ଭୁବନେଶ୍ୱର ୨୫/୧୧: ଓମ୍ଫେଡ ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା। ଡିଭାଇଡର ଭାଙ୍ଗି ବିପରୀତ ରାସ୍ତାକୁ ଆସୁଥିବା ଦୁଇଟି ଅଟୋକୁ ପିଟିଲା ଓମ୍ଫେଡ୍ ଗାଡ଼ି। ଦୁର୍ଘଟଣାରେ ଜଣେ ମହିଳା ସମେତ ୩ ଆହତ  ହୋଇଛନ୍ତି। ଆହତଙ୍କୁ ଉଦ୍ଧାର କରାଯାଇ କ୍ୟାପିଟାଲ ହସ୍ପିଟାଲକୁ ପଠାଇଛନ୍ତି।  ଦୁର୍ଘଟଣା ପରେ ଡ଼ମଣା ନାଲକୋ ଛକ ରାସ୍ତାରେ ଗାଡ଼ି ଚଳାଚଳ ସମ୍ପୂର୍ଣ୍ଣ ବନ୍ଦ ରହିଛି। ସ୍ଥାନୀୟଲୋକ କ୍ଷତିପୂରଣ ଦାବିରେ ରାସ୍ତା ରୋକ କରିଛନ୍ତି। ଘଟଣା ସ୍ଥଳରେ ଚନ୍ଦ୍ରଶେଖରପୁର ଥାନା ପୋଲିସ ତିନିଟି ଗାଡ଼ି ଜବତ କରିବା ସହ ତଦନ୍ତ ଆରମ୍ଭ କରିଛନ୍ତି। 

ସୂଚନା ମୁତାବିକ, ନାଲକୋ ଓମ୍ପେଡ଼୍ ଛକ ନିକଟରେ ଦୁଇଟି ଅଟୋକୁ ଧକ୍କା ଦେଲା ବିପରୀତ ଦିଗରୁ ଆସୁଥିବା ଓମ୍ପେଡ୍ ଗାଡି। ଦୁର୍ଘଟଣାରେ ଦୁଇଟି ଅଟୋ ରାସ୍ତାରେ ଓଲଟିପଡିଥିଲା। ଅଟୋ ଭିତରେ ଥିବା ଜଣେ ମହିଳାଙ୍କ ସମେତ ୩ ଜଣ ଗୁରୁତର ଆହତ ହୋଇଥିଲେ। ସ୍ଥାନୀୟଲୋକ ସମସ୍ତଙ୍କୁ ଉଦ୍ଧାର କରି ଘରୋଇ ଆମ୍ବୁଲାନ୍ସ ସାହାଯ୍ୟରେ  କ୍ୟାପିଟାଲ ମେଡିକାଲକୁ ପଠାଇଥିବା ଜଣାପଡିଛି। ପରେ ଓମ୍ପେଡ୍ ଗାଡ଼ି ଚାଳକଙ୍କୁ ଅଟକ ରଖି ପୋଲିସ ଜିମା ଦେଇଛନ୍ତି।  ଚନ୍ଦ୍ରଶେଖରପୁର ପୋଲିସ ତିନିଟି ଗାଡ଼ିକୁ ଜବତ କରି ତଦନ୍ତ ଆରମ୍ଭ କରିଛନ୍ତି। ଏହା ଦୁର୍ଘଟଣା ନେଇ ସ୍ଥାନୀୟଲୋକ ଅଭିଯୋଗ କରିଛନ୍ତି ଯେ, ଓମ୍ଫେଡ୍ ଡ୍ରାଇଭରମାନେ ରାତ୍ରି ଅନିଦ୍ରା ରହି ଗାଡ଼ି ଚଳାଉଛନ୍ତି। ନିଶା ସେବନ କରିବ ମଧ୍ୟ ଟ୍ରକ୍ ଡ୍ରାଇଭିଂ କରୁଛନ୍ତି। ଯୋଉଁ ଓମ୍ଫେଡ ଟ୍ରକ୍‌ଟି ଧକ୍କା ଦେଇଛି ତାହାର ପରମିଟ୍ ଏବଂ ଇନସ୍ୟୁରାନ୍ସ ନଥିବା ଅଭିଯୋଗ ହୋଇଛି।