ନୂଆଦିଲ୍ଲୀ: ତେଲେଙ୍ଗାନା ମୁଖ୍ୟମନ୍ତ୍ରୀ ରେବନ୍ତ ରେଡ୍ଡୀ ଗଣମାଧ୍ୟମକୁ ପବିତ୍ରତା ବିଷୟରେ ଶିକ୍ଷା ଦେବା ସମୟରେ ଏପରି ଏକ ବିବାଦୀୟ ବୟାନ ଦେଇଛନ୍ତି, ଯାହାକୁ ନେଇ ଏବେ ଚାରିଆଡ଼େ ସମାଲୋଚନା କରାଯାଉଛି। କାର୍ଯ୍ୟକ୍ରମରେ ବରିଷ୍ଠ ସାମ୍ବାଦିକଙ୍କ ଉଦାହରଣ ଦେଇ ରେଡ୍ଡୀ ଯୁବ ସାମ୍ବାଦିକଙ୍କ ପାଇଁ ଏକ ବିବାଦୀୟ ବୟାନ ଦେଇ କହିଛନ୍ତି କି,'ବିଶ୍ଳେଷଣ କରିବା ପାଇଁ, ସେମାନେ (ବରିଷ୍ଠ ସାମ୍ବାଦିକ) ସେମାନଙ୍କର ସ୍ୱାସ୍ଥ୍ୟ ଏବଂ ପରିବାରକୁ ବାଜିରେ ଲଗାନ୍ତି। ଲୋକଙ୍କ ସମସ୍ୟା ବୁଝିବା ପାଇଁ, ସେମାନେ କିଛି ଦିନ ପାଇଁ ଦୂରଦୂରାନ୍ତର ଅଞ୍ଚଳକୁ ଯାଆନ୍ତି ଏବଂ ସେମାନଙ୍କର ରିପୋର୍ଟ ପ୍ରକାଶ କରିବା ପାଇଁ ଜନସାଧାରଣଙ୍କ ମଧ୍ୟରେ ଯାଆନ୍ତି। 'କେବଳ କିଛି ଗଣମାଧ୍ୟମ ପ୍ରତିଷ୍ଠାନ ଅଛି ଯେଉଁମାନେ ନିରନ୍ତର ଜନସାଧାରଣଙ୍କ ସହିତ ଠିଆ ହୁଅନ୍ତି। ଆଜି, ଅନେକ ଗଣମାଧ୍ୟମ ପ୍ରତିଷ୍ଠାନ ସେମାନଙ୍କର ବିଶ୍ୱସନୀୟତା ହରାଇବାର ଆଶଙ୍କାରେ ଅଛନ୍ତି । ସ୍ୱାଧୀନତା ଆନ୍ଦୋଳନ ସମୟରେ, ଖବରକାଗଜ ଦେଶର ଲୋକଙ୍କୁ ଏକତ୍ର କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା। ସାମ୍ବାଦିକତା ଏକ 'ମିଶନ' ଥିଲା । ଆଜି ଲୋକମାନେ ଏହାର ରୂପକୁ ନଷ୍ଟ କରିଦେଇଛନ୍ତି।'
ରେଡ୍ଡୀ ଆହୁରି କହିଛନ୍ତି,ଆଜିର ଯୁବ ସାମ୍ବାଦିକ ମାନେ ବରିଷ୍ଠ ସାମ୍ବାଦିକଙ୍କ ବିଷୟରେ କିଛି ଜାଣନ୍ତି ନାହିଁ। ବରିଷ୍ଠ ସାମ୍ବାଦିକ ମାନେ ଆସିଲେ ସମ୍ମାନ ଜଣାଇ ଠିଆ ହେବାର ସେମାନଙ୍କର ବୁଦ୍ଧି ମଧ୍ୟ ନାହିଁ। ରେଭନ୍ତ ରେଡ୍ଡି ଆହୁରି କହିଛନ୍ତି, 'ଯେତେବେଳେ ଆମେ ସାମ୍ବାଦିକ ସମ୍ମିଳନୀ କରୁ, ସେମାନେ (ଯୁବ ସାମ୍ବାଦିକ) ଆଗ ଧାଡିରେ ବସି ମୋତେ ଏପରି ଦେଖନ୍ତି ଯେପରି ମୁଁ ସେମାନଙ୍କୁ ମୁଣ୍ଡ ନୁଆଁଇ ଅଭିବାଦନ କରୁନାହିଁ। ବେଳେ ବେଳେ ମୁଁ ସେମାନଙ୍କୁ ଚାପୁଡ଼ା ମାରିବାକୁ ଇଚ୍ଛା କରେ, କିନ୍ତୁ ପରିସ୍ଥିତି ଏବଂ ସ୍ଥିତି ମଝିକୁ ଆସିଯାଏ।'
