ନୂଆଦିଲ୍ଲୀ,୧୯।୫: ଆତଙ୍କବାଦୀଙ୍କ ଉପରେ ‘ଅରେସନ୍ ସିନ୍ଦୂର’ ଜରିଆରେ କାର୍ଯ୍ୟାନୁଷ୍ଠାନ ପରେ ପାକିସ୍ତାନର ଭୟଭୀତ ହୋଇପଡିଥିଲା। ଭାରତର ଅଧିକ କ୍ଷତି କରିବା ପାଇଁ ଓ ରାଜଧାନୀ ଦିଲ୍ଲୀ ଉପରେ ଆକ୍ରମଣ କରିବା ପାଇଁ ସେ ବିନାଶକ ହତିଆରରେ ସାମିଲ ଶାହିନ ମିସାଇଲ ମାଡ଼ କରିଥିଲା। ତେବେ ଭାରତର ମଜବୁତ ସୁରକ୍ଷା ଢାଲ ଆଗରେ ସେ ସଫଳ ହୋଇନଥିଲା। ଏହି ମିସାଇଲ ଆକାଶ ମାର୍ଗରେ ହିଁ ନଷ୍ଟ କରି ଦିଆଯାଇଥିଲା। ତାହା ପୁଣି ଖୁବ୍ ସାବଧାନ ସହକାରେ। ଏହାର ଭଗ୍ନାଂଶ ମାଟିରେ ମଧ୍ୟ ପଡିନଥିଲା।
ଭାରତୀୟ ସେନା ଏହି କଥାର ସୂଚନା ଦେଇଛି। ପାକିସ୍ତାନ ସାହିନ ମିଶାଇଲ ବ୍ୟବହାର କରିଥିଲା। ତେବେ ଭାରତ ଏସ୍-୪୦୦ ମିସାଇଲ ସି୍ଟମ ଏହାକୁ ପୃଥିବୀ ଉପରେ ପକାଇବା ପୂର୍ବରୁ ନଷ୍ଟ କରିଦେଇଥିଲା। ଭାରତୀୟ ସେନାର ଓ୍ବେଷ୍ଟର୍ଣ୍ଣ କମାଣ୍ଡ ପାକିସ୍ତାନ ଆକ୍ରମଣକୁ ବିଫଳ କରିଥିଲା। ଏହାର ଭିଡିଓ ସୋସିଆଲ ମିଡିଆରେ ସେୟାର କରାଯାଇଛି। ଭିଡିଓରେ ଦେଖିବାକୁ ମିଳୁଛି ଯେ, ପାକିସ୍ତାନ ପକ୍ଷରୁ ମାଡ କରାଯାଇଥିବା ମିସାଇଲକୁ ଭାରତ କିଭଳି ଆକାଶରେ ନଷ୍ଟ କରିଦେଇଛି।
ଭାରତ ଉପରେ ଆକ୍ରମଣ ପାଇଁ ପାକିସ୍ତାନ ଏସ୍-୧୦୦ରୁ ନେଇ ଫତହ I/II MLRS ହତିଆର ପର୍ଯ୍ୟନ୍ତର ଜବାବଦ ଦେଇଛି। ପାକିସ୍ତାନର ଶାହିନ ମିସାଇଲ ନ୍ୟୁକ୍ଲିୟର କାପାବେଲ୍ ମିସାଇଲ। ପାକିସ୍ତାନ ପ୍ରଥମ ଥର ଏହାକୁ ୨୦୧୫ ରେ ଟେଷ୍ଟ ଫାୟାର କରିଥିଲା। ତେବେ ପାକିସ୍ତାନ ଭାରତ ଉପରେ ଯେଉଁ ଶାହିନ ମିସାଇଲ ମାଡ଼ କରିଥିଲା ସେଥିରେ ଓ୍ବାରହେଡ୍ ନ୍ୟୁକ୍ଲିଅର ନଥିଲା। ତେବେ ଏଥର ହେଉଛି ପ୍ରଥମ ଥର ଯେତେବେଳେ ପାକିସ୍ତାନ ଏଭଳି ମିସାଇଲ ବ୍ୟବହାର କୌଣସି ଦେଶ ବିରୋଧରେ ବ୍ୟବହାର କରିନଥିଲା। ବିଶେଷଜ୍ଞଙ୍କ ମତରେ ପାକିସ୍ତାନ ଶାହୀନ ମିସାଇଲ ଜରିଆରେ ଭାରତକୁ କ୍ଷତି ପହଁଞ୍ଚାଇବାକୁ ଚେଷ୍ଟା କରୁଛି। ତା ପାଖରେ ପରମାଣୁ ହତିଆର ମଧ୍ୟ ଅଛି। ଶାହିନ ମିସାଇଲ ଏକ ପ୍ରକାର ବାଲାଷ୍ଟିକ୍ ମିସାଇଲ, ଯାହାର ରେଞ୍ଜ ୭୫୦ କିଲୋମିଟରରୁ ଆରମ୍ଭ ହେଉଛି। ସେଭଳି ଅତି କମ୍ରେ ୧୦୦୦ କିଲୋଗ୍ରାମ୍ର ପେଲୋଡ୍ ନେଇପାରେ। ପାକିସ୍ତାନ ପାଖରେ ଶାହିନ-୧, ଶାହିନ-୨ ଓ ଶାହିନ-୩ କାଟାଗୋରୀର ମିସାଇଲ ରହିଛି। ଯାହାର ରେଞ୍ଜ ମଧ୍ୟ ଭିନ୍ନ ଭିନ୍ନ ରହିଛି।
