ବରଗଡ, ୨୧।୧ : ବରଗଡରେ ଅଚେତ ଅବସ୍ଥାରେ ଯୁବତୀ ଉଦ୍ଧାର ଘଟଣାରେ ସୋମବାର ପୋଲିସ ୩ ଜଣ ଅଭିଯୁକ୍ତଙ୍କୁ ଗିରଫ କରିଥିବା ବେଳେ ମଙ୍ଗଳବାର ମୂଖ୍ୟ ଅଭିଯୁକ୍ତ ସମେତ ୨ ଜଣଙ୍କୁ ଗିରଫ କରିଛି । ସୋମବାର ବିଜେପୁର ଥାନା ପୁଟକା ଗାଁର ସର୍ଜନ ଡନେସେନା , ପ୍ରହଲ୍ଲାଦ ଦାଶ ଓ ଜଗଦଲପୁର ଥାନା ଧୁମାଭଟା ଗାଁର ଜୟକୃଷ୍ଣ ଡ଼ନସେନାକୁ ଗିରଫ କରା ଯାଇଥିଲା । ମଙ୍ଗଳବାର ବରଗଡ଼ରୁ ମାଲିପାଲି ଗାଁର ରାହୁଲ ଭୋଷାଗର ଓ ମୁଖ୍ୟ ଅଭିଯୁକ୍ତ ରାକେଶ ଡନସେନାକୁ ଟିଟଲାଗଡ଼ ରେଲୱେ ଷ୍ଟେସନରୁ ଗିରଫ କରିଛି ବରଗଡ଼ ପୋଲିସ ।
ଗତ ୧୨ ତାରିଖ ଦିନ ଧନୁଯାତ୍ରା ଦେଖିବାକୁ ଆସିଥିବା ଜଣେ ଯୁବତୀକୁ ନିଖୋଜ ହେବାର ୪୮ ଘଣ୍ଟା ପରେ ରକ୍ତ ଜୁଡୁ ବୁଡ଼ୁ ଅବସ୍ଥାରେ ଜଙ୍ଗଲରୁ ଉଦ୍ଧାର କରାଯାଇଥିଲା। ଘଟଣାକୁ ନେଇ ସାରା ରାଜ୍ୟରେ ଚର୍ଚ୍ଚାର ବିଷୟ ପାଲଟିଥିବା ବେଳେ ଆଜି ପଡ଼ିତାକୁ ନ୍ୟାୟ ଦାବିରେ ସଚେତନ ନାଗରିକ କମିଟି ପକ୍ଷରୁ ୧୨ ଘଣ୍ଟିଆ ବନ୍ଦ ଡ଼ାକରା ଦିଆ ଯାଇଥିଲା । ଏହି ବନ୍ଦରେ ଜରୁରୀ କାଳିନ ସେବାକୁ ବାଦ ଦିଆଯାଇଥିଲା । ବନ୍ଦକୁ ବିଜେଡି, କଂଗ୍ରେସ ଓ ଅନ୍ୟାନ୍ୟ ସଂଗଠନ ସମର୍ଥନ ଜଣାଇ ରାଜ ରାସ୍ତାକୁ ଓହ୍ଲାଇଥିଲେ ।
