ମୁମ୍ବାଇ,୧୨।୯:  ଅଭିନେତ୍ରୀ ମଲାଇକା ଆରୋରାଙ୍କ ବାପା ଅନିଲ ମେହେତାଙ୍କ ଆତ୍ମହତ୍ୟା ପୁରା ବଲିଉଡ ଇଣ୍ଡଷ୍ଟ୍ରୀକୁ ଦୋହଲାଇ ଦେଇଛ। ଗତ ବୁଧବାର ସକାଳ ପ୍ରାୟ ୯ଟା ବେଳେ ଅନିଲ ଆୟେଶ ମ୍ୟାନେର ବିଲ୍ଡିଂର ନିଜ ବାଲକୋନୀରୁ ଡେଇଁ ଆତ୍ମହତ୍ୟା କରିଥିଲେ। କୁହାଯାଉଛି ଯେ, ଅନିଲ ରୋଗରେ ପୀଡିତ ଥିଲେ। ମୃତ୍ୟୁର ସକାଳୁ ଦୁଇ ଝିଅ ମଲାଇକା ଓ ଅମୃତାଙ୍କୁ ଫୋନ୍ କରି କଥା ହୋଇଥିଲେ। ସେ ଫୋନ୍‌ରେ କହିଥିଲେ ଭାରି ଅସୁସ୍ଥ ଅଛନ୍ତି ଓ ଥକି ଯାଇଛନ୍ତି। ଏବେ ତାଙ୍କ ପୋଷ୍ଟମର୍ଟମ ରିପୋର୍ଟ ସାମନାକୁ ଆସିଛି। 

ଅନିଲଙ୍କ ପୋଷ୍ଟ ମର୍ଟନ ରିପୋର୍ଟ ଅନୁସାରେ, ମୃତ୍ୟୁ ପୂର୍ବରୁ ଶରୀରରେ ବହୁ ଆଘତ ରହିଛି। ଅନିଲଙ୍କ ଶରୀରରୁ ଭିସେରା ଅଲଗା କରି ରଖାଯାଇଛି, ଫଳରେ ଏହି ମାମଲାରେ ଆଗକୁ ଯାଞ୍ଚ ପାଇଁ ସାହାଯ୍ୟ ମିଳିପାରିବ। ଅନିଲଙ୍କ ମୃତଦେହକୁ ମଲାଇକାଙ୍କ ପରିବାର ଲୋକଙ୍କୁ ଫେରାଇ ଦିଆଯାଇଛି।ଆଜି ତାଙ୍କର ଅନ୍ତିମ ସଂସ୍କାର କରାଯିବ।

ପୋଲିସର କହିବା ଅନୁସାରେ, ମଲାଇକାଙ୍କ ବାପା ଅନିଲ ଆତ୍ମହତ୍ୟା ପୂର୍ବରୁ ଦୁଇ ଝିଅଙ୍କ ସହ କଥା ହୋଇଥିଲେ। ସେତେବେଳେ କହିଥିଲେ 'I'm sick and tired। ଯେଉଁ ସମୟରେ ଅନିଲ ଆତ୍ମହତ୍ୟା କରିଥିଲେ, ମଲାଇକାଙ୍କ ମା’ ଏହି ସମୟରେ ଘରେ ଥିଲେ।  ଅନିଲ ସିଗାରେଟ୍‌ ପିଇବା ନାଁରେ ବାଲକୋନୀକୁ ଯାଇଥିଲେ ଓ ଆତ୍ମହତ୍ୟା କରିଥିଲେ।