ଭୁବନେଶ୍ୱର, ୨୫/୧୧: ରାଜଧାନୀରେ ଲୁଟ ପାଇଁ ମହିଳାଙ୍କୁ ହତ୍ୟା ଘଟଣାରେ ଜଣେ କୁଖ୍ୟାତ ଲୁଟେରାକୁ ଝାଡଖଣ୍ଡରୁ ଗିରଫ କଲା ପୋଲିସ । ଗିରଫ ଅଭିଯୁକ୍ତ ଜଣକ ରାଜୁ ନାଇଡ଼ୁ ବୋଲି ସୂଚନା ମିଳିଛି । ଏବେ ବି ମୁଖ୍ୟ ଅଭିଯୁକ୍ତ ଫେରାର ରହିଛି ।
ସୂଚନା ମୁତାବକ, ନଭେମ୍ୱର ୧୧ ତାରିଖରେ ସ୍ୱାମୀ ବିଷ୍ଣୁ ପାତ୍ରଙ୍କ ସହ ମହିଳା ଜଣକ ବାଇକ୍ରେ ଯାଉଥିଲେ । ଏହି ସମୟରେ ଦୁଇ ଜଣ ଲୁଟେରା ମହିଳାଙ୍କ ଠାରୁ ଲୁଟ୍ କରିବାକୁ ଉଦ୍ୟମ କରିଥିଲେ । ଲୁଟ୍ ବେଳେ ମହିଳା ଜଣକ ଗାଡ଼ିରୁ ପଡ଼ି ଯାଇ ପ୍ରାଣ ହରାଇଥିଲେ । ଏନେଇ ତାଙ୍କ ସ୍ୱାମୀ ଏୟାରଫିଲଡ଼ ଥାନାରେ ଅଭିଯୋଗ କରିଥିଲେ । ଅଭିଯୋଗ ଆଧାରରେ ପୋଲିସ ତଦନ୍ତ ଆରମ୍ଭ କରିଥିଲା । ଘଟଣାର ତଦନ୍ତ ପାଇଁ ୨୬୮ଟି ସିସିଟିଭି ଯାଞ୍ଚ କରିଥିଲା ପୋଲିସ । ତେବେ ତଦନ୍ତର ୧୪ ଦିନ ପରେ ଜଣେ ଲୁଟେରାକୁ ଝାଡଖଣ୍ଡରୁ ବାନ୍ଧିବାରେ ସଫଳ ହୋଇଛି କମିସନରେଟ ପୋଲିସ । ଫେରାର ଥିବା ମୁଖ୍ୟ ଅଭିଯୁକ୍ତକୁ ଧରିବା ପାଇଁ ପୋଲିସ ବିଭିନ୍ନ ଅଞ୍ଚଳରେ ଜାଲ ବିଛାଇଛି ।
