ସାଲେପୁର,୦୫/୦୮:ପାଣି ଉଠାଇବାକୁ ଯିବା ହେଲା କାଳ । ନଦୀରେ ଭାସିଯାଇ ନିଖୋଜ ବ୍ୟକ୍ତିଙ୍କ ମୃତଦେହ ଉଦ୍ଧାର। କଟକ ସାଲେପୁର ବଟେଶ୍ବର ଗ୍ରାମ ନିକଟସ୍ଥ ଚିତ୍ରୋପଳାରୁ ସାମ୍ନାକୁ ଆସିଛି ଏହି ଘଟଣା। ମୃତ ବ୍ୟକ୍ତି ଜଣକ ହେଲେ କାସିପୁର ଗ୍ରାମର ରବିନ୍ଦ୍ରନାଥ କରଙ୍କ ପୁଅ ଅମୃତ କୁମାର କର ବୋଲି ଜଣାପଡ଼ିଛି।
ସୂଚନା ମୁତାବକ, ଗତକାଲି ଶ୍ରାବଣ ମାସର ଶେଷ ସୋମବାର ମହାଦେବଙ୍କ ନିକଟରେ ଜଳାଅଭିଷେକ କରିବା ପାଇଁ ଅମୃତ କୁମାର ଚିତ୍ରୋପଳା ନଦୀକୁ ପାଣି ଉଠାଇବାକୁ ଯାଇଥିଲେ । ସେହି ସମୟରେ ନଦୀର ପ୍ରଖର ସ୍ରୋତରେ ଅମୃତ କୁମାର କର ଭାସି ନିଖୋଜ ହୋଇଯାଇଥିଲେ । ଏନେଇ ମୃତଦେହ ନଦୀ ପାଣିରେ ଭାସୁଥିବା ଦେଖି ଅଗ୍ନିଶମ ବାହିନୀ ଚିତ୍ରୋପଳା ନଦୀରୁ ମୃତଦେହ ଉଦ୍ଧାର କରିଛି। ସେପଟେ ସାଲେପୁର ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ କଟକ ପଠାଇଦେଇଛି।
