ରାଜକୋଟ,୧୩/୦୧: ଆୟର୍ଲାଣ୍ଡ ବିପକ୍ଷ ଦ୍ବିତୀୟ ଦିନିକିଆରେ ରେକର୍ଡ ବିଜୟ ହାସଲ କରିଛି ଭାରତୀୟ ମହିଳା କ୍ରିକେଟ ଦଳ । ଜେମିମିଙ୍କ ପ୍ରଥମ ଦିନିକିଆ ଶତକ ସହ ଆୟର୍ଲାଣ୍ଡକୁ ୧୧୬ରନରେ ପରାସ୍ତ କରି ୨-୦ରେ ଆଗୁଆ ସିରିଜ କବଜା କରିଛି ସ୍ମୃତି ମାନ୍ଧନାଙ୍କ ନେତୃତ୍ବାଧୀନ ଟିମ୍ ଇଣ୍ଡିଆ । ୧୦୨ରନର ଦମଦାର ଶତକୀୟ ପାଳି ଖେଳିଥିବା ଜେମିମା ୟାର ଅଫ୍ ଦି ମ୍ୟାଚ ବିବେଚିତ ହୋଇଛନ୍ତି ।

ଆୟର୍ଲାଣ୍ଡ ବିପକ୍ଷ ଦ୍ବିତୀୟ ଦିନିକିଆରେ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଥିଲା ଭାରତ । ୫ ୱିକେଟ ହରାଇ ୩୭୦ ରନ ସଂଗ୍ରହ କରିଥିଲା । ଏହା ଦଳର ସର୍ବାଧିକ ବ୍ୟକ୍ତିଗତ ସ୍କୋର ଥିଲା ।  ୧୧୬ରନରେ ଆୟର୍ଲାଣ୍ଡକୁ ପରାସ୍ତ କରିଛି ଭାରତ । ଏହି ମ୍ୟାଚରେ ଭାରତୀୟ ଦଳ ଏବଂ ଖେଳାଳିମାନଙ୍କ ନାମରେ ଏକାଧିକ ରେକର୍ଡ ଯୋଡି ହୋଇଛି । ଏହା ସହିତ ୨-୦ରେ ଆଗୁଆ ସିରିଜ କବଜା କରିଛି । ଏହି ମ୍ୟାଚରେ ଜେମିମା ପ୍ରଥମ ଦିନିକିଆ ଶତକ ହାସଲ କରିଥିଲେ ।

ଏହା ବି ପଢନ୍ତୁ...ମହିଳା କ୍ରିକେଟରେ ଭାରତ ରଚିଲା ଇତିହାସ; ଆର୍ୟଲାଣ୍ଡ ବିପକ୍ଷରେ ଶତକ ଯୋଡ଼ିଲେ ଜେମିମା

https://prameya.com/india-women-370-runs-highest-odi-score-against-ireland-jemimah-rodrigues-century-rajkot

A 1⃣1⃣6⃣-run win! 👏 👏

A superb effort from #TeamIndia to take an unassailable lead in the ODI series against Ireland in Rajkot! 🙌 🙌

Updates ▶️ https://t.co/zjr6BQyBQI#INDvIRE | @IDFCFIRSTBank pic.twitter.com/gwo462EDdY

— BCCI Women (@BCCIWomen) January 12, 2025

ଭାରତ ପକ୍ଷରୁ ସ୍ମୃତି ମାନ୍ଧନା ୭୩ ରନ କରିଥିଲେ । ଯେଉଁଥିରେ ୧୦ଟି ଚୌକା ଓ ୨ ଛକା ରହିଛି । ପ୍ରତୀକା ରାୱଲ ୬୭ରନ କରିଥିଲେ । ହର୍ଲିନ ଦେଓଲ ୮୯ ରନ କରିଥିବେ ବେଳେ ଜେମିମା ରୋଡ୍ରିଗ୍ସ ୯୦ ବଲରେ ୧୦୨ ରନ କରି କ୍ୟାରିୟରର ପ୍ରଥମ ଦିନିକିଆ ଶତକ ହାସଲ କରିଥିଲେ । ଏହା ସହିତ ଦ୍ବିତୀୟ ଦ୍ରୁତତମ ଶତକ ରେକର୍ଡ ସ୍ଥାପନ କରିଥିଲେ । ଓପନିଂ ଯୋଡି ମନ୍ଧନା ଓ ପ୍ରତୀକା ଶେଷ ୫ଟି ଇନିଂସରେ ତୃତୀୟ ଥର ଶତକୀୟ ଭାଗିଦାରୀ ଗଠନ କରିଥିଲେ ।

୩୭୧ରନ ବିଶାଳ ବିଜୟ ଲକ୍ଷ୍ୟ ପିଛା କରି ୭ ୱିକେଟ ବିନିମୟର ୨୫୪ ରନ କରିବାରେ ସକ୍ଷମ ହୋଇଥିଲା । ଦଳ ପକ୍ଷରୁ କ୍ରିଷ୍ଟ୍ରିନା ରିଲି ୮୦, ଲିହ ପଲ ୨୭ ରନ କରିଥିଲେ । ଭାରତ ପକ୍ଷରୁ ଦୀପ୍ତି ୧୦୦ତମ ଦିନିକିଆ ମ୍ୟାଚରେ ସର୍ବାଧିକ ୩ଟି ୱିକେଟ ହାସଲ କରିଥିଲେ ।