ନୂଆଦିଲ୍ଲୀ, ୩୦/୪ : ଭାରତ ଟି-୨୦ ବିଶ୍ବକପ୍ ୨୦୨୪ଲାଗି ଟିମ୍ ଘୋଷଣା କରିଛି । ଟିମ୍ ଇଣ୍ଡିଆ ରୋହିତ ଶର୍ମାଙ୍କ ଅଧିନାୟକତ୍ବରେ ଖେଳିବ । ଭାରତୀୟ କ୍ରିକେଟ କଣ୍ଟେ୍ରାଲ ବୋର୍ଡର ଚୟନ କମିଟି ମଙ୍ଗଳବାର ବୈଠକ କରିଥିଲା । ରୋହିତ ଶର୍ମାଙ୍କ ସହ ଯଶସ୍ବୀ ଜୟସଓ୍ବାଲ, ବିରାଟ କୋହଲୀ, ସୂର୍ଯ୍ୟକୁମାର ଯାଦବ, ଋଷଭ ପନ୍ତ ଏବଂ ସଞ୍ଜୁ ସ୍ୟାମସନଙ୍କୁ ଟିମ୍ରେ ସ୍ଥାନ ମିଳିଛି । ଶୁଭମନ ଗିଲଙ୍କୁ ରିଜର୍ଭ ଖେଳାଳୀଙ୍କ ଲିଷ୍ଟରେ ରଖାଯାଇଛି । ବୋର୍ଡ ଶିବମ ଦୁବେଙ୍କ ଉପରେ ବି ଭରସା ରଖିଛି । ହାର୍ଦ୍ଦିକ ପାଣ୍ଡ୍ୟାଙ୍କୁ ଉପଅଧିନାୟକ କରାଯାଇଛି ।
ଟିମ୍ ଇଣ୍ଡିଆ ଓ୍ବିକେଟ କିପର ବ୍ୟାଟର ଋଷଭ ପନ୍ତ ଏବଂ ସଞ୍ଜୁ ସ୍ୟାମସନଙ୍କୁ ଟିମ୍ରେ ସ୍ଥାନ ଦେଇଛି। ସ୍ୟାମସନ ଏବଂ ପନ୍ତ ଆଇପିଏଲ୍ ୨୦୨୪ରେ ଭଲ ପ୍ରଦର୍ଶନ କରୁଛନ୍ତି । ଋଷଭ ପନ୍ତ ଲମ୍ବା ସମୟ ପରେ ଟିମ୍ ଇଣ୍ଡିଆକୁ ଫେରିଛନ୍ତି । ସେ କାର୍ ଆକ୍ସିଡେଣ୍ଟ ପରେ ମୈଦାନରୁ ଦୂରରେ ଥିଲେ । କିନ୍ତୁ ଆଇପିଏଲ ମାଧ୍ୟମରେ ସେ ଫେରିଛନ୍ତି ଏବଂ ନିଜ ଫର୍ମକୁ ସାବ୍ୟସ୍ତ କରିଛନ୍ତି । ତାଙ୍କୁ ଏହାର ସୁଫଳ ମିଳିଲା । ସ୍ୟାମସନଙ୍କ କଥା ଯଦି ଆମେ କହିବା ତେବେ ସେ ଆଇପିଏଲ ୨୦୨୪ରେ ୯ ମ୍ୟାଚ ଖେଳିଛନ୍ତି ଏବଂ ୩୮୫ରନ୍ କରିଛନ୍ତି। ଏହି ସମୟରେ ୪ଅର୍ଦ୍ଧଶତକ ଲଗାଇଛନ୍ତି ।
ବିସିସିଆଇ ଶିବ ଦୁବେ ଏବଂ ଅକ୍ଷର ପଟେଲଙ୍କ ଉପରେ ବି ଭରସା କରିଛି । ଶିବମ ଆଇପିଏଲରେ ଚେନ୍ନାଇ ସୁପର କିଙ୍ଗ୍ସ ଲାଗି ଖେଳୁଛନ୍ତି । ସେ ବିସ୍ଫୋଟକ ବ୍ୟାଟିଂ କରିବାରେ ମାହିର ଅଟନ୍ତି। ଏହାସହ ଫିନିଶର ଭୂମିକା ନିଭାଇଥାନ୍ତି । ଶିବମ ଦୁବେ ଏହି ସିଜନରେ ୯ମ୍ୟାଚରେ ୩୫୦ରନ କରିଛନ୍ତି । ଏହି ସମୟରେ ୩ଅର୍ଦ୍ଧଶତକ ଲଗାଇଛନ୍ତି । ଅକ୍ଷରଙ୍କ କଥା ଯଦି ଆମେ କହିବା ସେ ବୋଲିଂ ସହ ବ୍ୟାଟିଂରେ ବି କମାଲ ଦେଖାଇଛନ୍ତି ।
ଟି-୨୦ ବିଶ୍ବକପ ୨୦୨୪ଲାଗି ଭାରତୀୟ କ୍ରିକେଟ ଟିମ୍ – ରୋହିତ ଶର୍ମା, ଯଶସ୍ବୀ ଜୟସଓ୍ବାଲ, ବିରାଟ କୋହଲୀ, ସୂର୍ଯ୍ୟକୁମାର ଯାଦବ, ଋଷଭ ପନ୍ତ, ସଞ୍ଜୁ ସ୍ୟାମସନ, ହାର୍ଦ୍ଦିକ ପାଣ୍ଡ୍ୟା, ଶିବମ ଦୁବେ, ରବିନ୍ଦ୍ର ଜାଡେଜା, ଅକ୍ଷର ପଟେଲ, କୂଲଦୀପ ଯାଦବ, ୟୁଜବେନ୍ଦ୍ର ଚହଲ, ଅର୍ଶଦୀପ ସିଂହ, ଜସପ୍ରୀତ ବୁମରାହ, ମୋହମ୍ମଦ ସିରାଜ ।
ରିଜର୍ଭ ଖେଳାଳୀ- ଶୁଭମନ ଗିଲ, ରିଙ୍କୁ ସିଂହ, ଖଲୀଲ ଅହମଦ ଏବଂ ଅବେଶ ଖାନ ।
🚨India’s squad for ICC Men’s T20 World Cup 2024 announced 🚨
— BCCI (@BCCI) April 30, 2024
Let's get ready to cheer for #TeamIndia #T20WorldCup pic.twitter.com/jIxsYeJkYW