ମୁମ୍ବାଇ, ୦୮/ ୧୨: ନିକଟରେ ବଲିଉଡ ଅଭିନେତ୍ରୀ ଦୀପିକା ପାଦୁକୋନ କନ୍ୟା ସନ୍ତାନର ମାଆ ହୋଇଛନ୍ତି । ଆଉ ମାଆ ହେବା ପରେ ପ୍ରଥମ ଥର ପାଇଁ ଆସିଛନ୍ତି ନଜର । ବେଙ୍ଗାଲୁରୁରେ ପଞ୍ଜାବୀ ଗାୟକ ଦିଲଜିତ ଦୋସାଞ୍ଜଙ୍କ ଏକ କନସର୍ଟରେ ନଜର ଆସିଛନ୍ତି ଅଭିନେତ୍ରୀ । ସେଥିରେ ସେ ନାଚୁଥିବାର ଦେଖିବାକୁ ମିଳିଥିବା ବେଳେ ପ୍ରଶଂସକଙ୍କୁ ନମସ୍କାର ମଧ୍ୟ କରିଛନ୍ତି । ଯାହାର ଭିଡିଓ ବର୍ତ୍ତମାନ ଭାଇରାଲ ହେବାରେ ଲାଗିଛି ।
ଭିଡିଓରେ ଦୀପିକାଙ୍କୁ ଏକ କାଜୁଆଲ ଲୁକରେ ଦେଖିବାକୁ ମିଳିଛି । ସେ ଧଳା ଟି-ସାର୍ଟ ସହ ଡେନିମ୍ ପ୍ୟାଣ୍ଟ ପିନ୍ଧିଛନ୍ତି । ଯେଉଁଥିରେ ସେ ବେଶ୍ ସୁନ୍ଦର ଲାଗୁଛନ୍ତି । ତେବେ ପ୍ରଥମେ ଦୀପିକା ପାଦୁକୋନ ହଠାତ୍ ଦିଲଜିତ ଦୋସାଞ୍ଜଙ୍କ କନ୍ସର୍ଟରେ ପ୍ରବେଶ କରି ମଞ୍ଚକୁ ଯାଇ ଗାୟକଙ୍କୁ ଆଶ୍ଚର୍ଯ୍ୟ କରିଥିଲେ । ଏଥି ସହିତ ଦୀପିକା ପାଦୁକୋନ ମଞ୍ଚରେ ଦିଲଜିତ ଦୋସଞ୍ଜଙ୍କୁ କନ୍ନଡ ଭାଷା ଶିକ୍ଷା ଦେଇଥିଲେ। ତେବେ ଦୀପିକା ପାଦୁକୋନ ଏବଂ ଦିଲଜିତ ଦୋସାଞ୍ଜ କନସର୍ଟରୁ ଏକ ଭିଡିଓ ସେୟାର ହୋଇଛି । ଦିଲଜିତ୍ କନସର୍ଟରେ ଦୀପିକାଙ୍କ ଏକ ସ୍କିନ୍ କେୟାର ପ୍ରଡକ୍ଟର ପ୍ରୋତ୍ସାହିତ କରିଛନ୍ତି । ପ୍ରକାଶ ଥାଉକି, ଗତ ସେପ୍ଟେମ୍ବର ୮ରେ ଦୀପିକା ଏବଂ ରଣବୀର ଏକ କନ୍ୟା ସନ୍ତାନର ପିତାମାତା ହେବାର ସୌଭାଗ୍ୟ ଅର୍ଜନ କରିଥିଲେ । ଯାହାର ଖବର ସେ ସୋସିଆଲ ମିଡିଆରେ ସେୟାର କରିଥିଲେ । ତେବେ ତାଙ୍କ ଝିଅଙ୍କ ନାମ ଦୁଆ ରଖିବାଥିବା ବେଳେ ତାଙ୍କୁ ମାତ୍ର ୨ ମାସ ହୋଇଛି। ଯାହାକୁ ନେଇ ଅଭିନେତ୍ରୀ ଫିଲ୍ମ ଦୁନିଆରୁ ଦୂରରେ ରହି ଝିଅଙ୍କ ସହ ବିତାଉଛନ୍ତି ସମୟ ।
