ବ୍ରହ୍ମପୁର ୨୪/୬: ବ୍ରହ୍ମପୁର ଉପଖଣ୍ଡ ପ୍ରଶାସନ ଓ ବ୍ରହ୍ମପୁର ମହାନଗର ନିଗମ କମିଶନରଙ୍କ ନିର୍ଦ୍ଦେଶରେ ମଙ୍ଗଳବାର ମିଳିତ ଚଢ଼ାଉ କରାଯାଇଛି। ମିଳିତ ଟିମ୍ ରେ ବିଏମସି ପ୍ରବର୍ତ୍ତନ, ପରିମଳ, ଖାଦ୍ୟ ନିରାପତ୍ତା, ରାଜସ୍ବ ସମେତ ଯୋଗାଣ ବିଭାଗ, ପ୍ରଦୂଷଣ ନିୟନ୍ତ୍ରଣ ବୋର୍ଡ, ବୈଧ ମାପ ଓଜନ ଅଧିକାରୀ ସାମିଲ ଥିଲେ। ବ୍ରହ୍ମପୁର ଷ୍ଟେସନ ରୋଡର ବିଭିନ୍ନ ହୋଟେଲ, ମଦ ଦୋକାନ, ରେଷ୍ଟୁରାଣ୍ଟ, ଉଠା ଦୋକାନରେ ଚଢ଼ାଉ କରାଯାଇଥିଲା। ନିୟମ ଉଲଙ୍ଘନ, ବାସି ଓ ଅପମିଶ୍ରିତ ଖାଦ୍ୟ ବିକ୍ରି,ପରିମଳ ଅବ୍ୟବସ୍ଥା, ପ୍ଲାଷ୍ଟିକ ବ୍ୟବହାର ଅଭିଯୋଗରେ ଜୋରିମାନା ଆଦାୟ କରାଯାଇଛି । ଦୁଇଟି ହୋଟେଲ ସିଲ୍ ନିର୍ଦ୍ଦେଶ ସହ ସମସ୍ତଙ୍କୁ କାରଣ ଦର୍ଶାଅ ନୋଟିସ୍ ଜାରି କରାଯିବ ବୋଲି ଡେପୁଟି କମିଶନର କଲ୍ୟାଣୀ ସଂଘମିତ୍ରା ସୂଚନା ଦେଇଛନ୍ତି।