ନୂଆଦିଲ୍ଲୀ: ଲୋହିତ ସାଗରରେ ଆମେରିକୀୟ ଯୁଦ୍ଧପୋତ ୟୁଏସଏସ ହ୍ୟାରି ଏସ ଟ୍ରୁମ୍ୟାନ ଉପରେ ଅବତରଣ କରୁଥିବା ଏକ ଏଫ/ଏ-୧୮ ଲଢୁଆ ବିମାନ ସମୁଦ୍ରରେ ଦୁର୍ଘଟଣାଗ୍ରସ୍ତ ହୋଇଛି। ଏହି ଘଟଣା ପରେ ବିମାନରେ ଥିବା ଦୁଇ ପାଇଲଟଙ୍କୁ ବିମାନରୁ ସୁରକ୍ଷିତ ଉଦ୍ଧାର କରାଯାଇଛି । ବୁଧବାର ଆମେରିକୀୟ ପ୍ରତିରକ୍ଷା ଅଧିକାରୀମାନେ ଏପିକୁ ଏହି ସୂଚନା ଦେଇଛନ୍ତି। ନାମ ଗୋପନ ରଖିବା ସର୍ତ୍ତରେ ଅଧିକାରୀ ଜଣଙ୍କ କହିଛନ୍ତି ଯେ, ଘଟଣାଟି ମଙ୍ଗଳବାର ଘଟିଥିଲା। ବିମାନରେ ଥିବା ପାଇଲଟମାନଙ୍କୁ ପରେ ଏକ ହେଲିକପ୍ଟର ସାହାଯ୍ୟରେ ସମୁଦ୍ରରୁ ସୁରକ୍ଷିତ ଭାବରେ ଉଦ୍ଧାର କରାଯାଇଥିଲା।
ଏହି ଘଟଣାରେ ସେମାନଙ୍କୁ ସାମାନ୍ୟ ଆଘାତ ଲାଗିଛି। ଏହି ଘଟଣାରେ ଟ୍ରୁମ୍ୟାନରେ ଥିବା କର୍ମଚାରୀମାନେ ଆହତ ହୋଇ ନାହାଁନ୍ତି। ଆମେରିକାର ବିମାନ ବାହକ ଜାହାଜକୁ ଲାଲ ସାଗରରେ ମୁତୟନ କରାଯାଇଛି। କାରଣ ଏହିଠାରୁ ଆମେରିକା ହାଉତି ବିଦ୍ରୋହୀମାନଙ୍କୁ ଟାର୍ଗେଟ କରୁଛି ।
ଅଧିକାରୀ ଜଣଙ୍କ କହିଛନ୍ତି ଯେ, ବିମାନ ଅବତରଣ କରିବା କୌଣସି ଉପକରଣରେ ସମସ୍ୟା ଯୋଗୁଁ ଏହି ଘଟଣା ଘଟିଥିବା ଜଣାପଡ଼ିଛି। ଆରେଷ୍ଟମେଣ୍ଟ ଡିଭାଇସଗୁଡ଼ିକ ହେଉଛି କୌଣସି ଜିନିଷର ଗତିକୁ ତୁରନ୍ତ ବନ୍ଦ କରିବା ପାଇଁ ଡିଜାଇନ୍ କରାଯାଇଥିବା ସିଷ୍ଟମ୍ । ଯାହା ପ୍ରାୟତଃ ବିମାନ ବାହକମାନଙ୍କରେ ବିମାନକୁ ଧୀର କରିବା କିମ୍ବା ଉଚ୍ଚତାରୁ ଖସିବାରୁ ରୋକିବା ପାଇଁ ବ୍ୟବହୃତ ହୁଏ ।
