ମକର ସଂକ୍ରାନ୍ତି । ସୂର୍ଯ୍ୟ ମକର ରାଶିରେ ପ୍ରବେଶ କରିବା ପରେ ପାଳନ ହୁଏ ଏହି ପର୍ବ । ଏହି ଦିନରୁ ଆରମ୍ଭ ହୁଏ ସମସ୍ତ ଶୁଭ କାର୍ଯ୍ୟ । ତେବେ ମକର ସଂକ୍ରାନ୍ତିର ରହିଛି ବିଶେଷ ମହତ୍ତ୍ବ । ହେଲେ ଚଳିତ ବର୍ଷର ମକର ସଂକ୍ରାନ୍ତି ଖୁବ୍ ଖାସ୍ । କାରଣ ୩୦ ବର୍ଷ ପରେ ଏହି ଦିନ ସୂର୍ଯ୍ୟ ମକର ରାଶିରେ ପ୍ରବେଶ କରିବା ସହ ଏକ ଖାସ୍ ସଂଯୋଗ ହେବାକୁ ଯାଉଛି । ଜ୍ୟୋତିଷ ଶାସ୍ତ୍ରର ଅନୁସାରେ ମକର ସଂକ୍ରାନ୍ତିରେ ଏହି ୪ ରାଶିଙ୍କର ଚମକିବ ଭାଗ୍ୟ । ରହିଛି ଆର୍ଥିକ ଲାଭର ଯୋଗ । ତେବେ କେଉଁ ସବୁ ରାଶିର ବ୍ୟକ୍ତି ବିଶେଷ ଏହି ସଂକ୍ରାନ୍ତିରୁ ହେବେ ମାଲାମାଲ୍ । ଆସନ୍ତୁ ଜାଣିବା ।
ମିଥୁନ ରାଶି: ଶନି ଏହି ରାଶିର ନବମ ଘରେ ରହିବେ, ଅର୍ଥାତ୍ ଭାଗ୍ୟ ଘର । ଏଭଳି ସ୍ଥିତିରେ ମିଥୁନ ରାଶି ଲୋକଙ୍କ ବଦଳିବ ଭାଗ୍ୟ । ଆର୍ଥକ ଲାଭର ଯୋଗ ରହିଛି । ସେହିପରି ଚାକିରୀ ଖୋଜୁଥିବା ଲୋକଙ୍କ ପାଇଁ ସୁବର୍ଣ୍ଣ ସୁଯୋଗ ।
ତୁଳା ରାଶି : ତୁଳା ରାଶିର ବ୍ୟକ୍ତିଙ୍କର ବିଦେଶ ଯାତ୍ରାର ସୁଯୋଗ ରହିଛି। ସେହିପରି ବିବାହର ରହିଛି ଯୋଗ । ପ୍ରଭାବଶାଳୀ ଲୋକଙ୍କ ସହ ଭେଟିପାରନ୍ତି । ଚାକିରି ଖୋଜୁଥିବା ଲୋକମାନେ ନୂତନ ସୁଯୋଗ ପାଇବେ ବୋଲି ଆଶା କରାଯାଉଛି।
ମକର ରାଶି : ଏହି ରାଶିର ଲୋକମାନଙ୍କୁ ବ୍ୟବସାୟରେ ଲାଭ ମିଳିବ । ସହଭାଗୀତାରେ ବ୍ୟବସାୟ କରୁଥିବା ଲୋକଙ୍କ ପାଇଁ ଏହା ଏକ ଭଲ ସମୟ । ସୂର୍ଯ୍ୟ ଏବଂ ଶନି ଦେବଙ୍କ ଆଶୀର୍ବାଦ ଯୋଗୁଁ ବ୍ୟବସାୟୀମାନେ ବିଶେଷ ଲାଭ ପାଇବେ ।
କୁମ୍ଭ ରାଶି: ଏହି ରାଶିର ଲୋକମାନଙ୍କ ଆର୍ଥିକ ଉନ୍ନତି ହେବ। ନୂଆ ଯୋଜନା କରି ସଫଳତା ପାଇବେ। କର୍ମକ୍ଷେତ୍ରରେ ଶୁଭଫଳ ସହ ଧାର୍ମିକ କାର୍ଯ୍ୟରେ ସଫଳତା ମିଳିବାର ଯୋଗ ରହିଛି ।
