ବର୍ତ୍ତମାନ ସମୟରେ ଗାଁ ଠାରୁ ସହର ଅଧିକାଂଶ ଲୋକ ଡାଇବେଟିସ ପୀଡିତ। ନିତିଦିନିଆ ଜୀବନଶୈଳୀ ଓ ଅସ୍ବାସ୍ଥକର ଖାଦ୍ୟପେୟ ଯୋଗୁଁ ଆଜିକାଲି ଅଧିକାଂଶ ଲୋକଙ୍କର ହେଉଛି ଡାଇବେଟିସ। ଆଉ ଡାଇବେଟିସ ରୋଗୀମାନେ ସର୍ବଦା ନିଜର ଡାଏଟକୁ ନେଇ ଯତ୍ନବାନ ରହିବା ଆବଶ୍ୟକ । ନ ହେଲେ ବ୍ଲଡସୁଗାର ବୃଦ୍ଧି ପାଇଥାଏ। ତେବେ ଆସନ୍ତୁ ଜାଣିବା କେଉଁସବୁ ଫଳ ଡାଇବେଟିସ ରୋଗୀ ଖାଇବା ଉଚିତ୍ ନୁହେଁ।
ଆମ୍ବ: ସେହିପରି ଡାଇବେଟିସ ରୋଗୀ ସୀମିତ ମାତ୍ରାରେ ଆମ୍ବ ଖାଇପାରିବେ ।ଏହା ଅଧିକ ଖାଇବା କ୍ଷତିକାରକ । କାରଣ ଆମ୍ବ ଖାଇଲେ ବ୍ଲଡସୁଗାର ସ୍ତର ବଢିପାରେ । ଏଥିରେ ସୁଗାର ମାତ୍ରା ଅଧିକ ଥାଏ ଯାହାକି ସୁଗାର ସ୍ତର ବଢାଇପାରେ । ହେଲେ ଆମ୍ବରେ ଫାଇବର ଓ ଆଣ୍ଟିଅକ୍ସିଡାଣ୍ଟ ମଧ୍ୟ ଥାଏ । ଏହା ସୁଗାର ସ୍ତର ହ୍ରାସ କରିବାରେ ସହାୟକ ହୋଇପାରେ ।
ଅଙ୍ଗୁର:ଡାଇବେଟିସ ରୋଗୀଙ୍କ ପାଇଁ ଅଙ୍ଗୁର ଲାଭଦାୟକ ହୋଇପାରେ । କିନ୍ତୁ ଏଥିରେ କିଛି ସମ୍ଭାବ୍ୟ ବିପଦ ମଧ୍ୟ ରହିଛି ଯାହା ଉପରେ ବିଚାର କରାଯିବା ଉଚିତ୍ । ଅଙ୍ଗୁରରେ ପ୍ରାକୃତିକ ସୁଗାର ବିଶେଷକରି ଫ୍ରୁକ୍ଟୋଜ ମାତ୍ରା ଅଧିକ । ତେଣୁ ଏହାର ଅଧିକ ସେବନ ଡାଇବେଟିସ ରୋଗୀଙ୍କ ସ୍ବାସ୍ଥ୍ୟପ୍ରତି ହାନିକାରକ ହୋଇପାରେ ।
ପାଚିଲା କଦଳୀ: ଏଥିରେ କାର୍ବସ ଥାଏ ଯାହା ବ୍ଲଡସୁଗାର ସ୍ତର ବୃଦ୍ଧି କରେ । ଯଦି ଆପଣ ଡାଇବେଟିସରେ ପିଡୀତ ତେବେ ନିଜ ଖାଦ୍ୟରେ କାର୍ବସ ପରିମାଣ ପ୍ରତି ଧ୍ୟାନ ରଖିବା ଜରୁରୀ । ଅନ୍ୟ ପୋଷକ ତତ୍ତ୍ବ ତୁଳନାରେ କାର୍ବସ ରକ୍ତରେ ସୁଗାର ସ୍ତରକୁ ଅଧିକ ବଢାଇଥାଏ । ଗୋଟିଏ କଦଳୀରେ ପ୍ରାୟ ୧୫ ଗ୍ରାମ ଚିନି ଥାଏ ଯାହା ଡାଇବେଟିସ ରୋଗୀ ପାଇଁ ହାନିକରକ ।
ସପୁରୀ:ପାଟିକୁ ଅତି ସୁଆଦିଆ ଲାଗୁଥିବା ସପୁରୀ ମଧ୍ୟ ମଧୁମେହ ରୋଗୀଙ୍କ ପାଇଁ ହାନିକାରକ ହୋଇପାରେ । ଏହି ଫଳ ଯଦିଓ ଭିଟାମିନ ଓ ବ୍ରୋମେଲାଇନ ଭଳି ଏନଜାଇମରେ ଭରପୁର ମାତ୍ର ଏହାର ସୁଗାର ପରିମାଣ ଅଧିକ । ଗୋଟିଏ କପ୍ କଟା ସପୁରୀରେ ୧୬ ଗ୍ରାମ ଚିନି ଥାଏ ।
