ଫିରିଙ୍ଗିଆ, ୧୫/୫: କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଅଧୀନରେ ଥିବା ବନ୍ଧଗଡ଼ ଆୟୁଷ୍ମାନ ସ୍ୱାସ୍ଥ୍ୟ ମନ୍ଦିରକୁ ଫୁଲବାଣୀ ବିଧାୟକ ଉମାଚାରଣ ମଳିକ ପରିଦର୍ଶନ କରିବା ସହ ନିଜେ ନିଜର ସ୍ୱାସ୍ଥ୍ୟ ପରୀକ୍ଷା କରିଥିଲେI ତେବେ ବିଧାୟକ ଏହି ସ୍ୱାସ୍ଥ୍ୟ କେନ୍ଦ୍ରକୁ ସକାଳ ଦଶ ଟାରେ ପହଞ୍ଚିବା ସହ ସ୍ୱାସ୍ଥ୍ୟ ଅଧିକାରୀ ଓ କର୍ମଚାରୀ ମାନଙ୍କ ସହ ଆଲୋଚନା କରି ରୋଗୀମାନଙ୍କୁ କିଭଳି ଭାବରେ ଚିକିତ୍ସା ଯୋଗାଇ ଦିଆଯାଉଛି ସେନେଇ ଆଲୋଚନା କରିଥିଲେI 

ଏହାସହ ତୃଣମୂଳ ସ୍ତରରୁ କେନ୍ଦ୍ର ଦ୍ୱାରା ରୋଗୀ ମାନଙ୍କୁ କିଭଳି ଭାବରେ ସଚେତନତା କରାଯାଉଛି ସେନେଇ ସ୍ଥିତି ଅନୁଧ୍ୟାନ କରିଥିଲେI ଅନ୍ୟପଟେ ଆଗାମୀ ଦିନରେ କିଭଳି ଭାବରେ ଏହି କେନ୍ଦ୍ର ତରଫରୁ ଅଞ୍ଚଳର ଜନସାଧାରଣ ମାନଙ୍କୁ ସୁବିଧାରେ ସ୍ୱାସ୍ଥ୍ୟସେବା ଯୋଗାଇ ଦିଆଯାଇପାରିବ ସେନେଇ ସ୍ଥାନୀୟ ଲୋକଙ୍କ ସହ କେନ୍ଦ୍ରର କର୍ମଚାରୀମାନଙ୍କ ସହ ଆଲୋଚନା କରିଥିଲେI ଅନ୍ୟପଟେ ବିଧାୟକଙ୍କ ଏହି ଗସ୍ତ ପରେ କେନ୍ଦ୍ର ପରିଚାଳକଙ୍କ ସହ ଅନ୍ୟନ୍ୟ କର୍ମଚାରୀମାନଙ୍କ ସହ ସ୍ଥାନୀୟ ଜନସାଧାରଣ ମଧ୍ୟ୍ୟ ଉତ୍ସାହିତ ଥିବା ଦେଖିବାକୁ ମିଳିଛିI