ମାଲକାନଗିରି, ୧୦/୧୧ :  ଶ୍ରୀ ଅନ୍ନ ଓ ବିସ୍ମୁତ ଖାଦ୍ୟ ମହୋତ୍ସବ ମାଲକାନଗିରି ଜିଲ୍ଲାରେ ଅନୁଷ୍ଠିତ ହୋଇଯାଇଛି । ମାଣ୍ଡିଆରେ ପ୍ରସ୍ତୁତ ସୁସ୍ୱାଦୁ ଜଳଖିଆ ଦର୍ଶକ ଓ ଅତିଥିମାନଙ୍କ ମନମୋହିଥିବାବେଳେ ଜିଲ୍ଲାସ୍ତରୀୟ ଖାଦ୍ୟ ମେଳାରେ ପାରମ୍ପରିକ ଖାଦ୍ୟକୁ ଗୁରୁତ୍ୱ ଦିଆଯାଇଛି । ଆଜି ମାଲକାନଗିରି ଜିଲ୍ଲା ସଦର ମହକୁମା ସଂସ୍କୃତିଭବନ ପରିସରରେ ମୁଖ୍ୟ ଜିଲ୍ଲା କୃଷି ଅଧିକାରୀ ଦିଲରଂଜନ ମହାଲିକଙ୍କ ଅଧ୍ୟକ୍ଷତାରେ ଜିଲ୍ଲାସ୍ତରୀୟ ଖାଦ୍ୟ ମେଳା ଅନୁଷ୍ଠିତ ହୋଇଯାଇଛି।

ଜିଲ୍ଲା ପରିଷଦ ଅଧ୍ୟକ୍ଷା ସମାରୀ ତାଙ୍ଗୁଲ ଏହି ଉତ୍ସବକୁ ଉଦଘାଟନ କରିଥିବାବେଳେ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଚିତ୍ରକୋଣ୍ଡା ବିଧାୟକ ମଙ୍ଗୁ ଖିଲ ଯୋଗଦେଇଥିଲେ। ସମ୍ମାନିତ ଅତିଥି ଭାବେ ପୌର ପରିଷଦ ଅଧ୍ୟକ୍ଷ ମନୋଜ ବାରିକ, ସହକାରୀ କୃଷି ଅଧିକାରୀ ମହେଶ କୁମାର ପାଢି, ଉଦ୍ୟାନ ବିଭାଗ ଅଧିକାରୀ ପ୍ରଶାନ୍ତ ପାତ୍ର ଯୋଗଦେଇଥିଲେ । ଏହି କାର୍ଯ୍ୟକ୍ରମରେ ଉପସ୍ଥିତ ଚାଷୀ, ଏବଂ ମହିଳା ସ୍ୱୟଂ ସହାୟକ ଗୋଷ୍ଠିମାନଙ୍କୁ ମାଲକାନଗିରି ଜିଲ୍ଲାରେ ପାରମ୍ପରିକ ଚାଷ ଏବଂ ପୂର୍ବରୁ ଉତ୍ପାଦିତ ଶସ୍ୟ ନିରୋଗ୍ୟ ପୃଷ୍ଟି ଯୁକ୍ତଥିଲା। ବର୍ତମାନ ଆଧୁନିକ ପ୍ରଣାଳୀ ଚାଷ ଉତ୍ପାଦନ ବୃଦ୍ଧି, ରାସାୟନିକ ସାର ପ୍ରୟୋଗ ଦ୍ୱାରା ବିଭିନ୍ନ ରୋଗ ମାନବ ସମାଜକୁ ଗ୍ରାସ କରୁଛି । ଜିଲ୍ଲାରେ ପାରମ୍ପରିକ ଚାଷ ସହ ଜୈବିକ ଖତ ସାର ବ୍ୟବହାର କରି ପୂର୍ବ ଭଳି ମାଣ୍ଡିଆ, କାନ୍ଦୁଲ, ସୁଆଁ, ହରଡ, ମୁଗ, ଧାନ, ଇତ୍ୟାଦି ଫସଲ କରିବା ପାଇଁ ମଞ୍ଚସିନ ଅତିଥିମାନେ ପରାମର୍ଶ ଦେଇଥିଲେ।

ଏହି ଖାଦ୍ୟ ମେଳାରେ ବିଭିନ୍ନ ଷ୍ଟଲ ମାଧ୍ୟମରେ ପାରମ୍ପରିକ ଖାଦ୍ୟ ଶସ୍ୟ ସହ ମାଣ୍ଡିଆରେ ପ୍ରସ୍ତୁତ ରସୋଗଲା, ପିଠା, ସୁପ୍‌, ଖିରି, ପକଡା, ନିମିକି, ବରା ସହିତ ବିଭିନ୍ନ ବିହନ, ସଶ୍ୟ ପ୍ରଦର୍ଶିତ କରା ଯାଇଥିଲ। ଦର୍ଶକ ଓ ଅତିଥି ମାନେ ମାଣ୍ଡିଆ ରେ ପ୍ରସ୍ତୁତ ଜଳଖିଆ ଖାଇ ଆନନ୍ଦିତ ହୋଇଥିଲେ।