକଟରେ ଥିବା ବରଗଛ ତଳେ ଆଶ୍ରୟ ନେଇଥିଲେ।
ଏହି ଖବରଟିକୁ ପଢନ୍ତୁ-ନବ ଦାସ ହତ୍ୟା ମାମଲା: ଗୋପାଳ ଦାସଙ୍କ ହାତରୁ ବନ୍ଧୁକ ଛଡ଼ାଇଥିବା ଯୁବକଙ୍କୁ କ୍ରାଇମ୍ବ୍ରାଞ୍ଚର ଜେରା
