ନୂଆଦିଲ୍ଲୀ,୨୮/୦୬: ରେସିପ୍ରୋକାଲ ଟାରିଫ୍ ଡେଡ୍ଲାଇନ୍ ନେଇ ଖୋଲା ଧମକ ଦେଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ସେ ସଫା ସଫା କହିଛନ୍ତି କି ଜୁଲାଇ ୯ର ରେସିପ୍ରୋକାଲ ବା ପାରସ୍ପରିକ ଶୁଳ୍କ ଶେଷ କୌଣସି ଫାଇନାଲ ତାରିଖ ନୁହେଁ । ତାହା ଆଗକୁ ବଢିପାରେ ।
'ଆମ ମନ, ଆମେ ଯାହା ଚାହିଁବୁ କରିବୁ'-ଯେବେଠୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କ୍ଷମତାକୁ ଆସିଲେଣି ତାଙ୍କ ବୟାନ ଓ ନିଷ୍ପତ୍ତିକୁ ଚର୍ଚ୍ଚାରେ ରହିଛନ୍ତି । ଆଜି ଗୋଟିଏ କଥା କହିଲେ କାଲି ଗୋଟିଏ କଥା କହୁଛନ୍ତି । ଏବେ ଟ୍ରମ୍ପଙ୍କର ଆଉ ଏକ ସଦ୍ୟ ବୟାନ ସାମ୍ନାକୁ ଆସିଛି । ଜୁଲାଇ ୯ ଯାଏ ରେସିପ୍ରୋକାଲ ଟାରିଫ ଡେଡ୍ଲାଇନ୍ ନେଇ ଟ୍ରମ୍ପ କହିଛନ୍ତି, ଆମେ ଯେବେ ଚାହିଁବୁ ନିଷ୍ପତ୍ତି ବଦଳାଇବୁ । ଏହାକୁ ଆଗକୁ ବି ବଢାଇପାରୁ । ମୁଁ ଚାହୁଁଛି କି ଶୀଘ୍ର କରିବାକୁ ଏବଂ ସମସ୍ତଙ୍କୁ ସିଧା ଚିଠି ଲେଖି ଶୁଭେଚ୍ଛା ଜଣାଇବାକୁ । ଏବେ ୨୫ ପ୍ରତିଶତ କର ଦେଉଛନ୍ତି । ୯ ଜୁଲାଇ ଯାଏ ରେସିପ୍ରୋକାଲ ଟାରିଫ୍ ପୁଣି ଲାଗୁ କରିବାର ଶେଷ ତାରିଖ ନେଇ ଟ୍ରମ୍ପ କହିଛନ୍ତି, ଆମ ମନ ଆମେ ଯାହା କରିବୁ । ଆମେ ଏହି ସମୟସୀମାକୁ ବଢାଇପାରୁ କମ୍ ବି କରିପାରୁ । ମୁଁ ଚାହୁଁଛି କି ଏହାକୁ କମାଯାଉ ।
ଜୁଲାଇ ୮ରେ ସରୁଛି ୯୦ ଦିନର ଶୁଳ୍କ ଛାଡ଼- ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଚଳିତବର୍ଷ ଏପ୍ରିଲରେ ବିଦେଶୀରୁ ଆସୁଥିବା ପ୍ରାୟ ସମସ୍ତ ଜିନିଷ ଉପରେ ରେସିପ୍ରୋକାଲ ଟାରିଫ୍ ସିଷ୍ଟମ ଲାଗୁ କରିବାକୁ ଘୋଷଣା କରିଥିଲେ । ଏହି ଆଧାରରେ ସବୁ ଜିନିଷରେ ୧୦ ପ୍ରତିଶତରୁ ଅଧିକ ଟାରିଫ୍ ଲଗାଯିବାର ଥିଲା । ସେଥିରେ ୯୦ ଦିନରେ ଛାଡ ଦିଆଯାଇଥିଲା । କାରଣ ଦେଶ ମଧ୍ୟରେ ଆଲୋଚନା ଜରିଆରେ ବୁଝାମଣା ହୋଇଥାନ୍ତା । ଏହି ଛାଡ଼ ଜୁଲାଇ ୮ରେ ଶେଷ ହେବ । ମେ ଶେଷ ସୁଦ୍ଧା ଟ୍ରମ୍ପ କଠୋର ହୋଇଥିଲେ । ସେ ୟୁରୋପିୟ ୟୁନିୟନରୁ ଆସୁଥିବା ଜିନିଷରୁ ୫୦ ପ୍ରତିଶତ ଶୁଳ୍କ ଲଗାଇବାକୁ ଚେତାବନୀ ଦେଇଥିଲେ ।
ଅଧିକ ପଢନ୍ତୁ...ଚୀନ୍ ପରେ ଭାରତ ସହ ବଡ଼ ବାଣିଜ୍ୟିକ ଚୁକ୍ତି କରିବ ଆମେରିକା, ଡୋନାଲ୍ଡ ଟ୍ରମ୍ପଙ୍କ ସଙ୍କେତ
ସେପଟେ ଟ୍ରେଡ୍କୁ ନେଇ ବଡ଼ ବୟାନ ଦେଇ ଟ୍ରମ୍ପ । ଭାରତ-ଆମେରିକା ବାଣିଜ୍ୟିକ ଚୁକ୍ତି ନେଇ ଡୋନାଲ୍ଡ ଟ୍ରମ୍ପ କହିଛନ୍ତି, ସମସ୍ତ ପ୍ରତିବନ୍ଧକ ହଟାଇ ଭାରତ ସହ ଟ୍ରେଡ୍ ପାଇଁ ଆଶାବାଦୀ । ଏହା ଅକଳ୍ପନୀୟ ହେଲେ ବି ଜରୁରୀ । ଜୁଲାଇ ୮ରେ ସରୁଛି ରେସିପ୍ରୋକାଲ ଶୁଳ୍କ ଛାଡ଼ । ଏବେ ବି ରେସିପ୍ରୋକାଲ ବା ପାରସ୍ପରିକ ଟାରିଫ୍ ଲାଗୁ ତାରିଖ ଅସ୍ପଷ୍ଟ ରହିଛି ।
