ମାଲକାନଗିରି, ୨୪/୧୧: ମାଲକାନଗିରି ସୀମାନ୍ତ ଛତିଶଗଡ ସୁକୁମା ଜିଲ୍ଲାରେ ଲ୍ୟାଣ୍ଡ ମାଇନ୍‌ ମାଇନ ବିସ୍ଫୋରଣ । ନକ୍ସଲଙ୍କ ଲ୍ୟାଣ୍ଡ ମାଇନ ବିସ୍ଫୋରଣରେ ଜଣେ ଡିଆରଜି ଯବାନ ଗୁରୁତର ଭାବେ ଆହତ ହୋଇଛନ୍ତି । ଆହତ ଯବାନ ହେଉଛନ୍ତି ସୁକୁମା ଜିଲ୍ଲା ପୋଲିସର ପଡିଆମ ବିନୋଦ ।

ସୂଚନା ମୁତାବକ, ସୁକୁମା ଜିଲ୍ଲାର ତୁମାଲପାଡ ଓ ରାୟଗୁଡେମ ରାସ୍ତାରେ ନକ୍ସଲ ମାନେ ପୂର୍ବରୁ ଲ୍ୟାଣ୍ଡ ମାଇନ୍‌ ଖଞ୍ଜିଥିଲେ । ଯବାନମାନେ ଏହି ରାସ୍ତାରେ କୁମ୍ବିଂ ଅପରେସନ କରୁଥିଲେ । ଏହି ସମୟରେ ହଠାତ ଲ୍ୟାଣ୍ଡ ମାଇନ୍‌ଟି ବିସ୍ଫୋରଣ ହେଇଥିଲା । ଏଥିରେ ଜଣେ ଡିଆରଜି ଯବାନ ଗୁରୁତର ହୋଇଥିଲେ । ଏହା ଦେଖି ତାଙ୍କ ସହକର୍ମୀମାନେ ତୁରନ୍ତ ଗୁରୁତର ଯବାନଙ୍କୁ ଉଦ୍ଧାର କରି ଚିକିତ୍ସା ପାଇଁ ସୁକୁମା ଜିଲ୍ଲା ଚିକିତ୍ସାଳୟ ଭର୍ତ୍ତି କରିଛନ୍ତି । ଅନ୍ୟପଟେ ଲ୍ୟାଣ୍ଡ ମାଇନ୍‌ ବିସ୍ଫୋରଣ ପରେ କୁମ୍ବିଂ ଅପରେସନକୁ ଜୋରଦାର କରି ଦିଆଯାଇଛି ।