ସାହାଜପାଲ ୨୫/୦୫: ବୌଦ୍ଧ ସଦର ବ୍ଲକ ମୁଣ୍ଡାପଡା ଗ୍ରାମ ପଞ୍ଚାୟତ ଅନ୍ତର୍ଗତ କମିରା ଗ୍ରାମରୁ ହରିଣ ଛୁଆ ଉଦ୍ଧାର। ହରିଣ ଛୁଆକୁ ରେଞ୍ଜ ଅଫିସକୁ ନେଲେ ବନ କର୍ମଚାରୀ। ଏହାପରେ ପ୍ରାଣୀ ଚିକିତ୍ସାଳୟରେ ହରିଣକୁ ଚିକିତ୍ସା କରାଯିବ ବୋଲି ଜଣାପଡ଼ିଛି।
ସୂଚନା ଅନୁଯାଇ, ରବିବାର ବୌଦ୍ଧ ସଦର ବ୍ଲକ ମୁଣ୍ଡାପଡା ଗ୍ରାମ ପଞ୍ଚାୟତ ଅନ୍ତର୍ଗତ କମିରା ଗ୍ରାମରେ ଏକ ହରିଣ ଛୁଆ ବୁଲୁଥିବା ଦେଖିବାକୁ ମିଳିଥିଲା। ହରିଣକୁ ଦେଖିବା ପରେ ଗ୍ରାମ ବାସୀ ସ୍ଥାନୀୟ ସରପଞ୍ଚ ସୁମନ୍ତ ନାଏକଙ୍କୁ ସୂଚନା ଦେଇଥିଲେ। ଜଙ୍ଗଲ ଜଗୁଥିବା ସୁମନ୍ତ ବାଘ ଓ ଅନିଲ ବେହେରା ହରିଣ ଛୁଆକୁ ଦେଖିବା ପରେ ଉଦ୍ଧାର କରିଥିଲେ। ପରେ ବୌଦ୍ଧ ବନ ବିଭାଗକୁ ଜଣାଇଥିଲେ। ବୌଦ୍ଧ ବନ ବିଭାଗ ଖଜୁରୀପଡା ବ୍ରାହ୍ମଣୀପାଲି ବିଟର ଫୋରେଷ୍ଟ ରମାକାନ୍ତ ପାଣିଗ୍ରାହି ଘଟଣା ସ୍ଥଳରେ ପହଞ୍ଚିଥିଲେ। ଏହିଭଳି ଅନ୍ୟ କର୍ମଚାରୀମାନେ ମଧ୍ୟ ଉପସ୍ଥିରେ ହରିଣ ଛୁଆକୁ ଉଦ୍ଧାର କରି ରେଞ୍ଜ ଅଫିସକୁ ନେଇଥିବା ଜଣାପଡିଛି।। ଏହାପରେ ପ୍ରାଣୀ ଚିକିତ୍ସାଳୟରେ ହରିଣକୁ ଚିକିତ୍ସା କରାଯିବ ବୋଲି ସୂଚନା ମିଳିଛି।
