ଚନ୍ଦାହାଣ୍ଡି ,୨୨।୭ : ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ  ମୋହରା ଠାରେ ପ୍ରବାହିତ କୁକୁରଜୋରରେ ପୋଲ  ନ ଥିବାରୁ ବରିଗୁଡା ସୁନି ମୁସଲିମ ସମ୍ପ୍ରଦାୟର ଲୋକେ  ସବିର ଅଲ୍ଲୀ ନାମକ ଜଣେ ବ୍ୟକ୍ତିର କୋକେଇକୁ ଛାତିଏ ପାଣି ଭରା ନଈ ପାର ହୋଇ କବର ଦେଇଥିଲେ। ଏହା  ବିଭିନ୍ନ ଗଣମାଧ୍ୟମରେ   ଖବର ପ୍ରକାଶ ପାଇବା ପରେ  ତତ୍ପର ହୋଇ ଉଠିଛି ପ୍ରଶାସନ l  ଏଠାରେ ତୁରନ୍ତ ଏକ ବଡ଼ ଧରଣର ପୋଲ, ଗାଡ଼ୱାଲ, ଏବଂ ରାସ୍ତା ନିର୍ମାଣ ପାଇଁ ମୁଖ୍ୟମନ୍ତ୍ରୀ ମୋହନ ମାଝି   ନବରଙ୍ଗପୁର ଜିଲ୍ଲାପାଳ ଡ଼ଃ କମଳଲୋଚନ ମିଶ୍ରଙ୍କୁ ଏହାର ତୁରନ୍ତ ରିପୋର୍ଟ ପ୍ରଦାନ କରିବା ପାଇଁ   ନିର୍ଦେଶ ଦେଇଛନ୍ତି।  ଜିଲ୍ଲାପାଳ ଏହାର ସବିଶେ ରିପୋର୍ଟ ଦେବା ପାଇଁ  ବିଡିଓ ରାମକୃଷ୍ଣ ନାୟକଙ୍କୁ ନିର୍ଦେଶ ଦେଇଛନ୍ତି।  ଏହା ପରେ  ବିଡିଓ  ଶ୍ରୀ ନାୟକ ସହକାରୀ  ଯନ୍ତ୍ରୀ   ଥୟ ପଟେଲ, କନିଷ୍ଠ ଯନ୍ତ୍ରୀ ରାଜୀବ ଲୋଚନ ଧଳ   ମୋହରା କୁକୁରଜୋରକୁ ଗସ୍ତ କରିଥିଲେ।  l ଅନୁଧ୍ୟାନ କରି . ଜିଲ୍ଲାପାଳ କୁ ସବିଶେଷ ରିପୋର୍ଟ ପ୍ରଦାନ କରିବେ  ବୋଲି କହିଛନ୍ତି। 

ଏହି ରାସ୍ତା ଦେଇ   ଚନ୍ଦାହାଣ୍ଡି ବ୍ଲକ ର ବେହେରାମୁଣ୍ଡା ବବିରିଆ, ସାଲେବିଡି ଲୋକେ ଚନ୍ଦାହାଣ୍ଡି ସଦର କୁ ଆସୁଥିବା ବେଳେ.   ଚନ୍ଦାହାଣ୍ଡିରୁ  ଛତିଶଗଡ଼ ଯିବା ପାଇଁ ଏହି ରାସ୍ତା ଉପରେ ନିର୍ଭର କରିଥାନ୍ତି l