ପ୍ରୟାଗରାଜ : ମହାକୁମ୍ଭରେ ଖୋଲାରେ ଶୌଚ କରିବା ମାମଲାରେ ନ୍ୟାସନାଲ ଗ୍ରୀନ୍ ଟ୍ରିବ୍ୟୁନାଲ (ଏନଜିଟି) କଡ଼ା ଆଭିମୁଖ୍ୟ ଆପଣାଇଛି। ଏନଜିଟିର ମୁଖ୍ୟ ପୀଠ ମହାକୁମ୍ଭରେ ଶୌଚାଳୟ ସୁବିଧାର ଅଭାବ ବିରୋଧରେ କାର୍ଯ୍ୟାନୁଷ୍ଠାନ ଦାବି କରୁଥିବା ପିଟିସନରେ ୟୁପି ସରକାରଙ୍କୁ ନୋଟିସ୍ ଜାରି କରି ଜବାବ ମାଗିଛି। ଏହା ବ୍ୟତୀତ ପ୍ରୟାଗରାଜ ମେଳା ପ୍ରାଧିକରଣ ଓ ଉତ୍ତର ପ୍ରଦେଶ ପ୍ରଦୂଷଣ ନିୟନ୍ତ୍ରଣ ବୋର୍ଡକୁ ମଧ୍ୟ ନୋଟିସ୍ ଜାରି କରାଯାଇ ସାରିଛି।
ମହାକୁମ୍ଭରେ ଖୋଲାରେ ଶୌଚକୁ ନେଇ ନିପୁଣ ଭୂଷଣଙ୍କ ପକ୍ଷରୁ ଏକ ପିଟିସନ ଦାଏର କରାଯାଇ ଥିଲା। ଦାଏର ପିଟିସନରେ କୁହାଯାଇଛି ଯେ, ସ୍ଥାନୀୟ ଅଧିକାରୀଙ୍କ ଦ୍ୱାରା ଦାବି କରାଯାଇଛି ଯେ, ସେମାନେ ମଳ ମୂତ୍ର ସମେତ ସବୁ ଦୁର୍ଗନ୍ଧକୁ ସଫା କରିବା ପାଇଁ ଅତ୍ୟାଧୁନିକ ବାୟୋ-ଟୟଲେଟ୍ସ ଲଗାଇଛନ୍ତି, କିନ୍ତୁ ଏହି ସୁବିଧା ଗୁଡ଼ିକର ଅଭାବ ବା ପରିସ୍କାର ପରିଚ୍ଛନ୍ନତାର ଅଭାବ କାରଣରୁ ଅଧିକାଂଶ ଲୋକେ ଗଙ୍ଗା ନଦୀର କୂଳରେ ଖୋଲାରେ ଶୌଚ କରିବାକୁ ବାଧ୍ୟ ଅଛନ୍ତି। ପିଟିସନରେ ଅଭିଯୋଗ ଲଗାଯାଇଛି କି, ଲକ୍ଷ ଲକ୍ଷ ସାଧାରଣ ଲୋକ ଓ ପରିବାର ପର୍ଯ୍ୟାପ୍ତ ସୁବିଧାର ଅଭାବରେ ଗଙ୍ଗା ନଦୀର କୂଳରେ ଖୋଲାରେ ଶୌଚ କରିବାକୁ ବାଧ୍ୟ ହେଛନ୍ତି।
ଆବେଦନରେ ଦିଆ ଯାଇଥିବା ଦଲିଲର ସମର୍ଥନରେ ଆବେଦକ ନଦୀରେ ଖୋଲାରେ ଶୌଚ କରିବାର ଭିଡ଼ିଓ କ୍ଲିପ୍ ଥିବା ପେନଡ୍ରାଇଭ୍ ମଧ୍ୟ ଆଟାଚ୍ କରିଛନ୍ତି। କହି ରଖୁଛୁ କି , ସଦ୍ୟ କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (ସିପିସିବି) ନ୍ୟାସନାଲ ଗ୍ରୀନ୍ ଟ୍ରିବ୍ୟୁନାଲର ମୁଖ୍ୟ ପୀଠର ସମ୍ମୁଖରେ ରିପୋର୍ଟ ଦାଖଲ କରିଛି ,ଯେଉଁଥିରେ ଚାଲୁ ଥିବା ମହାକୁମ୍ଭ ମେଳା ବେଳେ ପ୍ରୟାଗରାଜ (ୟୁପି)ରେ ନଦୀ ପାଣିର ଗୁଣବତ୍ତା ବିଷୟରେ ଚିନ୍ତାଜନକ ନିଷ୍କର୍ଷ ସାମନାକୁ ଆସିଛି।
ରିପୋର୍ଟରେ କୁହାଯାଇଛି ଯେ, ମହାକୁମ୍ଭ ବେଳେ ସାରା ଦେଶରୁ ଲୋକେ ଯେଉଁଠି ବୁଡ଼ ଦେଉଛନ୍ତି ,ସେଠାରେ ନଦୀ ଜଳର ଯାଞ୍ଚରେ ଫେକଲ କୋଲିଫର୍ମ ( ମାନବା ବା ପଶୁଙ୍କ ମଳର ମିଶ୍ରଣ)ର ଉଚ୍ଚ ସ୍ତର ଦେଖିବାକୁ ମିଳିଛି। ଏନଜିଟି ଏବେ ଏହି ମାମଲାର ଶୁଣାଣି ୨୪ ଫେବ୍ରୁଆରୀରେ କରିବ। ଏହି ଦିନ ୟୁପି ସରକାର , ପ୍ରୟାଗରାଜ ମେଳା ପ୍ରାଧିକରଣ ଓ ଉତ୍ତର ପ୍ରଦେଶ ନିୟନ୍ତ୍ରଣ ବୋର୍ଡକୁ ନିଜର ପକ୍ଷ ରଖିବାକୁ ହେବ।
