ପ୍ରମୂଖ ଖବର
  • ୨୪ରୁ ୨ ଦିନିଆ ବ୍ୟାଙ୍କ ଧର୍ମଘଟ, ୪ ଦିନ ମିଳିବନି ବ୍ୟାଙ୍କ ସେବା
  • ||
  • ସ୍ୱର୍ଗଦ୍ୱାରରେ ପୂର୍ବତନ କେନ୍ଦ୍ରମନ୍ତ୍ରୀ ସ୍ୱର୍ଗତ ଡାକ୍ତର ଦେବେନ୍ଦ୍ର ପ୍ରଧାନଙ୍କ ଶେଷକୃତ୍ୟ ସମ୍ପନ୍ନ
  • ||
  • ୧୯ରୁ ମାଟ୍ରିକ୍‌ ଖାତା ଦେଖା: ଆଜି କେନ୍ଦ୍ରରେ ଯୋଗ ଦେବେ ୧୨ ହଜାର ଶିକ୍ଷକ, ମୂଲ୍ୟାୟନ ବେଳେ କ୍ୟାମ୍ପସ୍‌ ବାହାରକୁ ଯିବା ମନା
  • ||
  • କାଳବୈଶାଖୀ ଆଣିବ ଆଶ୍ୱସ୍ତି, କାଲିଠୁ ଖସିବ ତାତି: ଆଜି ଝାରସୁଗୁଡ଼ା ଓ ବୌଦ୍ଧକୁ ଅରେଞ୍ଜ, ୪ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ଫ୍ୟାଟି ଲିଭର୍‌ କମାଇବ ସପ୍ତାହକୁ ୪ ଘଣ୍ଟାର ବ୍ୟାୟାମ, ସର୍ଭେରୁ ଖୁଲାସା

Published By : Prameya | March 16, 2025 1:56 PM

ଭୁବନେଶ୍ୱର ୧୬/୦୩: ଫ୍ୟାଟି ଲିଭର ଏକ ଗମ୍ଭୀର ସମସ୍ୟା । ଏଥିରେ ଲିଭର୍‌ରେ ଅତିରିକ୍ତ ଫ୍ୟାଟ  ଜମା ହୋଇଯାଇଥାଏ । ଫ୍ୟାଟ୍‌ ବଢିବା ଯୋଗୁ ଲିଭର୍‌କୁ କ୍ଷତି ପହଞ୍ଚିଥାଏ । ଏହି  ସମସ୍ୟା ଧୀର୍ଘଦିନ ରହିବା ଦ୍ୱାରା ଲିଭର୍‌ ସୋରିଆସିସ୍‌ର ଆଶଙ୍କା ବଢିଥାଏ ।   ଏକ ସର୍ଭେରୁ ଜଣାପଡିଛି ଯେ ସପ୍ତାହକୁ ୪ ଘଣ୍ଟା ବ୍ୟାୟାମ କରିବା ଦ୍ୱାରା  ଫ୍ୟାଟି ଲିଭର୍‌ କମ୍‌ ହୋଇଥାଏ । ଦୁନିଆର ଏକ ଚତୁର୍ଥାଶଂ ଲୋକ ଫ୍ୟାଟି  ଲିଭର୍‌ ସମସ୍ୟାରେ ପୀଡିତ । ଏହା ଲିଭର୍‌ କର୍କଟର ଆଶଙ୍କା ବଢାଇଥାଏ ।   ସାଇକେଲିଂ ଓ ଜଗିଙ୍ଗ୍‌ ଦ୍ୱାରା ଏହି ସମସ୍ୟାକୁ କମ୍‌ କରାଯାଇପାରିବ । ସପ୍ତାହକୁ  ୪ ଘଣ୍ଟା ସାଇକେଲିଂ ବା ଜଗିଙ୍ଗ୍‌ କରିବା ଦ୍ୱାରା ଫ୍ୟାଟି ଲିଭର୍‌ ୩୦ ପ୍ରତିଶତ  ଯାଏ କମିପାରେ । ‘ଏସିଆନ୍‌ ପ୍ୟାସିଫିକ୍‌ ଆସୋସିଏସନ୍‌ ଫର୍‌ ଦ ଷ୍ଟଡି ଅଫ୍‌   ଦ ଲିଭର୍‌’ ପକ୍ଷରୁ ଏହା କୁହାଯାଇଛି । 

ଅସ୍ୱାସ୍ଥ୍ୟକର ଜୀବନଶୈଳୀ ଯୋଗୁ ଏହି  ସମସ୍ୟା ତୀବ୍ର ବେଗରେ ବଢିଚାଲିଛି । ଫ୍ୟାଟି ଲିଭର୍‌  ଯୋଗୁ ଲିଭର୍‌ରେ ଯନ୍ତ୍ରଣା, ଲିଭର୍‌ ସୋରିଆସସ୍‌ ଓ ଲିଭର୍‌  କର୍କଟ ହେବାର ଆଶଙ୍କା ବଢିଥାଏ । ସନ୍ତୁଳିତ ଖାଦ୍ୟପାନୀୟ ସାଙ୍ଗକୁ ବ୍ୟାୟାମ କରିବା ଦ୍ୱାରା ମେଟାବୋଲିକ୍‌  ଆସୋସିଏଟେଡ୍‌ ଫ୍ୟାଟି ଲିଭ୍‌ ରୋଗରୁ ମୁକ୍ତି ମିଳିପାରିବ । ଏହି ସମସ୍ୟା  ପ୍ରାୟତଃ ମୋଟା ଲୋକମାନଙ୍କଠାରେ ବେଶୀ ଦେଖା ଦେଇଥାଏ ।  

ନିଜର ଓଜନ ଉପରେ ଲଗାତାର ନଜର ରଖିବା ଜରୁରି । ଯଦି ସମ୍ଭବ ସପ୍ତାହକୁ   ଥରେ ଓଜନ ଯାଞ୍ଚ କରନ୍ତୁ । କମ୍‌ କ୍ୟାଲୋରୀଯୁକ୍ତ ଡାଏଟ୍‌ ନେବା ଜରୁରି । ୫ ପ୍ରତିଶତ  ଓଜନ କମିବା ଦ୍ୱାରା ଲିଭରରୁ ଫ୍ୟାଟ୍‌ କମିବା ସହଜ ହୋଇଥାଏ । ୧୦ ପ୍ରତିଶତରୁ  ଅଧିକ ଓଜନ କମିବା ଦ୍ୱାରା ଲିଭର୍‌ ଫାଇବ୍ରୋସିସ୍‌ରେ ସୁଧାର ଆସିଥାଏ । 

ଗାଇଡ୍‌ ଲାଇନ ଅନୁସାରେ ଶସ୍ୟଜାତୀୟ ଖାଦ୍ୟ, ଡ୍ରାଏ ଫୁଡ୍ସ ଓ ସିଡ୍ସ, ଫଳ  ଓ ପନିପରିବା ଏବଂ ଅଲିଭ୍‌ ଅଏଲ୍‌ଯୁକ୍ତ ଡାଏଟ୍‌ ନେବା ଦ୍ୱାରା ମେଟାବୋଲିକ୍‌  ଆସୋସିଏଟେଡ୍‌ ଫ୍ୟାଟି ଲିଭର୍‌ ଡିଜିଜ୍‌ ରୋଗୀଙ୍କଠାରେ ମଧୁମେହ-୨,  ହୃଦ୍‌ଘାତ, ଫ୍ୟାଟି ଲିଭର୍‌ ଓ ଫାଇବ୍ରୋସିସ୍‌ର ରିସ୍କ କମ୍‌ ରହିଥାଏ ।

ଦିନକୁ ୩ କପ୍‌ କଫି ପିଇବା ଲାଭଦାୟକ ହୋଇଥାଏ । ଏରୋବିକ୍‌ ବ୍ୟାୟାମ   କରିବା ଦ୍ୱାରା ହୃଦ୍‌ସ୍ପନ୍ଦନ ବଢିବା ସହ ମାଂସପେଶୀ ଓ ଅନ୍ୟାନ୍ୟ ଅଙ୍ଗକୁ  ଅମ୍ଲଜାନ ପ୍ରବାହରେ ସୁଧାର ଆସିଥାଏ । ସପ୍ତାହକୁ ୧୩୫ ମିନିଟ୍‌ର  ଏରୋବିକ୍‌ ବ୍ୟାୟାମ ଲାଭଦାୟକ ।   

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.