କୁଆଁପାଳ/ମାହାଙ୍ଗା,୧୩।୭ : ମାହାଙ୍ଗା ପୁଲିସ ୨ଲକ୍ଷରୁ ଊର୍ଦ୍ଧ୍ବ ଟଙ୍କାର ପେଟି ପେଟି ବିଦେଶୀ ମଦ ଜବତ କରିବା ସହ ୨ଜଣଙ୍କୁ ଗିରଫ କରିଛି। ଗିରଫ ୨ ଜଣ ହେଲେ ଯସରାଜପୁର ଗ୍ରାମର ଜଗଦୀପ ସିଂହ,ସାଲେପୁରର ଅଞ୍ଚଳର ନୃସିଂହ ନାୟକ ।
କଟକ ଜିଲ୍ଲା ମାହାଙ୍ଗା ଥାନା ଜୟପୁର ଫାଣ୍ଡି ଅଧୀନ ଯସରାଜପୁର ଗ୍ରାମର ରେ ଚୋରା ମଦ କାରବାର ନେଇ ବିଶେଷ ସୁତ୍ର ରୁ ମାହାଙ୍ଗା ପୁଲିସ ଖବର ପାଇଥିଲା। ମହଙ୍ଗା ଥାନା ଆଇ ଆଇ ସି ତପନ ରାଉତ ଙ୍କ ନେତୃତ୍ୱରେ ଏକ ଟିମ ଗଠନ କରାଯାଇ ଜଗଦିପ ସିଂହ ଙ୍କ ଘର ଉପରେ ଚଢାଉ କରାଯାଇଥିଲା। ସେଠାରୁ ପାଞ୍ଚ ଶହ ରୁ ଊର୍ଦ୍ଧ୍ବ ଲିଟର ବିଦେଶୀ ମଦ ଜବତ କରାଯାଇଥିଲା। ଏଥିରେ ସଂପୃକ୍ତ ଥିବା ଜଗଦୀପ ସିଂହ,ସାଲେପୁରର ଅଞ୍ଚଳର ନୃସିଂହ ନାୟକ ଙ୍କୁ ଗିରଫ କରାଯାଇଥିବା ବେଳେ ଜଣେ ଫେରାର ହୋଇଯାଇଛି। ଜବତ ମଦର ଆନୁମାନିକ ମୂଲ୍ୟ ୨ଲକ୍ଷରୁ ଊର୍ଦ୍ଧ ହୋଇଥିବା ବେଳେ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି।
