ନୂଆଦିଲ୍ଲୀ,୨୭/୧୨ : ଦେଶବାସୀଙ୍କ ମନରେ ସର୍ବଦା ରହିବେ ମନମୋହନ ସିଂହ । ଦେଶର ଅର୍ଥନୀତିକୁ ଟ୍ରାକକୁ ଆଣିଥିବା ପୂର୍ବତନ ପିଏମ୍ ମନମୋହନ ସିଂହଙ୍କ ବିୟୋଗ ହୋଇଛି । ଏହାରି ମଧ୍ୟରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ସହ ଜଡିତ କିଛି ପୁରୁଣା କଥା ସାମ୍ନାକୁ ଆସୁଛି । ମନମୋହନଙ୍କ ଗୋଟିଏ ଫୋନ କଲ୍ ବିରୋଧୀ ଦଳର ମୁଖ୍ୟମନ୍ତ୍ରୀଙ୍କ ଉପବାସ ଭାଙ୍ଗିବାକୁ ବାଧ୍ୟ କରିଥିଲା । ବର୍ତ୍ତମାନ ମୋଦି ସରକାରରେ କେନ୍ଦ୍ର କୃଷିମନ୍ତ୍ରୀ ତଥା ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ମନମୋହନଙ୍କ ସହ ଜଡିତ ଏହି କଥା କହିଛନ୍ତି ।
୪ ଥର ମଧ୍ୟପ୍ରଦେଶର ମୁଖ୍ୟମନ୍ତ୍ରୀ ଥିବା ବିଜେପିର ବରିଷ୍ଠ ନେତା ଶିବରାଜ ସିଂହ ଚୌହାନ ତାଙ୍କ ସୋସିଆଲ ମିଡିଆରେ ଲେଖିଛନ୍ତି, 'ଭାରତର ପୂର୍ବ ପ୍ରଧାନମନ୍ତ୍ରୀ ପ୍ରସିଦ୍ଧ ଅର୍ଥଶାସ୍ତ୍ର ମନମୋହନ ସିଂହ ଆମ ଗହଣରେ ନାହାନ୍ତି । ତାଙ୍କ ଦେହାନ୍ତ ଦେଶ ପାଇଁ ଅପୂରଣୀୟ କ୍ଷତି । ସେ ବିନମ୍ର, ସରଳ ବ୍ୟକ୍ତିତ୍ବ ଥିଲେ । ତାଙ୍କଠୁ ମୋତେ ମାର୍ଗଦର୍ଶକ ମିଳିଛି । ୯୦ ଦଶକରେ ତାଙ୍କର ଉଦାରୀକରଣ ନୀତି ଭାରତୀୟ ଅର୍ଥବ୍ୟବସ୍ଥାକୁ ଗତି ଦେବାରେ ତାଙ୍କର ମହତ୍ତ୍ବପୂର୍ଣ୍ଣ ସ୍ଥାନନ ରହିଛି ।'
ମନ ମୋହନଙ୍କ ସହ ଗୋଟିଏ ଘଟଣାକୁ ମନେ ପକାଇ ଶିବରାଜ କହିଛନ୍ତି, ମନମୋହନଙ୍କ ବ୍ୟକ୍ତିତ୍ବ ଭିଜନାରୀ ଥିଲା । ସେ ସର୍ବଦା ଦଳଗତ ରାଜନୀତିଠୁ ଉର୍ଦ୍ଦ୍ବରେ ରହି ରାଜ୍ୟକୁ ସବୁ ସହଯୋଗ କରୁଥିଲେ । ଗୋଟିଏ ଦନ ମଧ୍ୟପ୍ରଦେଶ ଚାଷୀଙ୍କ ସମସ୍ୟାକୁ ନେଇ ମୁଁ ଅନଶନରେ ବସିଥିଲି । ମନମୋହନଙ୍କ ବଡପଣ ଥିଲା କି ସେ ଫୋନ କଲ କରି ତୁରନ୍ତ ଉପବାସ ଭାଙ୍ଗିବାକୁ କହିଥିଲେ ଓ ସମସ୍ୟାର ସମାଧାନ ନେଇ ଆବଶ୍ୟକ ପଦକ୍ଷେପ ଗ୍ରହଣ କରିବାକୁ ଅଶ୍ବାସନା ଦେଇଥିଲେ । ସତରେ ସେ ମହାନ୍ ଥିଲେ । ତାଙ୍କର ବିୟୋଗ ଭାରତୀୟ ରାଜନୀତି ପାଇଁ ବଡ କ୍ଷତି ବୋଲି କହିଛନ୍ତି ଶିବରାଜ ସିଂହ ଚୌହାନ ।
ଖାଲି ସେତିକି ନୁହେଁ ମନ ମୋହନଙ୍କ ଗୋଟିଏ ଫୋନ କଲ୍ ଭାରତର ଭାଗ୍ୟ ବଦଳାଇ ଦେଇଥିଲା । ୧୯୯୧ ମସିହା କଥା । ମନମୋହନ ନେଦରଲାଣ୍ଡରେ ଏକ ସମ୍ମିଳନୀରେ ଯୋଗ ଦେଇ ଫେରିଥିଲେ । ୧୯୯୧ ଜୁନରେ ୟୁଜିସି କାର୍ଯ୍ୟାଳୟରେ ଥିବା ସମୟରେ ତାଙ୍କୁ ଏକ ଫୋନ କଲ ଆସିଥିଲା ଓ ତାଙ୍କୁ ଅର୍ଥମନ୍ତ୍ରୀ ଶପଥ ଗ୍ରହଣ ସମାରୋହରେ ସାମିଲ ହେବାକୁ କୁହାଯାଇଥିଲା । ମନମୋହନ ସିଂହ ତାଙ୍କ ଆତ୍ମକଥା 'Strictly Personal:Manmohan and Gursharan'ରେ ଏହା ଉଲ୍ଲେଖ୍ୟ କରିଛନ୍ତି । ନୂଆ ସରକାରରେ ମୋତେ ସାମିଲ ହେଉଥିବା ଦେଖି ସମସ୍ତେ ଚମକି ପଡିଥିଲେ । ମୁଁ ଅର୍ଥମନ୍ତ୍ରୀ ହେବାକୁ ଯାଉଥିବା କହିଥିଲେ ମୁଖ୍ୟମନ୍ତ୍ରୀ ନରସିହ୍ମା ରାଓ । ତାଙ୍କ ନିଯୁକ୍ତି ଅର୍ଥବ୍ୟବସ୍ଥା ଇତିହାସ ପାଇଁ ମହତ୍ତ୍ବପୂର୍ଣ ସାବ୍ୟସ୍ତ ହୋଇଥିଲା । ବିଦେଶୀ ମୁଦ୍ରାରେ ୨୫୦୦ କୋଟି ଟଙ୍କା ଖସି ଯାଇଥିଲା । ବିଶ୍ବ ବ୍ୟାଙ୍କ ଋଣ ଦେବାକୁ ମନା କରୁଥିଲେ ମହଙ୍ଗା ରେକର୍ଡ ପାର କରିଥିଲା । ଏହି ସମୟରେ ଭାରତର ଭାଗ୍ୟ ବଦଳାଇ ଦେଇଥିବା ମନମୋହନଙ୍କର ଗୋଟିଏ ଫୋନ କଲ୍ । ୧୯୯୧ ଜୁଲାଇ ୨୪ରେ ବଜେଟ ଉପସ୍ଥାପନ କରିଥିଲେ ।
