ଝାରସୁଗୁଡ଼ା ୧୮/୦୫: ଓଡିଶା କ୍ରିକେଟ୍ ଆସୋସିଏସନ୍ ଆନୁକୁଲ୍ୟରେ ଝାରସୁଗୁଡ଼ା ଜିଲ୍ଲା କ୍ରିକେଟ ଆସୋସିଏସନ୍ ଦ୍ଵାରା ଆୟୋଜିତ ଇଣ୍ଟ୍ରା ସ୍କୁଲ କ୍ରିକେଟ୍ ପ୍ରତିଯୋଗିତା ୨୦୨୫ । ବୀର ସୁରେନ୍ଦ୍ର ସାଏ ଷ୍ଟାଡିୟମରେ ରବିବାର ଖେଳାଯାଇଥିବା ପଞ୍ଚମ ମ୍ୟାଚରେ ସେଣ୍ଟ ମେରୀ ସ୍କୁଲ ଝାରସୁଗୁଡ଼ା ଓ ରେଡ କମ୍ବାଇନ ବ୍ରଜରାଜନଗର ମଧ୍ୟରେ ଖେଳାଯାଇଥିଲା । ଯେଉଁଥିରେ ରେଡ୍ କମ୍ବାଇଇନ ଦଳ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା । ଦଳ ନିର୍ଦ୍ଧାରିତ ୩୦ ଓଭରରେ ୮ ଓ୍ୱିକେଟ୍ ହରାଇ ୨୦୫ କରିବାରେ ସକ୍ଷମ ହୋଇଥିଲା । ୨୦୬ ରନ୍ ଲକ୍ଷ୍ୟ ନେଇ ପଡିଆକୁ ଓହ୍ଲାଇଥିଲା ସେଣ୍ଟ ମେରୀ ସ୍କୁଲ । ହେଲେ ସେଣ୍ଟ ମେରୀ ସ୍କୁଲ ଦଳ ନିର୍ଦ୍ଧାରିତ ୩୦ ଓଭରରେ ସମସ୍ତ ଓ୍ୱିକେଟ୍ ହରାଇ ୧୪୬ ରନ୍ କରିବାରେ ସକ୍ଷମ ହୋଇଥିଲା । ଯାହାଫଳରେ ୫୯ ରନ୍ରେ ବିଜୟୀ ହାସଲ କରିଥିଲା ରେଡ କମ୍ବାଇନ ଟିମ୍ । ରେଡ କମ୍ବାଇନ ବ୍ରଜରାଜନଗର ଦଳର ଅନୁଜ ସିଂ ୧୨୪ (୯୨) ରନ କରିଥିବାରୁ ମ୍ୟାନ୍ ଅଫ ଦି ମ୍ୟାଚ୍ର ପୁରସ୍କାର ହାତେଇଥିଲେ ।
ଆଜି ବ୍ରଜରାଜନଗର ପୌର ପରିଷଦ କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀଯୁକ୍ତ ଚନ୍ଦ୍ରମଣି ସ୍ୱାଇଁ ମୁଖ୍ୟ ଅତିଥି ଭାବେ ଯୋଗଦେଇଥିଲେ। ଅନିରୁଦ୍ଧ କେୱଟ ଓ ଜୟସିଂ ଅମ୍ପାୟାର ଭାବେ ମ୍ୟାଚ୍ଟିକୁ ପରିଚାଳନା କରିଥିଲେ। ସେହିଭଳି ନାସିର ମଲ୍ଲିକ ଅନ୍ ଲାଇନ୍ ସ୍କୋରିଂ କରିଥିଲେ। ପ୍ରଜ୍ଵଲ୍ କୁମାର ପଟେଲ, କମ୍ପାଉଣ୍ଡର ବେହେରା, ଅଶୋକ କୁମାର ପ୍ରଧାନ,ପ୍ରମୁଖ ସହାୟତା ପ୍ରଦାନ କରିଥିଲେ।
