ନୂଆଦିଲ୍ଲୀ,୦ ୮/୦୨: ଦିଲ୍ଲୀ ଲଢେଇରେ ହାରିଗଲେ ହେଭିୱେଟ । ଦିଲ୍ଲୀ ବିଧାନସଭା ନିର୍ବାଚନରେ ଆପକୁ ବଡ ଝଟକା ଲାଗିଛି ।ହାରିଗଲେ ଅରବିନ୍ଦ କେଜ୍ରିୱାଲ । ଆପ୍ ହାତରୁ ଚାଲିଗଲା ନୂଆଦିଲ୍ଲୀ ଆସନ । ବିଜେପି ପ୍ରାର୍ଥୀଠୁ ପରାସ୍ତ ହୋଇଛନ୍ତି ପୂର୍ବତନ ମୁଖ୍ୟମନ୍ତ୍ରୀ ତଥା ଆପ୍ ସୁପ୍ରିମୋ ଅରବିନ୍ଦ କେଜ୍ରିୱାର । ବାଜି ମାରି ନେଇଛନ୍ତି ବିଜେପିର ପରବେଶ ବର୍ମା । ୩୧୮୬ ଖଣ୍ଡ ଭୋଟରେ ବିଜୟୀ ହୋଇଛନ୍ତି ବିଜେପି ପ୍ରାର୍ଥୀ ପରବେଶ । ସେହିପରି ମନୀଶ ସିସୋଦିଆ ମଧ୍ୟ ପରାସ୍ତ ହୋଇଛନ୍ତି ଯାହା ଆପକୁ ଡବଲ ଝଟକା ଦେଇଛି ।
ବିଜୟ ପରେ ପରବେଶ ବର୍ମା କହିଛନ୍ତି, ୧୦ ବର୍ଷ ହେବେ ଦିଲ୍ଲୀରେ କିଛି କାମ ହୋଇପାରୁ ନଥିଲା । ଏବେ ଦିଲ୍ଲୀରେ ଯେଉଁ ସରକାର ହେଉଛି ତାହା ପ୍ରଧାନମନ୍ତ୍ରୀଙ୍କ ଭିଜନକୁ ଆଣିବ । ମୋ ବିଜୟ ଶ୍ରେୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଦିଲ୍ଲବାସୀଙ୍କୁ ଦେଉଛି । ଦିଲ୍ଲୀ ଜନତାଙ୍କୁ ଧନ୍ୟବାଦ ଦେଉଛି ।
#WATCH | BJP candidate from New Delhi assembly constituency, Parvesh Verma shows victory sign as BJP is set to form government in Delhi pic.twitter.com/pPzFEQFAZq
— ANI (@ANI) February 8, 2025
ପୂର୍ବତନ ମୁଖ୍ୟମନ୍ତ୍ରୀଙ୍କ ପୁଅ ତଥା ବିଜେପି ପ୍ରାର୍ଥୀ ପରବେଶ ବର୍ମା ୩,୧୮୨ ଖଣ୍ଡ ଭୋଟରେ ବିଜୟୀ ହୋଇଛନ୍ତି । ଆଇଏଏସ ଅଫିସରରୁ ପଲିଟିସିଆନ ହୋଇଥିବା ଅରବିନ୍ଦ କେଜ୍ରିୱାଲଙ୍କୁ ପରାସ୍ତ କରିଛନ୍ତି ପରବେଶ । ସେପଟେ କାଲିକାଜୀ ଆସନରୁ ଦିଲ୍ଲୀ ମୁଖ୍ୟମନ୍ତ୍ରୀ ଆତିଶୀ ବିଜୟୀ ହୋଇଛନ୍ତି । ବିଜେପି ପ୍ରାର୍ଥୀ ରମେଶ ବିଧୁଡୀ ପରାସ୍ତ ହୋଇଛନ୍ତି । ଅନ୍ୟପଟେ ଜଙ୍ଗପୁରୀ ଆସନରୁ ପରାସ୍ତ ହୋଇଛନ୍ତି ଆପ୍ ପ୍ରାର୍ଥୀ ତଥା ଦିଲ୍ଲୀ ପୂର୍ବତନ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆ । ବିଜେପିର ତରଭିନ୍ଦରଙ୍କ ସିଂହ ସିସୋଦିଆଙ୍କୁ ହରାଇ ବିଜୟୀ ହୋଇଛନ୍ତି ।
#WATCH | BJP candidate from New Delhi assembly constituency Parvesh Verma says, "This govt which is going to be formed in Delhi will bring PM Modi's vision to Delhi. I give credit for this victory to PM Modi. I thank the people of Delhi. This is the victory of PM Modi and the… pic.twitter.com/JvbmBX5oj9
— ANI (@ANI) February 8, 2025
ଏହା ବି ପଢନ୍ତୁ...କିଏ ଜିତିବି ଦିଲ୍ଲୀର ଦିଲ୍ ? ଆପର ୩ ହେବିୱେଟ୍ ପଛୁଆ, ପ୍ରାରମ୍ଭିକ ଟ୍ରେଣ୍ଡରେ ବିଜେପି ଆଗୁଆ
ପ୍ରକାଶ ଥାଉ କି, ଗତ ଫେବୃଆରୀ ୫ ତାରିଖରେ ଦିଲ୍ଲୀର ୭୦ ବିଧାନସଭା ଆସନରେ ଭୋଟ ଗ୍ରହଣ ହୋଇଥିଲା । ମୋଟ୍ ୬୦.୫୪% ମତଦାନ ହୋଇଥିଲା । ଉତ୍ତରପୂର୍ବ ଜିଲ୍ଲୀରେ ସର୍ବାଧିକ ଭୋଟ୍ ଗ୍ରହଣ ରେକର୍ଡ ହୋଇଥିଲା । ଆଜି ସମସ୍ତ ୭୦ ଆସନରେ ଭୋଟ ଗଣତି ଜାରି ରହିଛନ୍ତି । ଏବେ ସୁଦ୍ଧା ବିଜେପି ବିରାଟ ବିଜୟ ପଥରେ ରହିଛି । ୨୭ ବର୍ଷ ପରେ ଦିଲ୍ଲୀରେ ବିଜେପି ଏକ ପ୍ରକାର ସରକାର ଗଢିବା ବାରି ହୋଇ ପଡୁଛି । ସେଲିବ୍ରେସନ ଆରମ୍ଭ କରି ଦେଲାଣି ଭାରତୀୟ ଜନତା ପାର୍ଟି ।
