ଲକ୍ଷ୍ନୌ,୩୦।୮: ବିରୋଧି ଦଳ ‘ଇଣ୍ଡିଆ’ ମେଣ୍ଟରେ ବିଏସପି ସାମିଲ ହେବାର ଚର୍ଚ୍ଚା ଉପରେ ବିରାମ ଲଗାଇଛନ୍ତି ମାୟାବତୀ। ବିଏସପି ସୁପ୍ରିମୋ ସ୍ପଷ୍ଟ କରିଛନ୍ତି ଯେ, ତାଙ୍କ ପାର୍ଟି ଆଗାମୀ ଲୋକସଭା ନିର୍ବାଚନ ଓ ଆଗାମୀ ବିଧାନସଭାରେ ଏକାକୀ ନିର୍ବାଚନ ଲଢିବ।
ଏଭଳି ଆକଳନ କରାଯାଉଥିଲା ଯେ, ବିଏସ୍ପି ‘ଇଣ୍ଡିଆ’ ମେଣ୍ଟରେ ସାମିଲ ହୋଇପାରେ ଓ ଏଥିପାଇଁ ପୁରା ପ୍ରସ୍ତୁତି ଚାଲିଛି। ୟୁପିରେ କଂଗ୍ରେସ ଦଳିତ ସମ୍ପ୍ରଦାୟୀ ବୃଜଲାଲ ଖାବିଙ୍କୁ ହଟାଇ ଦିଆଯାଇଥିଲା, ଯେଉଁ କାରଣରୁ ଚର୍ଚ୍ଚା ହେଉଥିଲା ମାୟାବତୀଙ୍କ ପାଇଁ ଖାବରୀଙ୍କୁ ହଟାଇ ଅଜୟ ରାୟଙ୍କୁ ୟୁପିର ଦାୟିତ୍ବ ଦିଆଯାଇଥିଲା, ଯାହାଫଳରେ ତାଙ୍କୁ ନଲାଗୁ କଂଗ୍ରେସ ଆଉ ଏକ ମେଣ୍ଟରେ ସାମିଲ କରିବାକୁ ଚାହେଁ। ଅନ୍ୟପକ୍ଷେ ୟୁପିରେ ଦଳିତ ସମ୍ପ୍ରଦାୟରୁ ଆସୁଥିବା ନେତାଙ୍କୁ ମଧ୍ୟ ଦାୟିତ୍ବ ଦିଆଯାଇଛି।
1. एनडीए व इण्डिया गठबंधन अधिकतर गरीब-विरोधी जातिवादी, साम्प्रदायिक, धन्नासेठ-समर्थक व पूंजीवादी नीतियों वाली पार्टियाँ हैं जिनकी नीतियों के विरुद्ध बीएसपी अनवरत संघर्षरत है और इसीलिए इनसे गठबंधन करके चुनाव लड़ने का सवाल ही पैदा नहीं होता। अतः मीडिया से अपील-नो फेक न्यूज प्लीज़।
— Mayawati (@Mayawati) August 30, 2023
ତେବେ ସବୁ ଆକଳନକୁ ଭୁଲ ପ୍ରମାଣିତ କରିଛନ୍ତି ମାୟାବତୀ। ସୋସିଆଲ ମିଡିଆ ପ୍ଲାଟଫର୍ମ ଏକ୍ସ(ପୂର୍ବର ଟ୍ବିଟର)ରେ କହିଛନ୍ତି, ଏନଡିଏ କିମ୍ବା ଇଣ୍ଡିଆ ସହ ମେଣ୍ଟ ଅଧିକାଂଶ ଗରିବ ବିରୋଧି, ଜାତିବାଦ, ସାମ୍ପ୍ରଦାୟିକ ପୁଞ୍ଜିବାଦୀ ନୀତି ଥିବା ପାର୍ଟି ଅଟେ, ଯାହାର ନୀତି ବିରୋଧରେ ବିଜେପି ଲଗାତାର ସଂଘର୍ଷ କରୁଛି। ତେଣୁ ତାଙ୍କ ସହିତ ମେଣ୍ଟ କରିବ ନିର୍ବାଚନ ଲଢିବାର ପ୍ରଶ୍ନ ଉଠୁନାହିଁ। ସେ ଦଳକୁ ଭାଙ୍ଗି ନେତାଙ୍କୁ ସାମିଲ କରିବା ନେଇ ବଡ଼ ଦଳ ଗୁଡିକୁ ଟାର୍ଗେଟ କରିଛନ୍ତି। ପୂର୍ବତନ ମୁଖ୍ୟମନ୍ତ୍ରୀ କହିଛନ୍ତି, ବିରୋଧୀଙ୍କୁ ଭାଙ୍ଗିବା ଫଳରେ ସମାଜ ଅଧିକ ଭାଙ୍ଗଯିବ।
