ନୂଆଦିଲ୍ଲୀ,୦୧/ ୦୭: ପାକିସ୍ତାନ ଯେତେ ମୁହଁଟାଣ ଦେଖାଉଥିଲେ ବି ସତ କେବେ ଲୁଚି ରହିବନି । 'ଅପରେସନ୍ ସିନ୍ଦୂର' ଜରିଆରେ ଭାରତ ଆକ୍ରମଣ ପାକିସ୍ତାନର ଅଣ୍ଟା ଭାଙ୍ଗିଛି । ହେଲେ ସତକୁ ସ୍ୱୀକାର କରୁନାହିଁ ଆତଙ୍କୀସ୍ତାନ । ପହଲଗାମ ପ୍ରତିଶୋଧ ନେବାକୁ ଭାରତର ମେ ୬ ବିଳମ୍ବିତ ରାତିରେ ଅପରେସନ୍ ସିନ୍ଦୂର ଲଞ୍ଚ୍ କରିଥିଲା । ଏଥିରେ ପିଓକରେ ଆତଙ୍କୀ ଆଡ୍ଡା ଧ୍ୱଂସ ହୋଇଥିଲା । ଏହାର ନୂଆ ସାଟେଲାଇଟ ଚିତ୍ର ସାମ୍ନାକୁ ଆସିଛି ।
ଗତ ଏପ୍ରିଲ ୨୨ରେ ଜମ୍ମୁ କାଶ୍ମୀର ପହଲଗାମ ବୈସନଘାଟିରେ ଆତଙ୍କୀ ଆକ୍ରମଣ ହୋଇଥିଲା । ଏଥିରେ ୨୬ ନୀରିହ ଜୀବନ ଚାଲିଯାଇଥିଲା । ଏହି ଘଟଣା ଦେଶକୁ ସ୍ତବ୍ଧ କରିଦେଇଥିଲା । ପହଲଗାମ ପ୍ରତିଶୋଧ ନେବାକୁ ମେ' ୬ ବିଳମ୍ବିତ ରାତିରେ 'ଅପରେସନ୍ ସିନ୍ଦୂର' ଲଞ୍ଚ୍ କରିଥିଲା । ପିଓକେ ଓ ପାକ୍ର ୯ ଠିକଣାରେ ଆଟାକ୍ କରିଥିଲା ଭାରତ । ଏଥିରେ ୧୦୦ ଆତଙ୍କୀ ନିପାତ ହୋଇଥିଲେ । ଭାରତ ପିଓକେରେ ଥିବା ଆତଙ୍କବାଦୀ ଶିବିରଗୁଡ଼ିକୁ ଟାର୍ଗେଟ କରିଥିଲା । ଏହି ଆକ୍ରମଣରେ ପାକିସ୍ତାନର ଅନେକ ଆତଙ୍କବାଦୀ ଶିବିର ଧ୍ୱଂସ ପାଇଥିଲା। ଏହା ପରେ, ଦୁଇ ଦେଶ ମଧ୍ୟରେ ୪ ଦିନ ଧରି ଯୁଦ୍ଧ ହୋଇଥିଲା। ଏହାପରେ ଯୁଦ୍ଧବିରତି ଘୋଷଣା କରାଯାଇଥିଲା । ଧ୍ୱଂସ ଆତଙ୍କୀ ଶିବିରର ନୂଆ ସାଟେଲାଇଟ୍ ଚିତ୍ର ସାମ୍ନାକୁ ଆସିଛି ।
ଆସିଥିବା ଦୁଇଟି ସାଟେଲାଇଟ୍ ଚିତ୍ର କାଶ୍ମୀରର ତଙ୍ଗଧାରରୁ ୩୬ କିଲୋମିଟର ଦୂରରେ ମୁଜାଫରାବାଦରେ ଥିବା ସୟଦନା ବିଲାଲ୍ ଶିବିରର । ଦ୍ୱିତୀୟ ଚିତ୍ରଟି ରାଜୌରୀରୁ ୪୦ କିଲୋମିଟର ପଶ୍ଚିମରେ ଥିବା କୋଟଲି ଗୁଲପୁର ଶିବିରର । ମେ' ୬ ଏବଂ ୭ ରାତିରେ ଉଭୟ ସ୍ଥାନରେ ଆକ୍ରମଣ କରାଯାଇଥିଲା। ପାକ୍ ଅଧିକୃତ କାଶ୍ମୀରର ରାଜଧାନୀ ମୁଜାଫରାବାଦରେ ଥିବା ସୟଦନା ବିଲାଲ୍ ଶିବିର ଜୈଶ ସହିତ ଜଡିତ ଆତଙ୍କବାଦୀଙ୍କ ପାଇଁ ଏକ ବଡ଼ ଏବଂ ପ୍ରମୁଖ ଆଡ୍ଡା ଥିଲା । ଏହି ଶିବିରରେ ଆତଙ୍କବାଦୀମାନଙ୍କୁ ଅସ୍ତ୍ରଶସ୍ତ୍ର ପରିଚାଳନା, ବିସ୍ଫୋରକ ଏବଂ ଗୋଳାବାରୁଦ ତିଆରି ଏବଂ ଜଙ୍ଗଲରେ ବଞ୍ଚିବା ପାଇଁ ତାଲିମ ଦିଆଯାଇଥିଲା ।
