ମାଲକାନଗିରି ୨୨/୧୧ : ମାଲକାନଗିରିରେ ନକ୍ସଲଙ୍କ ଆତଙ୍କ। ପୋଲିସ୍ ଇନଫର୍ମର  ସନ୍ଦେହରେ ଦୁଇ ଜଣ ଗ୍ରାମ ବାସୀଙ୍କ ବର୍ବର ଭାବେ ହତ୍ୟା କଲେ ଲାଲ୍ ବାହିନୀ । ମାଲକାନଗିରି ତେଲେଙ୍ଗାନା ସିମାନ୍ତ ମୁଲୁଗୁ ଜିଲ୍ଲାରେ ଦେଖିବାକୁ ମିଳିଛି ହିଂସା କାଣ୍ଡ । 

ସୂଚନା ଅନୁଯାଇ ଯେ, ଗୁରୁବାରବିଳମ୍ବିତ ରାତିରେ ୩୦ରୁ ୪୦ ଜଣ ସଶସ୍ତ୍ର ନକ୍ସଲ ମୁଲୁଗୁ ଜିଲ୍ଲାର ଓ୍ବାଜେଡୁ ବ୍ଲକ ଅନ୍ତର୍ଗତ ପେନୁଗୋଲୁ ଗାଁରେ ପହଞ୍ଚି ଦୁଇ ଜଣ ଗ୍ରାମବାସୀଙ୍କୁ ଗୁଳି କରି ହତ୍ୟା କରିଛନ୍ତି । ହତ୍ୟା କରିବା ପରେ ମୃତଦେହ ଉପରେ ମାଓବାଦୀ ମାନେ ପୋଷ୍ଟର ଛାଡି ଯାଇଛନ୍ତି । ଯେଉଁଥିରେ ଉଲ୍ଲେଖ ରହିଛି ଯେ, ଏହି ଦୁଇ ଜଣ ବ୍ୟକ୍ତି ପୋଲିସ ଇନଫର୍ମର ଭାବେ କାର୍ଯ୍ୟ କରୁଥିଲେ ସେଥିପାଇଁ ଏମାନଙ୍କୁ ମୃତ୍ୟୁ ଦଣ୍ଡ ଦିଆଯାଇଛି । ମୃତ ଦୁଇ ଜଣ ହେଉଛନ୍ତି ପେନୁଗୋଲୁ କଲୋନୀର ପଞ୍ଚାୟତ ସଚିବ ଉଇକା ରମେଶ ଏବଂ ଅର୍ଜୁନ । ନକ୍ସଲ ପନ୍ଥିଙ୍କ ଏହି ହତ୍ୟାକାଣ୍ଡ ପରେ ସେ ଅଞ୍ଚଳରେ ଆତଙ୍କ ସୃଷ୍ଟି ହୋଇଛି। ପୋଲିସ ଗାଁରେ ପହଞ୍ଚି ତଦନ୍ତ ଆରମ୍ଭ କରିଛି।