ଦିଗପହଣ୍ଡି ୬। ୭ : ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ ଏସ. ଟିକରପଡା ପଞ୍ଚାୟତ ଅନ୍ତର୍ଗତ ଓସ୍ଥାପଲ୍ଲୀ ଗ୍ରାମରେ ଝାଡାବାନ୍ତି ପ୍ରକୋପ ଦେଖା ଦେଇଛି। ଏଥିରେ ଜଣେ ବୃଦ୍ଧଙ୍କ ମୃତ୍ୟୁ ହୋଇଥିବା ବେଳେ ୯ଜଣ ପୁରୁଷ ଓ ମହିଳା ଏହି ରୋଗରେ ସଂକ୍ରମିତ ହୋଇ ଦିଗପହଣ୍ଡି ଗୋଷ୍ଟୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି। ମୃତ୍ୟୁ ଘଟିଥିବା ବୃଦ୍ଧଙ୍କ ନାମ ଦାସ ଶବର(୬୦)
ଗତ ପାଞ୍ଚ ଦିନ ତଳୁ ଏହି ରୋଗର ପ୍ରକୋପ ଦେଖାଦେଇଥିଲା। ଜଣଙ୍କ ପରେ ଜଣେ ଆକ୍ରାନ୍ତ ହୋଇ ଅବସ୍ଥା ଗୁରୁତର ହେବାରୁ ସେମାନଙ୍କୁ ଦିଗପହଣ୍ଡି ଗୋଷ୍ଟୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ସେଠାରେ ସେମାନଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ସେମାନଙ୍କୁ ବ୍ରହପୁର ବଡମେଡିକାଲକୁ ସ୍ଥାନାନ୍ତର କରାଯାଇ ଥିବା ସ୍ୱାସ୍ଥ୍ୟ କେନ୍ଦ୍ର ପକ୍ଷରୁ ସୂଚନା ମିଳିଛି। ଖବର ପାଇବା ପରେ ବମକେଇ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ସୁପରିଣ୍ଟେଣ୍ଡେଣ୍ଟଙ୍କ ନେତୃତ୍ୱରେ ଏକ ଡାକ୍ତରୀ ଦଳ ଗ୍ରାମରେ ପହଁଚି ଘଟଣାର ପରୀକ୍ଷା ନିରୀକ୍ଷା କରୁଛନ୍ତି।
