ଭୁବନେଶ୍ବର,୦୭/୦୨: ମାଲକାନଗିରି ପୂର୍ବତନ ଜିଲ୍ଲପାଳ ମନିଷ ଅଗ୍ରୱାଲଙ୍କୁ ବଡ଼ ଆଶ୍ବସ୍ତି। ନିମ୍ନ ଅଦାଲତଙ୍କ NBW ଉପରେ ରୋକ ଲଗାଇଲେ ହାଇକୋର୍ଟ। ମାଲକାନଗିରି ଏସଡିଜେଏମ କୋର୍ଟ ଜାରି କରିଥିଲେ ଜାମିନ ବିହୀନ ଗିରଫ ପରୱାନା। ନିଜ ବ୍ୟକ୍ତିଗତ ସହାୟକ ଦେବ ନାରାୟଣ ପଣ୍ଡାଙ୍କ ମୃତ୍ୟୁ ମାମଲାରେ  ହାଜର ହେବାକୁ ଜାରି ହୋଇଥିଲା ସମନ। ଦୁଇ ଦୁଇ ଥର ସମନ ସତ୍ତ୍ବେ କୋର୍ଟରେ ହାଜର ନ ହେବାରୁ ଜାରି ହୋଇଥିଲା NBW।

ତେବେ  ଗତ ୨୦୧୯ ଡିସେମ୍ବର ୨୭ରେ ସନ୍ଦେହଜନକ ଭାବେ ନିଖୋଜ ହୋଇଯାଇଥିଲେ ପୂର୍ବତନ ଜିଲ୍ଲାପାଳ ମନୀଷ ଅଗ୍ରୱାଲଙ୍କ ବ୍ୟକ୍ତିଗତ ସହାୟକ ଦେବ ନାରାୟଣ ପଣ୍ଡା । ଦିନକ ପରେ ମାଲକାନଗିରି ସତିଗୁଡା ଜଳ ଭଣ୍ଡାରରୁ ଦେବ ନାରାୟଣ ପଣ୍ଡାଙ୍କ ମୃତଦେହ ଠାବ ହୋଇଥିଲା । ବ୍ୟକ୍ତିଗତ ସହାୟକ ଦେବ ନାରାୟଣଙ୍କୁ ହତ୍ୟା କରାଯାଇଥିବା ନେଇ ପତ୍ନୀ ବନଜା ପଣ୍ଡା ଅଭିଯୋଗ ଆଣିଥିଲେ । ପ୍ରଥମେ ମାଲକାନଗିରି କୋର୍ଟ ପରେ ହାଇକୋର୍ଟ ଓ ପରେ ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଥିଲେ।  ଏହାପରେ  ମାଲକାନଗିରି ଏସଡିଜେଏମ କୋର୍ଟରେ ଶୁଣାଣି ପାଇଁ ମନୀଷ ଅଗ୍ରୱାଲ ଓ ତାଙ୍କ ୩ ସହଯୋଗୀ ଅବସର ପ୍ରାପ୍ତ ଓଆରଏସ ଅଧିକାରୀ ଭଗବାନ ପାଣିଗ୍ରାହୀ, ଡାଟା ଏଣ୍ଟ୍ରି ଅପରେଟର ଭି. ବେଣୁ ଓ ଷ୍ଟେନୋଗ୍ରାଫର ପ୍ରକାଶ ଚନ୍ଦ୍ର ସ୍ୱାଇଁଙ୍କୁ ଏସଡିଜେଏମ କୋର୍ଟ ବାରମ୍ବାର ସମନ ହୋଇଥିଲା।  କିନ୍ତୁ ସେମାନେ  କୋର୍ଟରେ ଉପସ୍ଥିତ ନ ରହି ସମୟ ଗଡାଉଥିବାରୁ ମାଲକାନଗିରି ଏସଡିଜେଏମ ଏନବିଡବ୍ଲୁ ଜାରି କରିଥିଲେ। କିନ୍ତୁ ବର୍ତ୍ତମାନ ଏନବିଡବ୍ଲୁ  ଉପରେ ରୋକ ଲଗାଇଛନ୍ତି ହାଇକୋର୍ଟ।