ନୂଆଦିଲ୍ଲୀ – କିଛି ଦିନ ପରେ ଫେଷ୍ଟିଭ୍ ସିଜନର ଆରମ୍ଭ ହୋଇଯିବ। ଧନତେରସ, ଦୀପାବଳି ପରେ ଛଟ୍ ପୂଜା ମଧ୍ୟ ଆସିବ , ଯେଉଁଥିରେ ବହୁ ସଂଖ୍ୟାରେ ଯାତ୍ରୀ ନିଜ ଘରକୁ ଫେରିବେ। ରେଲୱେ ଦୀପାବଳି ଓ ଛଟ୍ ପୂଜାକୁ ଦେଖି ବଡ଼ ନିଷ୍ପତ୍ତି ନେଇଛି। ଭାରତୀୟ ରେଲୱେ ଚଳିତ ବର୍ଷ ଦୀପାବଳି ଓ ଛଟ୍ ପୂଜା ପାଇଁ ୭,୦୦୦ ସ୍ୱତନ୍ତ୍ର ଟ୍ରେନ୍ ଚଲାଇବ ,ଯେଉଁଥିରେ ପ୍ରତିଦିନ ଦୁଇ ଲକ୍ଷ ଅତିରିକ୍ତ ଯାତ୍ରୀଙ୍କୁ ସୁବିଧା ମିଳିବ।
ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଏକ ସାମ୍ୱାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି। ରେଲୱେ ଅଧିକାରୀଙ୍କ ଅନୁସାରେ, ଗତ ବର୍ଷ ଦୀପାବଳି ଓ ଛଟ୍ ପୂଜା ବେଳେ ଉତ୍ସବର ଭିଡ଼କୁ ଦେଖି ୪,୫୦୦ଟି ସ୍ୱତନ୍ତ୍ର ଟ୍ରେନ୍ ଚଲା ଯାଇଥିଲା। ଅଧିକାରୀମାନେ କହିଛନ୍ତି କି, ଯାତ୍ରୀଙ୍କ ସଂଖ୍ୟା ବୃଦ୍ଧିକୁ ଦେଖି ମନ୍ତ୍ରଣାଳୟ ଚଳିତ ବର୍ଷ ସେବାକୁ ବଢାଇବାର ନିଷ୍ପତ୍ତି ନେଇଛି।
ଉତ୍ତର ରେଲୱେ (ଏନଆର) ଏହି ଅବଧି ବେଳେ ବହୁ ସଂଖ୍ୟାରେ ଟ୍ରେନ୍ ଚଲାଇବ, କାରଣ ବହୁ ସଂଖ୍ୟାରେ ଯାତ୍ରୀ ଦେଶର ପୂର୍ବ ଭାଗରେ ଯାତାୟାତ କରି ଥାନ୍ତି। ଏନଆର ନିକଟରେ ଏକ ପ୍ରେସ୍ ବିଜ୍ଞପ୍ତିରେ କହଛି କି, ସେ ଲୋକଙ୍କୁ ତାଙ୍କର ଗନ୍ତବ୍ୟ ସ୍ଥଳୀ ଯାଏ ପହଞ୍ଚିବାରେ ସାହାଯ୍ୟ କରିବାକୁ ସ୍ୱତନ୍ତ୍ର ଟ୍ରେନ, ପାଖାପାଖି ୩,୦୫୦ ଟ୍ରିପ୍ ଅପରେଟ୍ କରିବ।
ଏଥିରେ କୁହାଯାଇଛି,୨୦୨୩ ମସିହାରେ ଭାରତୀୟ ରେଲୱେ ସ୍ୱତନ୍ତ୍ର ଉତ୍ସବ ଟ୍ରେନ୍ ଚଲାଇ ଥିଲା, ଯେଉଁଥିରେ ଉତ୍ତର ରେଲୱେ ସ୍ୱତନ୍ତ୍ର ଟ୍ରେନର ୧,୦୮୨ ଟ୍ରିପ୍ ଅପରେଟ୍ କରିଥିଲା। ଚଳିତ ବର୍ଷ ଟ୍ରେନ୍ର ୩,୦୫୦ ଟ୍ରିପ୍ ଅପରେଟ୍ କରାଯିବ, ଯାହା ୧୮୧ ପ୍ରତିଶତର ବୃଦ୍ଧି ଘଟିଛି। ଏଥିରେ କୁହାଯାଇଛି ଯେ , ସ୍ୱତନ୍ତ୍ର ଟ୍ରେନ୍ ବ୍ୟତୀତ ଅଧିକ ଯାତ୍ରୀଙ୍କୁ ସମାୟୋଜିତ କରିବା ପାଇଁ ଟ୍ରେନ୍ରେ ଅତିରିକ୍ତ କୋଚ୍ ମଧ୍ୟ ଯୋଡ଼ା ଯାଉଛି।
