ମୁମ୍ବାଇ ୨୪/୮- ୬୯ ତମ ଜାତୀୟ ଚଳଚ୍ଚିତ୍ର ପୁରସ୍କାର ଆୟୋଜିତ ହୋଇଯାଇଛି । ଏଥିରେ ‘ପ୍ରତୀକ୍ଷା’କୁ ଶ୍ରେଷ୍ଠ ଓଡିଆ ଚଳଚ୍ଚିତ୍ର ପୁରସ୍କାର ମିଳିଛି । ଆର୍ ମାଧବନଙ୍କ ଫିଲ୍ମ ‘ରକେଟ୍ରି’ ଦ ନମ୍ବି ଇଫେକ୍ଟକୁ ବେଷ୍ଟ ଫିଚର ଫିଲ୍ମ ପୁରସ୍କାର ପ୍ରଦାନ କରାଯାଇଛି । ଅଲ୍ଲୁ ଅର୍ଜୁନଙ୍କୁ ପୁଷ୍ପା ଫିଲ୍ମ ପାଇଁ ବେଷ୍ଟ ଆକ୍ଟର ଆୱାର୍ଡ ଦିଆଯାଇଛି । ସେହିଭଳି ଆଲିଆ ଭଟ୍ଟଙ୍କୁ ‘ଗଙ୍ଗୁବାଇ କାଠିଆୱାଡି’ ପାଇଁ ଏବଂ କୃତି ସାନନଙ୍କୁ ଫିଲ୍ମ ‘ମିମି’ ଶ୍ରେଷ୍ଠ ଅଭିନେତ୍ରୀ ପୁରସ୍କାର ପ୍ରଦାନ କରାଯାଇଛି । ସଦାର ଉଧମ ସିଂହ ସର୍ବଶ୍ରେଷ୍ଠ ହିନ୍ଦୀ ଫିଚର ଫିଲ୍ମ ପୁରସ୍କାର ଜିତିଛି ।
ଶ୍ରେଷ୍ଟ ସହ କଳାକାର ପୁରୁଷ ଭାବେ ପଙ୍କଜ ତ୍ରିପାଠୀଙ୍କୁ ଫିଲ୍ମ ‘ମିମି’ ପାଇଁ ପୁରସ୍କାର ପ୍ରଦାନ କରାଯାଇଥିବାବେଳେ ଶ୍ରେଷ୍ଠ ସହକଳାକାର ମହିଳା କ୍ୟାରେକ୍ଟର ଭାବେ ପଲ୍ଲବୀ ଯୋଶୀଙ୍କୁ ଫିଲ୍ମ କାଶ୍ମୀର ଫାଇଲ୍ସ ପାଇଁ ପୁରସ୍କୃତ କରାଯାଇଛି । ଶ୍ରେଷ୍ଠ ସଙ୍ଗୀତ ନିର୍ଦ୍ଦେଶନା ପାଇଁ ଦେବୀ ଶ୍ରୀ ପ୍ରସାଦଙ୍କ ପୁରସ୍କାର ପ୍ରଦାନ କରାଯାଇଛି । ଫିଲ୍ମ ପୁଷ୍ପାର ସଙ୍ଗୀତ ନିର୍ଦ୍ଦେଶନା ଦେଇଥିଲେ ପ୍ରସାଦ । ଶ୍ରେଷ୍ଠ ପ୍ଲେବ୍ୟାକ୍ ସିଙ୍ଗର ପୁରୁଷ ଭାବେ କାଲା ଭୈରବଙ୍କୁ ଫିଲ୍ମ ଆରଆରଆର ପାଇଁ ପୁରସ୍କାର ପ୍ରଦାନ କରାଯାଇଛି । ସେହିଭଳି ବେଷ୍ଟ୍ ଫିମେଲ୍ ପ୍ଲେବ୍ୟାକ୍ ସିଙ୍ଗର ଶ୍ରେୟା ଘୋଷାଲ ପୁରସ୍କୃତ ହୋଇଛନ୍ତି ।