ନୂଆଦିଲ୍ଲୀ: ପଞ୍ଜାବ କିଙ୍ଗସ୍ IPL 2025 ଟାଇଟଲ୍ ଜିତି ନାହିଁ ସତ କିନ୍ତୁ ଟିମ୍ର ଅଧିନାୟକ ଶ୍ରେୟସ ଆୟରଙ୍କ ପାଇଁ ଅନେକ ପାଗଳ । ପ୍ରଶଂସକଙ୍କ ଗହଣରେ ଏବେ ବି ଅଧିନାୟକ ଶ୍ରେୟସ ଆୟରଙ୍କ କ୍ରେଜ୍ ପ୍ରବଳ । ଏହାର ସଦ୍ୟତମ ଉଦାହରଣ ହେଉଛି, ଏକ ସାକ୍ଷାତକାରରେ ଚଳଚ୍ଚିତ୍ର ଅଭିନେତ୍ରୀ ଏଡିନ ରୋଜ୍ ଦେଇଥିବା ବୟାନ। ସେ କହିଛନ୍ତି ଯେ, ସେ ଆୟରଙ୍କୁ ହୃଦୟରେ ତାଙ୍କ ସ୍ୱାମୀ ବୋଲି ମାନିଛନ୍ତି ଏବଂ ନିଜକୁ ତାଙ୍କ ପିଲାମାନଙ୍କର ମା ବୋଲି ଭାବୁଛନ୍ତି। ବିଗ୍ ବସ୍ ୧୮ ଫେମ୍ ଅଭିନେତ୍ରୀ ଏଡିନ ରୋଜ୍ ‘ଫିଲ୍ମି ଜ୍ଞାନ’କୁ ଦେଇଥିବା ଏକ ସାକ୍ଷାତକାରରେ ତାଙ୍କର ପ୍ରିୟ କ୍ରିକେଟରଙ୍କ ବିଷୟରେ କହିଛନ୍ତି ।
ସେ କହିଛନ୍ତି ଯେ, ସେ ଶ୍ରେୟସ ଆୟରଙ୍କୁ ବହୁତ ପସନ୍ଦ କରନ୍ତି। ସେ ତାଙ୍କୁ ତୁରନ୍ତ ବିବାହ କରିବାକୁ ଚାହାଁନ୍ତି। ସେ ତାଙ୍କ ପିଲାମାନଙ୍କର ମାଆ ବୋଲି ମାନୁଛନ୍ତି। ଏପରିକି ସେ ଶ୍ରେୟସଙ୍କ ଚାରୋଟି ଗୁଣ ସଂପର୍କରେ କହିଛନ୍ତି । ଆୟରଙ୍କ ଉଚ୍ଚତା ଅଧିକ । ସେ କଳା ଏବଂ ସୁନ୍ଦର। ତାଙ୍କର ଭଲ ଦାଢ଼ି ମଧ୍ୟ ଅଛି। ସେ ଭାରତକୁ ପ୍ରତିନିଧିତ୍ୱ କରନ୍ତି ଏବଂ ଦେଶ ପାଇଁ ଖେଳନ୍ତି। ରୋଜ୍ କହିଛନ୍ତି, ‘ମୁଁ ତାଙ୍କୁ ତୁରନ୍ତ ବିବାହ କରିବାକୁ ଚାହୁଁଛି । ମୁଁ ଚାରୋଟି ଗୁଣ ଚାହୁଁଛି - ସେ ଉଚ୍ଚ, କଳା ଏବଂ ସୁନ୍ଦର, ତାଙ୍କର ଭଲ ଦାଢ଼ି ଏବଂ ମାଂସପେଶୀ ମଧ୍ୟ ଅଛି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ସେ ଆମ ଦେଶ ପାଇଁ ଖେଳନ୍ତି। ସେ ମୋ ବାପାଙ୍କ ପରି ଦକ୍ଷିଣ ଭାରତରୁ ଆସିଛନ୍ତି।’ସେ କହିଛନ୍ତି, ‘ମୁଁ ବିଶ୍ୱାସ କରେ ଯେ ମୁଁ ତାଙ୍କ ପିଲାମାନଙ୍କର ମା। ମୋ ମତରେ, ମୁଁ ତାଙ୍କୁ ବିବାହ କରିଛି।'
ଶ୍ରେୟସ ଆୟରଙ୍କ ନେତୃତ୍ୱରେ ପଞ୍ଜାବ ଟାଇଟଲ ଜିତିପାରିନଥିଲେ ମଧ୍ୟ, ଦଳ ୨୦୧୪ ପରେ ପ୍ରଥମ ଥର ପାଇଁ ଫାଇନାଲରେ ପ୍ରବେଶ କରିଥିଲା । ସେ ତିନୋଟି ଭିନ୍ନ ଦଳ ସହିତ ଆଇପିଏଲ ଫାଇନାଲରେ ପହଞ୍ଚିଥିବା ପ୍ରଥମ ଅଧିନାୟକ। ଶ୍ରେୟସ ପୂର୍ବରୁ ୨୦୨୦ରେ ଦିଲ୍ଲୀ କ୍ୟାପିଟାଲ୍ସ ଏବଂ ୨୦୨୪ରେ କୋଲକାତା ନାଇଟ୍ ରାଇଡର୍ସକୁ ସହିତ ଆଇପିଏଲ ଫାଇନାଲରେ ପହଞ୍ଚାଇଥିଲେ । ତାଙ୍କ ଅଧିନାୟକତ୍ୱରେ KKR ଗତ ବର୍ଷ ମଧ୍ୟ ଟାଇଟଲ ଜିତିଥିଲା। ଆୟର ନିଜକୁ ଜଣେ ଅଧିନାୟକ ଭାବରେ ପ୍ରତିଷ୍ଠିତ କରିବାରେ ସଫଳ ହୋଇଛନ୍ତି ଯାହା ଭବିଷ୍ୟତରେ ଭାରତକୁ ଆବଶ୍ୟକ ହୋଇପାରେ।
