ରାଜଗାଙ୍ଗପୁର୧୫/୬ : ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ଥାନା ଲାଞ୍ଜିବେର୍ଣା ଫାଣ୍ଡି ଅନ୍ତର୍ଗତ ଟୁଙ୍ଗୁରିଟୋଲି ଗ୍ରାମ ରାସ୍ତାର ୩୦ ମିଟର ଦୂରରେ ଏକ ବିଲରୁ ଜଣେ ଯୁବକଙ୍କ ମୃତଦେହକୁ ପୁଲିସ ଉଦ୍ଧାର କରିଛି। ରବିବାର ଦ୍ୱିପ୍ରହର ସମୟରେ ଏଠାରେ ମୃତଦେହ ପଡ଼ିଥିବା ଦେଖି ସ୍ଥାନୀୟ ଲୋକ ପୁଲିସକୁ ସୂଚନା ଦେଇଥିଲେ। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ରାଜଗାଙ୍ଗପୁର ଶବଗୃହକୁ ପଠାଇ ତଦନ୍ତ ଆରମ୍ଭ କରିଛି। ତେବେ ଯୁବକଙ୍କ ମୃତଦେହରେ କୌଣସି କ୍ଷତ ଦେଖିବାକୁ ମିଳିନଥିବା ବେଳେ  ଥିବା ତାଙ୍କ ପକେଟରୁ ନଗଦ ୭ହଜାର ୩୫୦ ଟଙ୍କା ସହ ରାଜଗାଙ୍ଗପୁରରୁ ଗର୍ଭଣା ପର୍ଯ୍ୟନ୍ତ କଟାଯାଇଥିବା ମୋ ବସର ଟିକଟ ମିଳିଛି । ବର୍ତ୍ତମାନ ସୁଦ୍ଧା ମୃତ ଯୁବକଙ୍କ ପରିଚୟ ଜଣାପଡ଼ି ନଥିବା ବେଳେ ଯୁବକଙ୍କ ମୃତ୍ୟୁ କିଭଳି ହେଲା ତାହା ସ୍ପଷ୍ଟ ହୋଇନାହିଁ।ପୁଲିସ ଏ ଦିଗରେ ତଦନ୍ତ ଚଳାଇଛି।