ଆନନ୍ଦପୁର, ୧୫।୬: ହିନ୍ଦୋଳ ରେଞ୍ଜ ଅଞ୍ଚଳ ମେ ୨୪ ତାରିଖରେ ଶିକାରୀ ଗୁଳିରେ ଫରେଷ୍ଟ ଗାର୍ଡ ପ୍ରହ୍ଲାଦ ପ୍ରଧାନଙ୍କ ହତ୍ୟା ଘଟଣା । ଏ ଘଟଣା ପ୍ରତିବାଦରେ ସରକାର ତୁରନ୍ତ କୌଣସି ପଦକ୍ଷେପ ନେବାକୁ ବନ କର୍ମଚାରୀ ଦାବି ରଖିଥିଲେ । କିନ୍ତୁ, ସରକାର କୌଣସି ପଦକ୍ଷେପ ନ ନେବାରୁ ଆଜିଠୁ ୨୧ ତାରିଖ ଯାଏଁ କଳା ବ୍ୟାଜ୍ ଧାରଣ କରି ବନ କର୍ମଚାରୀ କାର୍ଯ୍ୟ ଆରମ୍ଭ କରିଛନ୍ତି ।
୩ ଦଫା ଦାବି ତୁରନ୍ତ ପୂରଣ କରିବା ଲାଗି ସରକାରଙ୍କୁ ଅନୁରୋଧ କରିଛନ୍ତି । ପ୍ରଥମ ଦାବିରେ ମୃତ ବନ କର୍ମଚାରୀଙ୍କୁ କ୍ଷତିପୂରଣ ବାବଦ ୧ କୋଟି ଓ ଫାର୍ଷ୍ଟ ଟ୍ରାକ୍ କୋର୍ଟରେ ତୁରନ୍ତ ଦୋଷୀକୁ ଦଣ୍ଡ ବିଧାନ ପାଇଁ ଦାବି କରିଥିବା ବେଳେ ଦ୍ୱିତୀୟ ଦାବିରେ ବିଭିନ୍ନ ସମସ୍ୟାର ସମାଧାନ ପାଇଁ କମିଶନ ଗଠନ ଓ ତୃତୀୟ ଦାବିରେ ଜୀବନ ବୀମା ସହିତ ସ୍ୱାସ୍ଥ୍ୟ ବୀମା ପ୍ରଦାନ ଭଳି ସରକାରଙ୍କ ଆଗରେ ତିନୋଟି ଦାବି ରଖିଛନ୍ତି । ଏ ସମସ୍ତ ଦାବି ତୁରନ୍ତ ପୂରଣ ନକଲେ ଆସନ୍ତା ୨୨ ତାରିଖଠାରୁ କାର୍ଯ୍ୟ ଛାଡ଼ ଆନ୍ଦୋଳନର ଚେତାବନୀ ଦେଇଛନ୍ତି ବନ କର୍ମଚାରୀ ।
