ନୂଆଦିଲ୍ଲୀ,୧୧/୦୭: 'ଅଫର ଫର୍ ସେଲ' ମାଧ୍ୟମରେ ଭାରତୀୟ ଜୀବନ ବୀମା ନିଗମ ବା ଏଲଆଇସିର ଅଂଶଧନ ବିକ୍ରି କରିବାକୁ ପ୍ରସ୍ତୁତ ହେଉଛନ୍ତି କେନ୍ଦ୍ର ସରକାର। କମ୍ପାନିରେ ସରକାରଙ୍କ ୯୬.୫ ପ୍ରତିଶତ ଅଂଶଧନ ରହିଛି। କମ୍ପାନିର ୬.୫ ପ୍ରତିଶତ ଅଂଶଧନ ବିକ୍ରି କରିବା ପ୍ରସ୍ତାବକୁ ମଞ୍ଜୁରି ମିଳିଥିବା ଚର୍ଚ୍ଚା । 

'ଅଫର ଫର ସେଲ' ହେଉଛି ଏଭଳି ଏକ ବ୍ୟବସ୍ଥା ଯେଉଁଥିରେ କମ୍ପାନିର ପ୍ରତିଷ୍ଠାତା, ନିବେଶକ ଓ ବଡ଼ ଅଂଶଧନକାରୀମାନେ ନିଜ ପାଖରେ ଥିବା ସେୟାରକୁ ସାଧାରଣ ନିବେଶକମାନଙ୍କୁ ବିକ୍ରି କରିଥାନ୍ତି । ତେଣୁ ଏହି ସେଲରେ କମ୍ପାନିର ପୂର୍ବରୁ ବିକ୍ରି ହୋଇଥିବା ସେୟାର ବିକ୍ରି ହେବ । ୨୦୨୩ରେ ଏଲଆଇସି ଏହା ଇନିସିଆଲ ପବ୍ଲିକ ଅପରିଂ ବା ଆଇପିଓ ଜରିଆରେ ୩.୫ ପରତିଶତ ଅଂଶଧନ ବିକ୍ରି ୨୦,୫୫୭ କୋଟି ଟଙ୍କା ହାସଲ କରିଥିଲା ।ସରକାର OFS ରୁଟ୍ ମାଧ୍ୟମରେ LICରେ ଆହୁରି ଅଂଶଧନ ବିକ୍ରୟ ପାଇଁ ଅନୁମୋଦନ ଦେଇଛନ୍ତି ଏବଂ ଆଲୋଚନା ଏପର୍ଯ୍ୟନ୍ତ ପ୍ରାଥମିକ ପର୍ଯ୍ୟାୟରେ ଅଛି। ଅଂଶଧନ ବିକ୍ରୟର ପରିମାଣ, ମୂଲ୍ୟ ଏବଂ ସମୟ ସଠିକ୍ ସମୟରେ ସ୍ଥିର କରାଯିବ। ଏଲଆଇସିର ବର୍ତ୍ତମାନର ବଜାର ପୁଞ୍ଜି ୫.୮୫ ଲକ୍ଷ କୋଟି ଟଙ୍କା। ଏଲଆଇସିର ସେୟାର ୯୨୪.୪୦ଟଙ୍କାରେ କାରବାର ହେଉଛି, ଯାହା ବିଏସଇରେ ପୂର୍ବ ବନ୍ଦ ତୁଳନାରେ ୨.୨୭ ପ୍ରତିଶତ ହ୍ରାସ ପାଇଛି।