ସମ୍ବଲପୁର,୦୬/୦୮: ଉପରମୁଣ୍ଡରେ ବର୍ଷା  ଥମିଛି । ହେଲେ ହୀରାକୁଦକୁ ଅଢେଇ ଲକ୍ଷ କ୍ୟୁସେକ୍‌ରୁ ଅଧିକ ପାଣି ପ୍ରବେଶ କରୁଛି। ବେଳେ ୨ ଲକ୍ଷ ୪୬ ହଜାର ୭୬୫ ଜଳ ନିଷ୍କାସିତ ହେଉଛି । ଏବେ ବି ୧୪ ଗେଟ୍‌ ଦେଇ ଜଳ ନିଷ୍କାସନ ଜାରି ରହିଛି । ବାମ ପଟରୁ ୧୦ଟି ରହିଥିବା ବେଳେ ଡାହାଣ ପଟୁ ୪ ଟି ଗେଟ୍ ରହିଛି। ଜଳସ୍ତର ୬୧୦  ଫୁଟ୍‌ରେ ପହଞ୍ଚିଛି।

ଗତ ୨୪ ଘଣ୍ଟା ମଧ୍ୟରେ  ଉପରମୁଣ୍ଡରେ ହାରାହାରି ମାତ୍ର ୩.୯୧ ମିମି ଏବଂ  ତଳମୁଣ୍ଡରେ ହାରାହାରି ୬.୪୪ ମିମି ବର୍ଷା ରେକର୍ଡ କରାଯାଇଛି। ସକାଳ ୬ଟା ସୁଦ୍ଧା  ସୁଦ୍ଧା ଜଳଭଣ୍ଡାରକୁ ୨ ଲକ୍ଷ  ୭୪ ହଜାର କ୍ୟୁସେକ୍‌ ଜଳ ପ୍ରବେଶ କରୁଥିବା  ବେଳେ ୨ ଲକ୍ଷ ୪୬ ହଜାର ୬୮୦ କ୍ୟୁସେକ୍‌ ଜଳ  ନିଷ୍କାସିତ ହେଉଛି । ଏଥିରୁ ସ୍ପିଲୱେ ଦେଇ ୨ ଲକ୍ଷ  ୮ ହଜାର ୧୨ କ୍ୟୁସେକ୍‌ ଜଳ ମହାନଦୀକୁ ଛଡା ଯାଉଥିବା ବେଳେ ପାୱାର୍‌ ଚ୍ୟାନେଲ ଦେଇ ୩୪୯୨୫  କ୍ୟୁସେକ୍‌, ବିଭିନ୍ନ କେନାଲ ଦେଇ ୩୪୬୮ କ୍ୟୁସେକ୍‌,  ଶିଳ୍ପ ଜଳଯୋଗାଣ ବାବଦକୁ ୨୭୫ କ୍ୟୁସେକ୍‌ ଯୋଗାଣ  ହୋଇ ମୋଟ୍‌ ୨ ଲକ୍ଷ ୪୬ ହଜାର ୬୮୦ କ୍ୟୁସେକ୍‌  ନିଷ୍କାସିତ ହେଉଛି ।