କେସିଙ୍ଗା,୨୬/୫ : କଳାହାଣ୍ଡି ଜିଲ୍ଲା ଯୋରାଡବରା ଅଧିନରେ ଥିବା କେସିଙ୍ଗା, କର୍ଲାମୁଣ୍ଡା, ମ.ରାମପୁର ଓ ନର୍ଲା ବ୍ଲକ ଅଞ୍ଚଳର ସମସ୍ତ ଗ୍ରାମରେ ତୈଳିକ ବୈଶ୍ୟ ହଳଦିଆ ସାହୁ ସମାଜର ନୂତନ ଗ୍ରାମ୍ୟ କମିଟି ଗୁଡ଼ିକ ଗଠନ ପ୍ରକ୍ରିୟା ଜାରି ରହିଛି । ସମାଜର ଉପ ବିଧି ପ୍ରକାରେ ଜିଲ୍ଲା ପର୍ଯ୍ୟବେକ୍ଷକମାନଙ୍କ ଉପସ୍ଥିତିରେ ନୂତନ ଗ୍ରାମ୍ୟ କମିଟି ଗଠନ ପ୍ରକ୍ରିୟା କରାଯାଉଛି। ଏହା ପୂର୍ବରୁ ପ୍ରଥମେ ସମାଜ ସଂସ୍କାର ସମ୍ପର୍କିତ ଆଲୋଚନା କରାଯାଇ ସମାଜର ନୀତି ନିୟମ ଗୁଡ଼ିକ କିପରି କଡ଼ାକଡ଼ି ଭାବେ ପାଳନ ହୋଇପାରିବ ସେ ଉପରେ ନିର୍ଦ୍ଧାରଣ କରାଯାଉଥିବା ନେଇ ଜଣାପଡ଼ିଛି । ଗ୍ରାମ୍ୟ କମିଟି ଗଠନରେ ସମାଜ ପାଇଁ କାମ କରିବାକୁ ଆଗ୍ରହୀ ଯୁବକ ଓ ମହିଳାମାନଙ୍କୁ ସାମିଲ୍ କରିବା ଉପରେ ଗୁରୁତ୍ୱ ଦିଆଯାଇ ୫ଜଣ ଲେଖାଏଁ ମହିଳା ଓ ଯୁବକଙ୍କୁ ଗ୍ରାମ୍ୟ କମିଟିରେ ନିଆଯାଇଛି। ସେହିପରି ସମୟ ଦେଇପାରୁଥିବା ଉପଯୁକ୍ତ ସମାଜସେବୀଙ୍କୁ ଗ୍ରାମ୍ୟ କମିଟିର ସୁପାରିଶରେ ସମାଜର ବିଭିନ୍ନ ଉଚ୍ଚସ୍ତରୀୟ କମିଟି ସଭ୍ୟ ଭାବେ ରଖିବା ପାଇଁ ଜିଲ୍ଲା କମିଟିକୁ ପଠାଯାଇଛି।
ପ୍ରକାଶ ଯେ, କେସିଙ୍ଗା ବ୍ଲକ ଅନ୍ତର୍ଗତ ବାଲସି ଓ ବଗାଡ଼ ମଣ୍ଡଳର ପ୍ରାୟ ଅଧିକାଂଶ ଗ୍ରାମରେ ସମାଜର ନୀତି ନିୟମ ଅନୁସାରେ ନୂତନ ଗ୍ରାମ୍ୟ କମିଟି ଗଠନ ହୋଇଥିବା ଜଣାପଡ଼ିଛି। କୁର୍ଲୁପଡ଼ା ଓ ନୂଆପଡ଼ା ନୂତନ ଗ୍ରାମ୍ୟ କମିଟି ଗଠନ ବୈଠକରେ ଜିଲ୍ଲା ସଭାପତି ନୀଳମଣି ସାହୁ ଓ ସମ୍ପାଦକ ନବୀନ କିଶୋର ସାହୁ, ସମାଜର ମାନ୍ୟଗଣ୍ୟ ମୁରଲୀଧର ସାହୁ, ହିରାମଣୀ ସାହୁ, ପବିତ୍ର ସାହୁଙ୍କ ସମେତ ବାଲସି ମଣ୍ଡଲର ମନୋହର ସାହୁ, ଫକିର ସାହୁ, ବିରଞ୍ଚି ସାହୁ, ଅଶ୍ବିନୀ ସାହୁ, କିଶନ ସାହୁ, ବଗାଡ ମଣ୍ଡଳର ସୁଲପାଣି ସାହୁ, ଯୁବରାଜ ସାହୁ, ଗଣମାଧ୍ୟମ ପ୍ରତିନିଧି ଶିବପ୍ରସାଦ ସାହୁ, ନର୍ଲା ବ୍ଲକ ରୁପ୍ରା ମଣ୍ଡଳର ହୃଷୀକେଶ ସାହୁ, ମୁରଲୀଧର ସାହୁ ପ୍ରମୁଖଙ୍କ ସମେତ ସମାଜର ଅନେକ ବିଶିଷ୍ଟ ବ୍ୟକ୍ତି ଉପସ୍ଥିତ ରହିଥିଲେ।
