ତିଗିରିଆ, ୬। ୧୦ : ଚୋରା ସୁନା ରଖିଥିବା ଅଭିଯୋଗରେ ତିଗିରିଆ ଥାନା ଅନ୍ତର୍ଗତ ନୂଆସଡକ ଛକରୁ ଜଣେକୁ ଢେଙ୍କାନାଳ ପୁଲିସ ରବିବାର ଉଠାଇ ନେଇଛି। ତାଙ୍କ ଠାରୁ ୨୦୦ ଗ୍ରାମ ସୁନା ଓ ୨ କିଲୋ ରୂପା ଜବତ କରିଥିବା ଜଣାପଡିଛି l

ସୂଚନା ଅନୁଯାୟୀ ଢେଙ୍କାନାଳ ଥାନା ଅଞ୍ଚଳରେ ଏକ ସୁନା ଚୋରୀ ଘଟଣାରେ  ଢେଙ୍କାନାଳ ପୁଲିସ ମୁଖ୍ୟ ଅଭିଯୁକ୍ତକୁ ବାଙ୍କୀ ଥାନା ଆନନ୍ଦପୁରଠାରୁ ଗିରଫ କରିଥିଲା। ପରେ ଅଭିଯୁକ୍ତ  ଜଣକ ତିଗିରିଆ ଥାନା ଅନ୍ତର୍ଗତ ନୂଆସଡକ ଛକର ଜଣକୁ ସୁନା ବିକ୍ରି କରିଥିବା ଜଣାପଡିଥିଲା। ଆଠଗଡ଼ ଉପଖଣ୍ଡ ଆରକ୍ଷୀ ଅଧିକ୍ଷକ ରବୀନ୍ଦ୍ର କୁମାର ମଲ୍ଲିକ ଓ ତିଗିରିଆ ଥାନା ଅଧିକାରୀ ବିକ୍ରମ ଜେନାଙ୍କ ଉପସ୍ଥିତିରେ ରବିବାର ସନ୍ଧ୍ୟା ସମୟରେ ତିଗିରିଆ ଥାନା ଅନ୍ତର୍ଗତ ନୂଆସଡକ ଛକର ଏକ ଗହଣା ଦୋକାନରେ ଚଡାଉ କରାଯାଇଥିଲା। ଦୋକାନୀଙ୍କୁ ଗିରଫ୍ କରିବା ସହିତ ତା ଠାରୁ ୨୦୦ ଗ୍ରାମ ସୁନା ଓ ୨ କିଲୋ ରୂପା ଜବତ କରିଥିବା ଜଣାପଡିଛି l