ନୂଆଦିଲ୍ଲୀ,୧୪/୦୧: ଜଣେ ମହିଳା ଇନଫ୍ଲୁଏସରଙ୍କୁ କିସ୍ କରିବା ପଡ଼ିଲା ମହଙ୍ଗା । ମହିଳା ଜଣକ ଏକ ଲାଇଭ କନସର୍ଟରେ ଆମେରିକୀୟ ଗାୟକଙ୍କୁ କିସ୍ କରିଥିଲେ । ଯାହାପରେ ତାଙ୍କ ସ୍ବାମୀ ତାଙ୍କୁ ଛାଡପତ୍ର ଦେଇଥିବା କହିଛନ୍ତି । ତେବେ ଗତ ଡ଼ିସେମ୍ବର ୨୮ ତାରିଖରେ ଡୋମିନିକାନ୍ ରିପବ୍ଲିକରେ ବଚାତା ଏବଂ ଆଭେନ୍ଚୁରାର ଲାଇଭ୍ କନସର୍ଟ ସମୟରେ ମରିୟମ୍ କ୍ରୁଜ୍ ମଞ୍ଚ ଉପରକୁ ଆସି ଗାୟକଙ୍କୁ କିସ୍ କରିଥିବା ଏନଏମଇ ରିପୋର୍ଟରୁ ସୂଚନା ମିଳିଛି।
ତେବେ ମହିଳା ଇନଫ୍ଲୁଏସରଙ୍କ ଟିକ୍ଟକ୍ରେ ପ୍ରାୟ ୧୪୦,୦୦୦ ଫଲୋର୍ସ ଅଛନ୍ତି । ମହିଳା ଜଣଙ୍କ ଡିଲିଟ ହୋଇଥିବା ସୋସିଆଲ ମିଡିଆ ପୋଷ୍ଟରେ କହିଥିଲେ ଯେ, ସାଣ୍ଟୋସଙ୍କୁ ସହ କିସ୍ ତାଙ୍କ ବିବାହକୁ ଭାଙ୍ଗି ଦେଇଥିବା କହିଛନ୍ତି। ସେ ଏହି ପୋଷ୍ଟରେ କହିଛନ୍ତି ଯେ ' ମୋର ୧୦ ବର୍ଷର ବିବାହର ପୂର୍ଣ୍ଣଚ୍ଛେଦ ପଡି଼ଛି।କ୍ରୁଜ୍ ଆହୁରି ମଧ୍ୟ କହିଛନ୍ତି ଯେ, ଏହା ମୋ ପରିବାର ଉପରେ କିପରି ପ୍ରଭାବ ପକାଇବ ତାହା ବିଚାର କରନ୍ତୁନି । ତାଙ୍କର ବହୁ ପ୍ରତୀକ୍ଷିତ ସ୍ୱପ୍ନ ପାଇଁ ସେ ଖୁସି ଅଛନ୍ତି ଯାହାକୁ ଅନେକ ବର୍ଷ ଧରି ସେ ଅପେକ୍ଷା କରିଥିଲେ । ସେ ତାଙ୍କ ସ୍ବାମୀଙ୍କ ଏହି ନିଷ୍ପତିକୁ ସମ୍ମାନ ଜଣାଇଥିବା କହିଛନ୍ତି ।କ୍ରୁଜ୍ ସୋସିଆଲ ମିଡି଼ଆ ପୋଷ୍ଟ ସେୟାର କରି ଲେଖିଛନ୍ତି , 'ମୋର ହୃଦୟରୁ ମୁଁ ବହୁତ ଦୁଃଖିତ। ତୁମକୁ ଆଘାତ କରିବା ମୋର ଉଦ୍ଦେଶ୍ୟ କେବେ ନୁହେଁ। ''ମୁଁ କେବଳ ଆଶା କରୁଛି ଯେ, ଯଦିଓ ଆମେ ଅଲଗା, ତଥାପି ଆମ ପିଲାମାନଙ୍କ ସ୍ୱାର୍ଥ ପାଇଁ ଆମେ ଶାନ୍ତି ଏବଂ ଏକତା ବଜାୟ ରଖିପାରିବା।'ତାଙ୍କ ଟିକଟକ୍ ଆକାଉଣ୍ଟରେ କ୍ରୁଜ୍ ପ୍ରାୟତଃ ତାଙ୍କ ସ୍ୱାମୀଙ୍କ ସହିତ ଭିଡିଓ ପୋଷ୍ଟ କରିଥିଲେ । ସେହପିରି ତାଙ୍କର ଅଧିକାଂଶ ଫଲୋର୍ସ ତାଙ୍କ ବିଭାଜନ ପାଇଁ ସମବେଦନା ଜଣାଇଛନ୍ତି ।
