ନୂଆଦିଲ୍ଲୀ : ଏମ୍ପ୍ଲୟିଜ୍ ପ୍ରୋଭିଡେଣ୍ଟ ଫଣ୍ଡ ଅର୍ଗାନାଇଜେସନ ଅର୍ଥାତ୍ ଇପିଏଫ୍ଓ ନିଜର ସବ୍ସକ୍ରାଇବରଙ୍କ ପାଇଁ ଆଶ୍ୱସ୍ତି ପୂର୍ଣ୍ଣ ଘୋଷଣା କରିଛି। ଇପିଏଫ୍ଓ ଏମ୍ପିୟିଜ୍ ପ୍ରୋଭିଡେଣ୍ଟ ଫଣ୍ଡର ସଦସ୍ୟଙ୍କ ପାଇଁ ଇପିଏଫ୍ କ୍ଲେମ୍ ସେଟେଲମେଣ୍ଟରେ ଇଣ୍ଟରେଷ୍ଟ ପେମେଣ୍ଟର ନିୟମରେ ପରିବର୍ତ୍ତନ କରିବାର ନିଷ୍ପତ୍ତି ନେଇଛି। ୩୦ ନଭେମ୍ୱର ୨୦୨୪ରେ ସେଣ୍ଟ୍ରାଲ ବୋର୍ଡ ଅଫ୍ ଟ୍ରଷ୍ଟିଜ୍ (ସିବିଟି) ନିଜର ନିଷ୍ପତ୍ତିରେ ଇପିଏଫଓର ୬୦ (୨) (ବି) ରେ ନିୟମ ପରିବର୍ତ୍ତନ କରିଛନ୍ତି। ଏହା ଲାଗୁ ହେବା ପରେ ସଦସ୍ୟଙ୍କୁ ଅଧିକ ସୁଧ ମିଳିବ ଏବଂ ସେଟଲମେଣ୍ଟ ଶୀଘ୍ର ହେବ। ଏହି ସୂଚନା ଇକୋନୋମିକ୍ସ ଟାଇମ୍ସର ଏକ ରିପୋର୍ଟରେ ପ୍ରକାଶ ପାଇଛି। କହି ରଖୁଛୁ କି ଏବେସୁଦ୍ଧା ଏହି ନିୟମ ଲାଗି କରାଯାଇ ନାହିଁ। ନୂଆ ନିୟମ ସରକାରଙ୍କ ନୋଟିଫିକେସନ ଜାରି କରିବା ପରେ ଲାଗି ହେବ। ସେପର୍ଯ୍ୟନ୍ତ ପୁରୁଣା ନିୟମ ହିଁ ପ୍ରଭାବୀ ରହିବ।
କଣ ହେବ ପରିବର୍ତ୍ତନ -
ଇପିଏଫଓ ପକ୍ଷରୁ କରାଯାଇ ଥିବା ଘୋଷଣା ଅନୁସାରେ, ସିବିଟି ଇପିଏଫ୍ଓ ସ୍କିମ୍ ୧୯୫୨ର ପାରାଗ୍ରାଫ୍ ୬୦(୨)(ବି)ରେ ପ୍ରମୁଖ ସଂଶୋଧନକୁ ମଞ୍ଜୁରୀ ଦେଇଛି। ବର୍ତ୍ତମାନର ନିୟମ ଅନୁସାରେ, ମାସର ୨୪ତାରିଖ ଯାଏ ସେଟଲ୍ ହୋଇଥିବା ସେଟଲମେଣ୍ଟ ଉପରେ ଗତ ମାସର ଅନ୍ତ ସୁଦ୍ଧା ଦିଆଯାଏ। ଏବେ ସେଟଲମେଣ୍ଟର ତାରିଖ ସୁଦ୍ଧା ସଦସ୍ୟଙ୍କୁ ସୁଧ ମିଳିବ। ଇପିଏଫ୍ଓ ଅନୁସାରେ ଏଥିରେ ଯେଉଁଠି ନିବେଶକଙ୍କୁ ଅଧିକ ସୁଧ ମିଳିବ। ଏହାସହ ଦ୍ରୁତ ଗତିରେ ମାମଲାର ସମାଧାନ ବି କରାଯିବ।
କେମିତି ହେବ ଫାଇଦା –
ଭାବି ନିଅ କୌଣସି ଇପିଏଫ୍ ସଦସ୍ୟଙ୍କର ମୋଟ ବାଲାନ୍ସ ୫ ଲକ୍ଷ ଟଙ୍କା। ବର୍ତ୍ତମାନ ସମୟରେ ସୁଧ ହାର ୮.୨୫ ପ୍ରତିଶତ ରହିଛି। ଏଥିରେ ଯଦି କେହି ବ୍ୟକ୍ତି ମାସର ୨୩ ତାରିଖରେ ସେଟଲମେଣ୍ଟ କରିଥାଏ ତ ତାକୁ ଏହି ନିୟମ ଲାଗୁ ହେବା ପରେ ୨୩ ଦିନର ମଧ୍ୟ ସୁଧ ମିଳିବ। ଏବେସୁଦ୍ଧା ସେଟଲମେଣ୍ଟର ଏକ ମାସ ପୂର୍ବ ଯାଏ ସୁଧ ମିଳୁ ଥିଲା। ଯେଉଁଥି ପାଇଁ ଇପିଏଫ୍ ସଦସ୍ୟଙ୍କୁ କ୍ଷତି ସହିବାକୁ ପଡ଼ୁ ଥିଲା।
