ନୂଆଦିଲ୍ଲୀ,୨୪।୧୦: ଜମ୍ମୁ-କଶ୍ମୀରକୁ ଖୁବ୍ ଶୀଘ୍ର ମିଳିପାରେ ରାଜ୍ୟ ପାହ୍ୟା। କେନ୍ଦ୍ର ପକ୍ଷରୁ ଖୁବ୍ ଶୀଘ୍ର ପକ୍ରିୟା ଆରମ୍ଭ କରାଯାଇପାରେ। ତେବେ ଏହାକୁ ନେଇ କୌଣସି ଔପଚାରିକ ଭାବରେ କୁହାଯାଇ ନାହିଁ। ବୁଧବାର ସନ୍ଧ୍ୟାରେ ମୁଖ୍ୟମନ୍ତ୍ରୀ ଉମର ଅବଦୁଲା ଓ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କର ଦିଲ୍ଲୀରେ ବଡ ବୈଠକ ହୋଇଛି। ସରକାର ଗଠନ ହେବାପରେ ପ୍ରଥମ ଥର ବୈଠକରେ ଏନ୍ସି ସରକାର ରାଜ୍ୟ ପାହ୍ୟା ପ୍ରଦାନ କରିବାକୁ ପ୍ରସ୍ତାବ ପାସ୍ କରିଛନ୍ତି।
ଏନ୍ଡିଟିଭିର ରିପୋର୍ଟ ଅନୁସାରେ, କେନ୍ଦ୍ର ଜମ୍ମୁ ଓ କଶ୍ମୀରକୁ ରାଜ୍ୟ ପାହ୍ୟା ପ୍ରଦାନ କରିବାର ପକ୍ରିୟା ଆରମ୍ଭ କରିପାରେ। ସୁତ୍ରରୁ ମିଳିଥିବା ସୂଚନା ଅନୁସାରେ, ଅଧା ଘଣ୍ଟା ପର୍ଯ୍ୟନ୍ତ ଚାଲିଥିବା ବୈଠକ ଖୁବ୍ ସୌହାର୍ଦ୍ଧପୂର୍ଣ୍ଣ ପରିବେଶରେ ହୋଇଥିଲା। ଜମ୍ମୁ ଓ କାଶ୍ମୀରକୁ ରାଜ୍ୟ ପାହ୍ୟା ପ୍ରଦାନ କରିବାର ପକ୍ରିୟା ଆରମ୍ଭ କରିବାର ଗୃହମନ୍ତ୍ରୀ ନୂଆ ସରକାରଙ୍କୁ ଭରସା ଦେଇଛନ୍ତି।’
ଉମର ଅବଦୁଲା କହିଛନ୍ତି, ଏହା ଏକ ଶିଷ୍ଟାଚାର ସାକ୍ଷାତ ଥିଲା। ଯେଉଁ ସମୟରେ ସେ କେନ୍ଦ୍ର ଗୃହମନ୍ତ୍ରୀଙ୍କୁ ଜମ୍ମୁ-କଶ୍ମୀରର ସ୍ଥିତି ସମ୍ପର୍କରେ ଅବଗତ କରାଇଛନ୍ତି ଓ ରାଜ୍ୟ ପାହ୍ୟା ପ୍ରଦାନ କରିବା ପ୍ରସଙ୍ଗରେ ଚର୍ଚ୍ଚା କରିଛନ୍ତି। ଉଲ୍ଲେଖନୀୟ ଯେ, ଜମ୍ମୁ-କଶ୍ମୀର ୨୦୧୯ ରେ କେନ୍ଦ୍ର ଶାସିତ ରାଜ୍ୟ ହେବାପରେ ପୋଲିସ କେନ୍ଦ୍ର ଗୃହମନ୍ତ୍ରଣାଳୟର ଅଧିକାର କ୍ଷେତ୍ରରେ ଆସିଥାଏ।