ନୂଆଦିଲ୍ଲୀ,୨୮/୦୪: ପହଲଗାମରେ ଆତଙ୍କୀ ହମଲା ପରେ ଏବେ ପାକିସ୍ତାନର ଅବସ୍ଥା ସଂକଟରେ ଥିବା ସତ୍ତ୍ବେ ତଥାପି ତାଙ୍କର ଅହଂକାର ଭାଙ୍ଗୁନି। ସେ ତଥାପି ଆତଙ୍କବାଦକୁ ଲୁଚାଉବାକୁ ପ୍ରୟାସ ଜାରି ରଖିଛନ୍ତି। କହିରଖୁଛୁ ଯେ, ପାକିସ୍ତାନୀ ଆତଙ୍କବାଦୀଙ୍କୁ ପିଓକେରେ ଥିବା ସାତରୁ ଅଧିକ ଆତଙ୍କବାଦୀ ଲଞ୍ଚ ପ୍ୟାଡରୁ ପାକ୍ ସେନାର ଶିବିରକୁ ଫେରିଆସିବାକୁ ନିର୍ଦ୍ଦେଶ ଦେଇଥିଲା। ପିଓଜେକେ ରେ ଅବସ୍ଥିତ ଆତଙ୍କବାଦୀ ଲଞ୍ଚ ପ୍ୟାଡକୁ ସ୍ଥାନାନ୍ତର କରାଯାଉଛି। ଆତଙ୍କବାଦୀଙ୍କୁ ଲଞ୍ଚ ପ୍ୟାଡରୁ ହଟାଇବା ପାଇଁ ପାକିସ୍ତାନୀ ସେନା ଏକ ମୌଖିକ ନିର୍ଦ୍ଦେଶ ଜାରି କରିଛି। ଏହି ଆତଙ୍କବାଦୀ ଲଞ୍ଚ ପ୍ୟାଡ ଲିପା, ଜୁରା, ଦୁଧିନିଆଲ, କେଲ, ଶାର୍ଡି, ସର୍ଦ୍ଦାର ଏବଂ କୋଟଲି ଅଞ୍ଚଳରେ ରହିଛି। ଏହି ଲଞ୍ଚ ପ୍ୟାଡରେ ପାକିସ୍ତାନର ତିନିଟି ମୁଖ୍ୟ ଶିବିରରୁ ତାଲିମ ପ୍ରାପ୍ତ ଆତଙ୍କବାଦୀମାନେ ନିୟୋଜିତ ହୋଇଛନ୍ତି।
ଆତଙ୍କବାଦୀମାନେ ଅସ୍ତ୍ରଶସ୍ତ୍ର ଏବଂ ଖାଦ୍ୟ ସୁବିଧା ସହିତ ଏହି ଲଞ୍ଚ ପ୍ୟାଡରେ ଲୁଚି ରହିଥାନ୍ତି ଏବଂ ଯେତେବେଳେ ସେମାନେ ସୁଯୋଗ ପାଆନ୍ତି, ସେମାନେ ଭାରତରେ ପ୍ରବେଶ କରି ଆତଙ୍କବାଦୀ ଘଟଣା ଘଟାନ୍ତି। ପାକିସ୍ତାନୀ ସେନା ଭୟ କରୁଛି ଯେ ଏହି ଲଞ୍ଚ ପ୍ୟାଡଗୁଡିକ ଉପରେ ଭାରତୀୟ ସେନା ଆକ୍ରମଣ କରିପାରେ, ତେଣୁ ଆତଙ୍କବାଦୀଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିବାକୁ ନିଷ୍ପତ୍ତି ନିଆଯାଇଛି। ବଲୁଚିସ୍ତାନରେ ଟ୍ରେନ୍ ଅପହରଣ ଏବଂ ସେନା ଉପରେ ଆକ୍ରମଣ ପରେ ପାକିସ୍ତାନୀ ସେନାର ଆଭ୍ୟନ୍ତରୀଣ ଅବସ୍ଥା ବିଗିଡ଼ି ଯାଇଛି। ବାଲୁଚିସ୍ତାନରେ ଏହି ଘଟଣା ପରେ ଅନେକ ପାକିସ୍ତାନୀ ସୈନିକ ସେନା ଛାଡ଼ିଦେଇଛନ୍ତି। ଏହି ଘଟଣା ପାକିସ୍ତାନ ସେନା ଏବଂ ଆଇଏସଆଇରେ ବଡ଼ ଆତଙ୍କ ସୃଷ୍ଟି କରିଛି।
ଦ୍ରୁତ ବେଗରେ ତଦନ୍ତ କରୁଛି ଏନଆଇଏ :
ପହଲଗାମ ଆକ୍ରମଣ ଘଟଣାର ତଦନ୍ତ ଜୋରଦାର କରିଛି ଏନଆଇଏ। ଘଟଣାସ୍ଥଳରୁ ଜବତ ହୋଇଥିବା ନମୁନାଗୁଡ଼ିକୁ ଅନୁସନ୍ଧାନ ପାଇଁ ଫୋରେନସିକ୍ ଲ୍ୟାବକୁ ପଠାଯାଇଛି। ଜାତୀୟ ଅନୁସନ୍ଧାନ ଏଜେନ୍ସି ମଧ୍ୟ ପ୍ରତ୍ୟକ୍ଷଦର୍ଶୀଙ୍କ ବିବୃତ୍ତି ରେକର୍ଡିଂ ଆରମ୍ଭ କରିଛି। ଅନୁସନ୍ଧାନକାରୀ ସଂସ୍ଥା ଆଇଜି, ଡିଜି, ଏସପି ସ୍ତରର ଅଧିକାରୀଙ୍କ ବିବୃତ୍ତି ମଧ୍ୟ ରେକର୍ଡ କରୁଛି। ଏହି ଆକ୍ରମଣରେ ଜଡ଼ିତ ଆତଙ୍କବାଦୀ ମଡ୍ୟୁଲ୍, ସ୍ଥାନୀୟ ନେଟୱାର୍କ ଏବଂ ସମ୍ଭାବିତ ସ୍ଳିପର ସେଲ୍ର ଭୂମିକାକୁ ମଧ୍ୟ ଏନଆଇଏ ତୀକ୍ଷ୍ଣ ଅନୁସନ୍ଧାନ କରୁଛି।
