ଗ୍ୱାଲିୟର : ଦେଶର ପ୍ରଥମ ଆଧୁନିକ ଓ ଆତ୍ମ-ନିର୍ଭର ଗୋ-ଶାଳାର ହେବ ଶୁଭାରମ୍ଭ। ମଧ୍ୟ ପ୍ରଦେଶର ଗ୍ୱାଲିୟର ସହରରେ ନିର୍ମିତ ହୋଇଥିବା ଏହି ଗୋ-ଶାଳା ଲୋକାର୍ପଣ ପାଇଁ ପ୍ରସ୍ତୁତ ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨ଅକ୍ଟୋବର ସକାଳ ୧୦ଟାରେ ଦିଲ୍ଲୀର ବିଜ୍ଞାନ ଭବନରେ ଆୟୋଜିତ କାର୍ଯ୍ୟକ୍ରମରେ ,ଲାଲ୍ ଟିପାରା ସ୍ଥିତ ଏହି ନୂଆ ବାୟୋ ସିଏନଜି ପ୍ଲାଣ୍ଟ ଲୋକାର୍ପଣ କରିବେ।
ଉକ୍ତ ଗୋ-ଶାଳାରେ ଇଣ୍ଡିଆନ ଅଏଲ୍ କର୍ପୋରେସନ (ଆଇଓସି)ର ସହଯୋଗରେ ୨ହେକ୍ଟର କ୍ଷେତ୍ରରେ ବାୟୋ ସିଏନଜି ପ୍ଲାଣ୍ଟ ସ୍ଥାପିତ ହୋଇ ଯାଇଛି। ଏହି ପ୍ଲାଣ୍ଟର ପରିଚାଳନା ପାଇଁ ୧୦୦ଟନ୍ ଗୋବରର ବ୍ୟବହାର କରି ପ୍ରତିଦିନ ୩ ଟନ ଯାଏ ସିଏନଜି ଓ ସବୁଠୁ ଭଲ କ୍ୱାଲିଟିର ଜୈବିକ ସାର ୨୦ ଟନ୍ ମିଳିବ। ଇଣ୍ଡିଆନ ଅଏଲ କର୍ପୋରେସନ ପ୍ଲାଣ୍ଟର ପରିଚାଳନା ଓ ରକ୍ଷଣାବେକ୍ଷଣରେ ମଧ୍ୟ ସାହାଯ୍ୟ କରିବ।
ଏହି ଗୋ-ଶାଳା ଇଣ୍ଡିଆନ ଅଏଲ କର୍ପୋରେସନର ସାମାଜିକ ଦାୟିତ୍ୱ ନିଧିରେ ୩୨ କୋଟି ଟଙ୍କା ମୂଲ୍ୟରେ ନିର୍ମିତ ହୋଇଛି। ଭବିଷ୍ୟତରେ ଏହାର ବିସ୍ତାରକୁ ଦୃଷ୍ଟିରେ ରଖି ଏକ ହେକ୍ଟରର ଭୂମି ସଂରକ୍ଷିତ ରଖା ଯାଇଛି। ଗୋଶାଳାକୁ ଆହୁରି ବିସ୍ତାର କରିବାରେ ସାଂସଦ ନିଧିର ୨ ହଜାର ଗାଈଙ୍କ ପାଇଁ ଆଧୁନିତ ଶେଡ୍ ନିର୍ମାଣ ପାଇଁ ୨ହଜାର କୋଟି ଟଙ୍କାର ରାଶି ଦିଆଯାଇଛି।
ମୁଖ୍ୟମନ୍ତ୍ରୀ ମୋହନ ଯାଦବ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ତାଙ୍କ ବେଷ୍ଟ ଟୁ ୱେଲଥ୍ର ବିକାଶ ଦର୍ଶନ ପ୍ରତି କୃତଜ୍ଞତା ଜଣାଇଛନ୍ତି। ସେ ସନ୍ଥ ସମୂହ ପ୍ରତି ମଧ୍ୟ କୃତଜ୍ଞତା ଜଣାଇଛନ୍ତି , ଯିଏ କି ଗୋ-ମାତାଙ୍କର ସେବା କରୁଛନ୍ତି। ରାଜ୍ୟ ସରକାର ଏହି ପ୍ରୟାସର ବିସ୍ତାର ପାଇଁ ପୂରା ସହଯୋଗ କରିବେ ।
ଉଲ୍ଲେଖନୀୟ ଯେ, ଇନ୍ଦୋରରେ ଏସିଆର ସବୁଠୁ ବଡ଼ ସିଏନଜି ପ୍ଲାଣ୍ଟ ପରିଚାଳିତ ହେଉଛି। ଏହାର ଶୁଭାରମ୍ଭ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କରିଥିଲେ।
